Virata Parvam: రానా దగ్గుబాటి (Rana Daggubati), సాయి పల్లవి (Saipallavi) ప్రధాన పాత్రల్లో నటించిన చిత్రం విరాట పర్వం. నీది నాదీ ఒకే కథ సినిమాతో ఆకట్టుకున్న వేణు ఊడుగుల ఈ సినిమాకు దర్శకత్వం వహిస్తున్నారు.
Follow us on
Virata Parvam: రానా దగ్గుబాటి (Rana Daggubati), సాయి పల్లవి (Saipallavi) ప్రధాన పాత్రల్లో నటించిన చిత్రం విరాట పర్వం. నీది నాదీ ఒకే కథ సినిమాతో ఆకట్టుకున్న వేణు ఊడుగుల ఈ సినిమాకు దర్శకత్వం వహిస్తున్నారు. ఎన్నో అవాంతరాలు ఎదుర్కొన్న ఈ చిత్రం ఎట్టకేలకు జూన్‌ 17న ప్రేక్షకుల ముందుకు రాబోతోంది. దీంతో మూవీ ప్రమోషన్స్‌ను వేగవంతం చేసిన చిత్రం బృందం. ఇటీవల ట్రైలర్‌ను కూడా విడుదల చేశారు. నక్సలిజానికి ప్రేమకథను జోడించి రూపొందించిన ఈ సినిమా ట్రైలర్‌ ఆద్యంతం ఆసక్తికరంగా అనిపించింది. సినిమాపై అంచనాలను మరింత పెంచేసింది. ఈక్రమంలో పలువురు సినిమా సెలబ్రిటీలు విరాటపర్వం (Virata Parvam) ట్రైలర్‌ను మెచ్చుకుంటూ తమ స్పందనను తెలియజేస్తున్నారు. తాజాగా బాలీవుడ్‌ ప్రముఖ నిర్మాత, డైరెక్టర్‌ కరణ్‌ జోహార్‌ (Karan Johar) సైతం ఈ ట్రైలర్‌పై స్పందించాడు.
This looks fantastic Rana!!!! Can’t wait to see it! Intense Raw and Rivetting!!! You are superb! And I am a huge @Sai_Pallavi92 fan! ❤️ https://t.co/FpvsbHQhQ2
విరాట పర్వం ట్రైలర్‌ విడుదల చేసినట్లు రానా ట్వీట్‌ చేయగా దానిని రిట్వీట్‌ చేశాడు కరణ్‌. ‘ విరాట పర్వం ట్రైలర్‌ చూడడానికి చాలా అద్భుతంగా ఉంది రానా. సినిమాను చూడడానికి ఎదురుచూస్తున్నాను. నువ్వు సూపర్. ఇంక నేను సాయి పల్లవికి పెద్ద ఫ్యాన్’ అంటూ ట్విట్టర్‌లో రాసుకొచ్చాడు. కాగా విరాటపర్వంలో మరో హీరో నవీన్ చంద్ర, నివేదా పేతురాజ్, ఈశ్వరీ రావు, ప్రియమణి, ముఖ్య పాత్రలు పోషించారు. ఈ చిత్రానికి సురేష్ బొబ్బిలి సంగీత దర్శకుడిగా వ్యవహరిస్తున్నారు. ఈ సినిమా ట్రైలర్‌ యూట్యూబ్‌లో రికార్డులు క్రియేట్‌ చేస్తోంది. ఇప్పటికే 7.4 మిలియన్ల వ్యూస్‌ని దాటేసింది.
