Nithiin: వరుస సినిమాలతో ఫుల్ జోష్ లో యంగ్ హీరో.. మరో సినిమాను లైన్ లో పెట్టిన నితిన్..
చేతి నిండా సినిమాలతో క్షణం తీరిక లేకుండా గడుపుతున్నారు కథానాయకుడు నితిన్. ఈ ఏడాది ఇప్పటికే "చెక్‌", "రంగ్‌ దే" చిత్రాలతో ప్రేక్షకుల్ని పలకరించిన ఈ యంగ్ హీరో..
Nithiin:
చేతి నిండా సినిమాలతో క్షణం తీరిక లేకుండా గడుపుతున్నారు కథానాయకుడు నితిన్. ఈ ఏడాది ఇప్పటికే “చెక్‌”, “రంగ్‌ దే” చిత్రాలతో ప్రేక్షకుల్ని పలకరించిన ఈ యంగ్ హీరో.. ఇప్పుడు “మ్యాస్ట్రో”గా అలరించేందుకు సిద్ధమవుతున్నారు. ఈ సినిమా బాలీవుడ్ లో సూపర్ హిట్ అయిన సినిమా అందాదూన్ కు రీమేక్ గా తెరకెక్కుతుంది. ఈ సినిమాలో నితిన్ కు జోడీగా నభనటేష్ నటిస్తుంది. అయితే ఈ సినిమా సెట్స్‌పై ఉండగానే నితన్‌ మరో కొత్త కథకు పచ్చజెండా ఊపారని ఇండస్ట్రీలో టాక్‌ వినిపిస్తోంది. అల్లు అర్జున్‌ హీరోగా నటించిన “నా పేరు సూర్య నా ఇల్లు ఇండియా” దర్శకుడు వక్కంతం వంశీ డైరెక్షన్లో నితిన్ ఓ సినిమా చేసేందుకు గ్రీన్ సిగ్నల్ ఇచ్చాడని తెలుస్తుంది. ఇప్పుడు ఈ వార్త ఫిలిం సర్కిల్స్ లో తెగ చక్కర్లు కొడుతుంది.
ఇక ఈ సినిమాను ఠాగూర్‌ మధు నిర్మించనున్నారు. రొమాంటిక్‌ కామెడీ సన్నీవేశాలతో పాటు హై వోల్టేజ్‌ యాక్షన్‌ డ్రామా నేపథ్యంగా ఈ చిత్రం ఉండనుందని అంటున్నారు. అలాగే ఈ సినిమాలో హీరోయిన్ గా ఫిదా బ్యూటీ సాయి పల్లవిని ఎంపిక చేసారని తెలుస్తుంది. ఈ సినిమాలో నితిన్ పాత్ర ఓ ప్రత్యేకతను కలిగి ఉంటుందట. దానికితోడు హీరోయిన్ సాయి పల్లవికి కూడా ఈ సినిమాలో పర్ఫార్మెన్స్‌ కు స్కోప్‌ ఉంటుందట. ఇక ఇప్పటికే డైరెక్టర్ వక్కంతం స్క్రిప్ట్‌ పనులు ఫినిష్ చేసి నితిన్ కోసం వెయిట్ చేస్తున్నారట. ప్రభుత్వం లాక్‌డౌన్‌ తీసేసిన ఇమ్మీడియట్ గా హీరోహీరోయిన్‌ల డేట్లు లాక్‌ చేసి.. ఈ సినిమాకు కొబ్బరికాయ కొట్టనున్నారట ఈ రైటర్‌ కమ్ డైరెక్టర్.
మరిన్ని ఇక్కడ చదవండి :