Vikram Look Cobra: ఈ ఫొటోలో క‌నిపిస్తోన్న వ్య‌క్తి మ‌రెవ‌రో కాదు.. స్టార్ హీరో విక్ర‌మ్‌.. న‌మ్మ‌శ‌క్యంగా లేదు క‌దూ..!

Vikram New Look

Vikram Look Cobra: విల‌క్ష‌ణ న‌ట‌న‌కు పెట్టింది పేరు న‌టుడు విక్ర‌మ్‌. సినిమా సినిమాకు కొత్త వేరియేష‌న్ చూపిస్తూ త‌న‌లోని న‌ట‌న‌తో ప్రేక్ష‌కుల‌ను మెస్మ‌రైజ్ చేస్తుంటాడీ ట్యాలెంట్‌డ్ హీరో. 55 ఏళ్ల వ‌య‌సులోనూ విభిన్న పాత్ర‌ల్లో న‌టిస్తూ యంగ్ హీరోల‌కు సైతం పోటీనిస్తున్నాడు. ఇక విక్ర‌మ్ సినిమాల్లో త‌న పాత్ర‌లు చాలా వైవిధ్యంగా ఉంటాయి. అద్భుత న‌ట‌న‌తోనే కాకుండా గెటప్‌ల‌తోనూ ఆక‌ట్టుకుంటాడు. తాజాగా మ‌రో ఇంట్రెస్టింగ్‌ క్యారెక్ట‌ర్‌తో ప్రేక్ష‌కుల ముందుకు వ‌స్తున్నాడు.
అజ‌య్ జ్ఞాన‌ముత్తు ద‌ర్శ‌క‌త్వంలో తెర‌కెక్కుతోన్న కోబ్రా అనే సినిమాలో విక్ర‌మ్ ఏకంగా 20 బిభిన్న గెట‌ప్‌ల‌లో క‌నిపించ‌నున్నాడు. ఇప్ప‌టికే విక్ర‌మ్‌కు సంబంధించి విడుద‌లైన కొన్ని ఫొటోలు నెట్టింట్లో ర‌చ్చ చేశాయి. ఇక ద‌ర్శ‌కుడు జ్ఞాన ముత్తు తాజాగా ఇన్‌స్టాగ్రామ్ వేదిక‌గా పోస్ట్ చేసిన ఓ ఫొటో ఆస‌క్తిని రేకెత్తిస్తోంది. క‌రోనా కారణంగా ఈ సినిమా షూటింగ్ వాయిదా ప‌డింది. అయితే తాజాగా ప‌రిస్థితుల్లో మార్పులు వ‌స్తోన్న స‌మ‌యంలో చిత్ర యూనిట్ తిరిగి సినిమా షూటింగ్‌ను ప్రారంభించేందుకు సిద్ధ‌మ‌వుతోంది. ఇదే విష‌యాన్ని ప్రేక్ష‌కుల‌తో పంచుకున్న ద‌ర్శ‌కుడు విక్ర‌మ్ కొత్త లుక్‌ను పోస్ట్ చేశారు. ఇదిలా ఉంటే ఈ సినిమాలో క్రికెట‌ర్ ఇర్ఫాన్ ఖాన్ ఇంటర్‌పోల్ అధికారి పాత్ర‌లో న‌టిస్తున్నాడు.

ద‌ర్శ‌కుడు పోస్ట్ చేసిన ఫొటో..

కోబ్రా సినిమా టీజ‌ర్‌..