
విజయ్ దేవరకొండ, రష్మిక మందన హీరో, హీరోయిన్లుగా నటిస్తోన్న చిత్రం ‘డియర్ కామ్రెడ్’. ఈ సినిమాకి భరత్ కమ్మ దర్శకత్వం వహిస్తున్నారు. తాజాగా ఈ సినిమాలోని ‘కడలల్లే కన్నులే’ అనే పాట లిరికల్ వీడియోను విజయ్ దేవర కొండ బుధవారం ట్విట్టర్ వేదికగా రిలీజ్ చేశారు. ఉదయం లేవగానే భరత్ మేసేజ్ చేశాడని, ఓపెన్ చేయగా అది పాటని.. ఆ పాటను వినగానే ఉద్వేగానికి లోనేటట్టు తెలిపారు. అలాగే.. ఈ పాటను ఇంట్లో ప్లే చేస్తుంటే.. ఇది విని అమ్మ కళ్లు చమర్చాయని.. ఇప్పుడు మీరూ వినండని.. ట్వీట్లో వెల్లడించాడు డియర్ కామ్రేడ్. కాగా ఈ సినిమా జులై 26న ప్రేక్షకుల ముందుకు రాబోతోంది.