Kangana Ranaut : కంగనా రనౌత్ పాస్పోర్ట్ రెడీ..! త్వరలో ‘ధాకాడ్’ చిత్రీకరణ కోసం విదేశాలకు..
Kangana Ranaut : బాలీవుడ్ నటి కంగనా రనౌత్ పాస్పోర్ట్ పునరుద్ధరించబడింది. ఈ విషయాన్ని ఆమె సోషల్ మీడియాలో
Kangana Ranaut : బాలీవుడ్ నటి కంగనా రనౌత్ పాస్పోర్ట్ పునరుద్ధరించబడింది. ఈ విషయాన్ని ఆమె సోషల్ మీడియాలో పోస్ట్ చేసింది. గత కొన్ని రోజులుగా పాస్పోర్ట్ పునరుద్ధరణ గురించి కంగనా ఆందోళన చెందింది కానీ ఇప్పుడు ఆమె సమస్య పరిష్కారమైంది. త్వరలో ధాకాడ్ షూటింగ్ కోసం విదేశాలకు వెళుతున్నట్లు తెలిపింది. ఈ సంతోషకరమైన వార్తను కంగనా ధాకాడ్ దర్శకుడితో పంచుకుంటూ అభిమానులకు ఫోటో షేర్ చేసింది. దీనిపై ఇలా రాసింది ” నా పాస్పోర్ట్ వచ్చింది. అందరికీ ధన్యవాదాలు. చీఫ్ నేను త్వరలో మీతో ఉండబోతున్నాను అంటూ వ్యాఖ్యానించింది” కంగనాకు పాస్పోర్ట్ వచ్చిన తరువాత ఆమె అభిమానులు చాలా సంతోషంగా ఉన్నారు.
కోర్టు ఈ విషయాన్ని పాస్పోర్ట్ అథారిటీకి వదిలివేసింది
బొంబాయి హైకోర్టులో కంగనా రనౌత్ పాస్పోర్ట్ పునరుద్ధరణపై సోమవారం జరిగిన విచారణలో కోర్టు పాస్పోర్ట్ అథారిటీకి అనుకూలంగా తీర్పు ఇచ్చింది. కంగనా పాస్పోర్ట్ ను పునరుద్ధరించడం పాస్పోర్ట్ అథారిటీ బాధ్యత అని తెలిపింది. కంగనా తన రాబోయే చిత్రం ధాకాడ్ షూటింగ్ కోసం బుడాపెస్ట్ వెళ్ళవలసి వచ్చింది. దీని కోసం ఆమె పాస్పోర్ట్ పునరుద్ధరించాల్సి వచ్చింది.
కంగనా రనౌత్ త్వరలో తలైవిగా కనిపించనున్నారు. ఈ చిత్రంలో ఆమె తమిళనాడు ముఖ్యమంత్రి జయలలిత పాత్రలో కనిపించనుంది. ఈ చిత్రం ఏప్రిల్ 23 న విడుదల కావాల్సి ఉంది. కానీ కరోనా రెండో వేవ్ కారణంగా ఇది వాయిదా పడింది. ఈ చిత్రం రెండో విడుదల తేదీ ఇంకా ఖరారు కాలేదు. ఇది కాకుండా కంగనా తన రాబోయే చిత్రం ఎమర్జెన్సీకి సన్నాహాలు కూడా ప్రారంభించింది. ఈ చిత్రంలో ఆమె ఇందిరా గాంధీ పాత్రలో కనిపించనుంది.