Akshay Kumar: వివాదంలో అక్షయ్ కుమార్ సినిమా.. మూవీ పేరు మార్చాలని డిమాండ్.. దిష్టిబొమ్మ దహనం..
బాలీవుడ్ స్టార్ హీరో అక్షయ్ కుమార్ తాజాగా ఓ వివాదంలో చిక్కుకున్నారు. ఆయన ప్రధాన పాత్రలో నటిస్తున్న లెటేస్ట్ చిత్రం 'పృథ్వీరాజ్' సినిమాకు మరో చిక్కు వచ్చి పడింది.
బాలీవుడ్ స్టార్ హీరో అక్షయ్ కుమార్ తాజాగా ఓ వివాదంలో చిక్కుకున్నారు. ఆయన ప్రధాన పాత్రలో నటిస్తున్న లెటేస్ట్ చిత్రం ‘పృథ్వీరాజ్’ సినిమాకు మరో చిక్కు వచ్చి పడింది. ఈ మూవీకి వ్యతిరేకంగా చంఢీగడ్ లో ఆందోళనలు చేపట్టారు. పృథ్వీరాజ్ సినిమా పేరు మార్చాలని అఖిల భారతీయ క్షత్రియ మహాసభ నేతృత్వంలోని నాయకులు నిరసన చేపట్టారు. ఈ క్రమంలోనే అక్షయ్ కుమార్ దిష్టిబొమ్మను సైతం దహనం చేశారు.
ఈ సినిమా పేరు కేవలం పృథ్వీ రాజ్ గా ఉండకూడదని.. పూర్తి పేరు హిందూ సామ్రాట్ పృథ్వీరాజ్ చౌహాన్ లేదా.. చక్రవర్తి పృథ్వీరాజ్ చౌహన్ గా ఉండాలని.. ఆ సంఘం నాయకులు డిమాండ్ చేశారు. పృథ్వీ రాజ్ చౌహన్ చివరి హిందూ చక్రవర్తి అని.. అలాంటి సందర్భంలో ఈ సినిమా అతని పేరుకు పూర్తి గౌరవం ఇవ్వాలని కోరారు.. అదే విధంగా సినిమా విడుదలకు ముందే దీనిని క్షత్రియ, రాజ్ పుత్ సమాజ ప్రతినిధులకు చూపించాలని కోరారు. ఈ సినిమాలో ఏదైనా వివాదం ఉందా.. చిత్రం చరిత్రను దెబ్బతీస్తుందా అనే విషయం తమకు తెలుస్తుందని.. అలాగే అందులో ఆ సన్నివేశాలను తొలగించేదుకు వీలుంటుందని తెలిపారు. ఈ మూవీ డైరెక్టర్, ప్రొడ్యూసర్.. అన్ని వివాదాలను తొలగించాలని.. లేకపోతే.. క్షత్రియ సమాజ్.. పద్మావతి, జోధా అక్బర్ సినిమాలకు ఎదురైన పరిస్థితి ఎదుర్కోవాల్సి వస్తుందని హెచ్చరించారు. ఈ సినిమాకు వ్యతిరేక నినాదాలు చేస్తూ.. డైరెక్టర్, అక్షయ్ కుమార్ దిష్టిబొమ్మలను దహనం చేశారు.