Tollywood: రంజాన్ మాసంలో ఇలాంటి పనులా? ప్రముఖ హీరోయిన్‌పై నెటిజన్ల ఆగ్రహం.. ఏం జరిగిందంటే?
ప్రముఖ హీరోయిన్ ఇటీవల పవిత్రమైన హజ్ యాత్రకు వెళ్లొచ్చింది. అక్కడి నుంచి తిరిగి వచ్చిన వెంటనే ఈ ముద్దుగుమ్మ ఒక ఈవెంట్ కు హాజరైంది. అయితే ఆ కార్యక్రమానికి ఆమె వచ్చిన తీరు కొంత మంది నెటిజన్లకు తీవ్ర ఆగ్రహం తెప్పించింది.
‘యే రిష్తా క్యా కెహ్లతా హై’ టీవీ షోతో దేశ వ్యాప్తంగా గుర్తింపు తెచ్చుకుంది ప్రముఖ నటి హీనా ఖాన్. అయితే కొన్ని రోజులుగా ఈ అందాల తార క్యాన్సర్ తో పోరాడుతోంది. మూడో దశ బ్రెస్ట్ క్యాన్సర్ ఉన్నట్లు నిర్ధారణ అయినప్పటి నుంచి హీనా పేరు సోషల్ మీడియాలో మార్మోగుతోంది. క్యాన్సర్‌తో పోరాడుతూనే, హీనా సోషల్ మీడియా ద్వారా చాలా మందికి స్ఫూర్తినిచ్చేందుకు కూడా కృషి చేస్తోంది. క్లిష్టమైన ఆరోగ్య సమస్యలను ఎదుర్కొంటున్నప్పటికీ ఆమె నిరంతరం సానుకూలంగా ఉండటానికి ప్రయత్నిస్తుంది. అయితే ఇదే సమయంలో కొంతమంది నెటిజన్లు ఆమెను ట్రోల్ చేస్తున్నారు. సోషల్ మీడియా వేదికగా నటిపై నెగెటివ్ కామెంట్స్ చేస్తున్నారు. తాజాగా హీరో మరోసారి నెటిజన్లకు టార్గెట్ గా మారిపోయింది. వివరాల్లోకివ వెళితే.. హీనా ఇటీవల పవిత్ర రంజాన్ మాసంలో ఉమ్రా చేయడానికి హజ్‌కు వెళ్లింది. అక్కడి నుంచి తీసిన ఫోటోలు, వీడియోలను ఆమె ఇన్‌స్టాగ్రామ్‌లో పోస్ట్ చేసింది. తరువాత ఆమె ఒక కార్యక్రమానికి వచ్చింది. ఈసారి ఆమె రెడ్ కార్పెట్ పై ఫోటోలకు పోజులిచ్చింది. దీనికి సంబంధించిన వీడియో వైరల్ అయిన తర్వాత, కొంతమంది నెటిజన్లు ఆమెను ట్రోల్ చేస్తున్నారు. ఈ కార్యక్రమానికి హీనా నల్లటి పొట్టి దుస్తులు ధరించి హాజరైంది . కీమోథెరపీ తర్వాత హీనా తన జుట్టు అంతా రాలిపోయింది. అందువల్ల, ఆమె తరచుగా కార్యక్రమాల్లో పాల్గొనడానికి విగ్ ధరించేది. కానీ ఈసారి ఆమె విగ్గు వేసుకోకూడదని నిర్ణయించుకుంది. ఆమె ప్రత్యేకమైన లుక్ రెడ్ కార్పెట్ పై అందరి దృష్టిని ఆకర్షించింది.
ఇదే సమయంలో కొందరు ఫొటో గ్రాఫర్లు హీనా ఖాన్ ఫొటోలు, వీడియోను సోషల్ మీడియాలో పోస్ట్ షేర్ చేశారు. అంతే వీటిని చూసిన కొంత మంది నటిని టార్గెట్ చేస్తూ నెగెటివ్ కామెంట్స్ పెట్టారు. ‘ నువ్వు ఉమ్ (హజ్) కు ఎందుకు వెళ్ళావు? ఇస్లాంను నవ్వుల పాలు చేశావు’ అంటూ నెటిజన్లు హీనాపై విమర్శలు గుప్పించారు. పవిత్ర రంజాన్ మాసంలో, చాలా మంది హజ్ యాత్రకు వెళతారు. దీనిని ఇస్లాంలో ప్రత్యేక ప్రార్థనగా భావిస్తారు. అందువల్ల, అక్కడి నుండి తిరిగి వచ్చిన తర్వాత హీనా ఇలా పొట్టి బట్టలు ధరించడం పట్ల కొంతమంది నెటిజన్లు కలత చెందుతున్నారు. అయితే ఈ ట్రోలింగ్ పై హీనా ఇంకా స్పందించలేదు.
హీనా ఖాన్ లేటెస్ట్ వీడియో..
హీనా ఇంతకు ముందు చాలాసార్లు ట్రోలింగ్ ఎదుర్కొంది. అయితే, ఈ విమర్శలతో నిరుత్సాహపడని హీనా, ట్రోలర్లకు తగిన సమాధానం ఇచ్చింది. మరి ఇప్పుడు తన దుస్తులను విమర్శించే వారికి హీనా ఎలా ఆన్సర్ ఇస్తుందో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి..