Alia Bhatt: హాలీవుడ్పై మనసుపారేసుకున్న ‘ఆర్ఆర్ఆర్’ బ్యూటీ.. ప్రముఖ సంస్థతో ఒప్పందం కుదుర్చుకున్న అలియా..
అలియా భట్.. 'స్టూడెంట్ ఆఫ్ ది ఇయర్' సినిమాతో బాలీవుడ్లోకి ఎంట్రీ ఇచ్చిన ఈ చిన్నది.. అతి తక్కువ సమయంలోనే టాప్ రేసులోకి చేరిపోయింది.
అలియా భట్.. ‘స్టూడెంట్ ఆఫ్ ది ఇయర్’ సినిమాతో బాలీవుడ్లోకి ఎంట్రీ ఇచ్చిన ఈ చిన్నది.. అతి తక్కువ సమయంలోనే టాప్ రేసులోకి చేరిపోయింది. ఇక ఆ మూవీ తర్వాత అలియా సూపర్ హిట్ సినిమాలను చేస్తూ.. ప్రేక్షకులకు మరింత దగ్గరైంది. ఈ అమ్మడు ఇప్పుడు రాజమౌళి తెరకెక్కిస్తున్న ఆర్ఆర్ఆర్ సినిమాతో తెలుగులోకి కూడా ఎంట్రీ ఇవ్వబోతుంది. ఇందులో చరణ్ సరసన అలియా సీత పాత్రలో నటిస్తోంది. అయితే ఈ ముద్దుగుమ్మ ఇప్పుడు బాలీవుడ్, టాలీవుడ్లోనే కాకుండా.. హాలీవుడ్లోకి వెళ్లాలని ఆశపడుతుంది. ఇందుకోసం అలియా భట్ డబ్లం అనే హాలీవుడ్ టాలెంట్ ఏజెన్సీతో ఒప్పందం కుదుర్చుకుంది. కేవలం అలియా మాత్రమే కాకుండా.. బాలీవుడ్ స్టార్ హృతిక్ రోషన్, విద్యుత్ జమ్వాల్ కూడా పలు సంస్థలతో ఒప్పందం చేసుకున్నారు. హృతిక్ ఈ ఏడాది ప్రారంభంలనే గెర్ష్ అనే ఏజెన్సీతో ఒప్పందం కుదుర్చుకోగా.. రెజీనా కింగ్, ఒలివియా కోల్మన్, ఇతర నటీనటులు ప్రాధాన్యం వహిస్తున్న ఐసీఎమ్లో దీపికా పదుకునే చేరింది.
ఇదిలా ఉంటే.. అలియా చేతిలో ఇప్పుడు సినిమాలో ఎక్కువగానే ఉన్నాయి. రణ్బీర్ కపూర్, అమితాబ్ బచ్చన్ కీలక పాత్రలలో నటిస్తున్న బ్రహ్మాస్త్ర సినిమాలో అలియా నటిస్తోంది. అలాగే గంగూబాయి కతియావాడి చిత్రంలోనూ కనిపించనుంది. సంజయ్ లీలా భన్సాలీ దర్శకత్వం వహించిన ఈ సినిమా ఇప్పటికే షూటింగ్ పూర్తి చేసుకొని విడుదలకు సిద్ధంగా ఉంది. ఇక ఇప్పటికే బాలీవుడ్ నుంచి హాలీవుడ్కు చేరిన ప్రియాంక చోప్రా.. గ్లోబల్ స్టార్గా సూపర్ హిట్స్ అందుకుంటున్న సంగతి తెలిసిందే. మరి అలియా కూడా అదే రేంజ్లో కొనసాగుతుందా లేదా అనేది చూడాలి.
ట్వీట్..
Also Read: Kiara Advani: ఏంటమ్మ కియారా ఇలా చేసావు.. తప్పు కదు.. హీరోయిన్పై మండిపడుతున్న నెటిజన్లు..
Salman Khan: బాలీవుడ్ స్టార్ సల్మాన్ ఖాన్పై చీటింగ్ కేసు… మోసం చేశారంటూ ఫిర్యాదు..