‘కొడాలి నాని వల్లే నేనీ స్థాయిలో ఉన్నా.. నాకెంతో ఇష్టమైన వ్యక్తి’.. : డైరెక్టర్ వివి వినాయక్
గుడివాడ మాజీ ఎమ్మెల్యే సంక్రాంతి సందర్భంగా స్థానికంగా జాతీయస్థాయి ఒంగోలు జాతి ఎడ్ల బండ లాగుడు పోటీలను నిర్వహించారు. ఈ కార్యక్రమానికి డైరెక్టర్ వివి వినాయక్ ముఖ్య అతిథిగా విచ్చేశారు. ఈ సందర్భంగా..
Updated on: Jan 15, 2023 | 9:35 AM
గుడివాడ మాజీ ఎమ్మెల్యే సంక్రాంతి సందర్భంగా స్థానికంగా జాతీయస్థాయి ఒంగోలు జాతి ఎడ్ల బండ లాగుడు పోటీలను నిర్వహించారు. ఈ కార్యక్రమానికి డైరెక్టర్ వివి వినాయక్ ముఖ్య అతిథిగా విచ్చేశారు. వివి వినాయక్కు కొడాలి నాని గ్రాండ్ వెల్కమ్ చెప్పారు. ఈ సందర్భంగా డైరెక్టర్ వివి వినాయక్ మాట్లాడుతూ..
‘సంక్రాంతి సంబరాల్లో పాల్గొనడం చాలా ఆనందంగా ఉంది. సంతోషకరమైన వాతావరణంలో ప్రజలు పండుగను జరుపుకుంటున్నారు. గుడివాడలో జరుగుతున్న జాతీయ స్థాయి ఒంగోలు జాతి బండ లాగుడు పోటీలను మొదటి సారి చూశాను. ప్రదర్శనలు చాలా బాగున్నాయి. వచ్చే మార్చిలో నేను డైరెక్ట్ చేసిన హిందీ సినిమా విడుదలవుతుంది. దీని తర్వాత తెలుగు సినిమా చేస్తా. కొడాలి నాని వల్లే ఈ రోజు నేనీ స్థాయిలో ఉన్నా. ఆయన నాకెంతో ఇష్టమైన వ్యక్తి. కొడాలి ఎప్పుడంటే అప్పుడు సినిమా చేసేందుకు సిద్ధంగా ఉన్నానని’ వివి వినాయక్ ఆసక్తికర వ్యాఖ్యలు చేశారు.
కాగా ప్రతీ యేట సంక్రాంతికి గుడివాడలో నిర్వహించే కార్యక్రమాలకు ఓ ప్రత్యేకమైన అతిథిని కొడాలి నాని ఆహ్వానిస్తుంటారు. ఇదే విధంగా గత ఏడాది బైరెడ్డి సిద్దార్ధరెడ్డిని ఆహ్వానించారు.
మరిన్ని తాజా ఆంధ్రప్రదేశ్ వార్తాకథనాల కోసం క్లిక్ చేయండి.
