Actress Anushka Sharma: తొలిసారి సెల్ఫీ పోస్ట్ చేసిన అనుష్క శర్మ.. ఆశ్చర్యంలో అభిమానులు..
బాలీవుడ్ హీరోయిన్ అనుష్క శర్మ, టీమిండియా క్రికెటర్ విరాట్ కోహ్లి జనవరి నెలలో పండంటి బిడ్డకు జన్మనిచ్చిన సంగతి తెలిసిందే.
బాలీవుడ్ హీరోయిన్ అనుష్క శర్మ, టీమిండియా క్రికెటర్ విరాట్ కోహ్లి జనవరి నెలలో పండంటి బిడ్డకు జన్మనిచ్చిన సంగతి తెలిసిందే. పాప పుట్టిన విషయాన్ని అభిమానులకు పంచుకున్న అనంతరం.. పాపకు సంబంధించిన ఏ విషయాన్ని విరుష్క దంపతులు అభిమానులతో పంచుకోలేదు. ఇటీవల ఫిబ్రవరి 2న మొదటిసారిగా తమ గారాలపట్టి ఫోటోను షేర్ చేశారు ఈ దంపతులు. తాజాగా మరో సారి అనుష్క అద్దం ముందు దిగిన సెల్ఫీని పోస్ట్ చేయగా.. ప్రస్తుతం ఈ ఫోటో సోషల్ మీడియాలో వైరల్ అవుతుంది.
పాపకు జన్మనిచ్చిన తర్వాత అనుష్క పాపను ఎత్తుకునేందుకు ఉపయోగించే వస్త్రాన్ని తన భుజాన వేసుకొని అద్దం ముందు నిల్చోని సెల్ఫీ దిగి.. ఇప్పుడిదే నా ఫేవరెట్ అంటూ రాసుకొచ్చింది. అనుష్క షేర్ చేసిన ఫోటోను చూడాగనే అభిమానులు ఒకింత షాక్కు గురయ్యారు. ప్రసవం తర్వాత ఇంత తొందరగా ఇంత ఫిట్గా కనిపించడం ఎలా సాధ్యమైందని ఆశ్చర్యం వ్యక్తం చేస్తున్నారు. విరుష్క దంపతులు తమ పాపకు వారి ఇద్దరి పేర్లలోని మొదటి అక్షరాలు కలిసేలా తమ గారాలపట్టికి వామిక అని పేరు పెట్టిన సంగతి తెలిసింది. వామిక అంటే సంస్కృతంలో కనకదుర్గ అని అర్ధం. న్యూమరాలజీ ప్రకారం పాపాయి వామికా లక్కీ నెంబర్ 3.