Actress Sudha: శ్రీహరి, ఉదయ్ కిరణ్ ఇద్దరిని చివరి చూపు చూడలేకపోయాను.. కారణం ఇదే.. సీనియర్ నటి సుధ..

సీనియర్ నటి సుధ, దివంగత నటుడు శ్రీహరితో తన అనుబంధాన్ని గుర్తు చేసుకుని భావోద్వేగమయ్యారు. ఓ ఇంటర్వ్యూలో మాట్లాడుతూ, శ్రీహరితో పాటు ఆయన కుటుంబంతో సుదీర్ఘకాలంగా తమకు పరిచయం ఉందని తెలిపారు. డిస్కో శాంతి, ఆమె సోదరీమణులు, తల్లి, సోదరులతో చిన్ననాటి నుంచే సన్నిహిత సంబంధాలున్నాయని వివరించారు. ముఖ్యంగా డిస్కో శాంతితో మంచి స్నేహం ఉందని, ఆ తర్వాత తెలుగు చిత్ర పరిశ్రమలోకి వచ్చిన తర్వాత శ్రీహరితో పరిచయం ఏర్పడిందని పేర్కొన్నారు. శ్రీహరి మరణం తనను ఎంతగానో కలచివేసిందని సుధ తెలిపారు. “హరి గారు డెత్ చూసి నేను వన్ వీక్ బయటికి రాలేకపోయాను” అని ఆమె ఆవేదన వ్యక్తం చేశారు. మరణాలను, ముఖ్యంగా సన్నిహితుల మృతదేహాలను చూడటం తన బలహీనత అని, అందులో నుంచి బయటపడటానికి చాలా సమయం పడుతుందని ఆమె వివరించారు. “ఒక డెత్ చూశానంటే వాళ్లని అలా పడుకోవడం, అలా కళ్ళు మూసుకుని వాళ్ళు అలా ఉండడం నేను చూడలేను. అందులో నుంచి నేను బయటకు రావడానికి టైమ్ పడుతది” అని సుధ తన మానసిక స్థితిని పంచుకున్నారు. ఈ కారణంగానే చాలా మంది చనిపోయినప్పుడు తాను వెళ్లలేనని, అది తనలో ఉన్న భయమని, బలహీనత అని స్పష్టం చేశారు.

శ్రీహరి గురించి మాట్లాడుతూ, ఆయన చాలా స్నేహపూర్వకంగా, సహాయం చేసే స్వభావం కలవారని సుధ గుర్తు చేసుకున్నారు. మేస్త్రి సినిమా షూటింగ్ సమయంలో జరిగిన ఒక సంఘటనను ఆమె వివరించారు. ఒక సన్నివేశంలో తన పాపను పట్టుకొని కొడుతూ, కొడుతూ బయటికి తీసుకెళ్లాల్సి వచ్చిందని, అది ఒకే షాట్‌లో 10-15 అడుగుల దూరం చిత్రీకరించాల్సి ఉందని తెలిపారు. ఇంట్లో బెడ్‌రూమ్ నుండి హాల్, అక్కడి నుండి కిందకి, చివరికి రోడ్డు మీద నిలబెట్టి కొట్టాల్సిన సన్నివేశం అది. ఈ సన్నివేశాన్ని ఒకే షాట్‌లో చేయలేరని చంద్రమోహన్ గారు అన్నప్పుడు, శ్రీహరి జోక్యం చేసుకుని “లేదు తను చేస్తది, అక్క గురించి ఏమనుకున్నారు” అని దర్శకుడు దాసరి నారాయణరావు గారితో చెప్పారని సుధ గుర్తు చేసుకున్నారు. దాసరి గారు కూడా సుధ చేయగలరని చెప్పి, ఒకే షాట్ పెట్టమని సూచించారు. అప్పుడు తాను కూడా ధైర్యం చేసి చేస్తానని చెప్పానని, ఒకవేళ అనుకోకుండా తగిలితే “సారీ హరి” అని చెప్పానని, సన్నివేశం బాగా రావాలని శ్రీహరి అన్నారని తెలిపారు. ఆ సంఘటనను గుర్తు చేసుకుంటూ, అలాంటి వ్యక్తిని అలా నిర్జీవంగా చూడటం ఎంత కష్టంగా ఉంటుందో సుధ వివరించారు.

శ్రీహరి విషయంలోనే కాకుండా, నటుడు ఉదయ్ కిరణ్ మరణం విషయంలోనూ తన పరిస్థితి ఇలాగే ఉందని సుధ వెల్లడించారు. ఒక లైలా కోసం సినిమా షూటింగ్ జరుగుతున్నప్పుడు ఉదయ్ కిరణ్ మరణవార్త తెలిసిందని, అప్పుడు నాగార్జున గారు ఫోన్ చేసి తనను పంపించవద్దని చెప్పారని తెలిపారు. తాను కేవలం సాయంత్రం సంతాప సభకు మాత్రమే హాజరయ్యానని, ఉదయ్ కిరణ్ మృతదేహాన్ని చూడలేదని, టీవీలో కూడా చూడలేదని పేర్కొన్నారు. “అంత ధైర్యం లేదు నాకు. ఒక్కసారిగా మనతో ఉన్న ఆ పర్సన్ లేరు అంటే అది తట్టుకోలేము, చాలా కష్టం” అని సుధ తన భావాలను పంచుకున్నారు. మరణాన్ని చూసే ధైర్యం తనకు లేదని, ఇది తనలో ఉన్న బలహీనత అని ఆమె అన్నారు.

ఎక్కువ మంది చదివినవి : ఎక్కువ మంది చదివినవి : Srikanth: ఆ సినిమా తర్వాత నా గ్రాఫ్ మొత్తం పడిపోయింది.. చాలా దెబ్బ పడింది.. హీరో శ్రీకాంత్..