Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

ఇదేనా దేశభక్తి..? పింగళి వెంకయ్యకు “భారతరత్న” ఎందుకు ఇవ్వడం లేదు?

Bharat Ratna for Pingali Venkayya demanded in Vijayawada, ఇదేనా దేశభక్తి..?  పింగళి వెంకయ్యకు “భారతరత్న” ఎందుకు ఇవ్వడం లేదు?

పింగళి వెంకయ్య.. తెలుగువారిని గర్వపడేలా చేసిన మహనీయుడు. జాతి గౌరవాన్ని తలెత్తుకుని నిలిపేలా.. ప్రతి భారతీయుడి గుండెలో దేశభక్తిని నిలిపే జెండాను రూపొందించిన గొప్ప దేశభక్తుడు. ఆయన గురించి పాఠ్య పుస్తకాల్లో చదువుకోవడం.. జయంతి ,వర్దంతి వంటి కార్యక్రమాల్లో స్మరించుకోవడం తప్ప.. ఆయనకు సరైన గుర్తింపు లేకపోవడం పెద్ద లోటుగా కనిపిస్తుంది.
పింగళికి దక్కిన గుర్తింపు ఎంత అంటే.. స్వయంగా భారత ప్రభుత్వ అధికారిక వెబ్‌సైట్‌లో ఎక్కడా ఆయన పేరు కనిపించదు. పైగా 1921 సంవత్సరంలో ఓ ఆంధ్రా యువకుడు జాతీయ జెండాను రూపొందించి మహాత్మా గాంధీకి చూపించారని మాత్రం పేర్కొన్నారు. దీన్ని బట్టి మన ప్రభుత్వాలు.. ఓ గొప్ప దేశభక్తుడి పట్ల ఎటువంటి వైఖరితో ఉన్నాయో తెలుస్తుంది. నిజానికి 1921లో జాతిపతి మహాత్మా గాంధీ సూచన మేరకు బెజవాడలో జరిగిన అఖిలభారత కాంగ్రెస్ సమావేశంలో పింగళి.. త్రివర్ణ పతాకాన్ని రూపొందించి గాంధీకి ఇచ్చారు. ఒకే జెండాతో బ్రిటీష్ వారికి నిద్రపట్టకుండా చేశారు. అటువంటి జెండాను రూపొందించిన మహనీయుని పట్ల భారత ప్రభుత్వాలు తగిన గుర్తింపు ఎందుకు ఇవ్వలేదనే సందేహాలు వ్యక్తమవుతున్నాయి.

ప్రతి భారతీయుడు.. రొమ్ము గుద్దుకుని చెప్పగల ధైర్యాన్నిచ్చిన జెండా మన జాతీయ జెండా. మన దేశభక్తిని చాటి చెప్పేది మన జెండా. అలాంటి జెండా రూపశిల్పికి ఇచ్చిన గౌరవం ఏమీ లేదు. ఏదో ఇచ్చామన్న పేరుకు పద్మ అవార్డును ప్రకటించి చేతులు దులుపుకున్నారు. 2009లో అప్పటి ప్రభుత్వం పింగళి పేరుతో పోస్టల్ స్టాంప్ విడుదల చేసింది. ఆ తర్వాత 2011లో ఏపీ ప్రభుత్వం పింగళి వెంకయ్యకు భారతరత్న ఇవ్వాలని ఓ తీర్మానం కూడా చేసింది. కానీ అది ఏమైందో ఇప్పటికీ ఎవరీకీ తెలియదు.

భారతరత్న పురస్కారం అనేది పలు రంగాల్లో సేవ చేసిన వారికి గుర్తింపుగా ఇస్తారు. 1954లో అప్పటి రాష్ట్రపతి బాబూ రాజేంద్రప్రసాద్ దీనిని స్ధాపించారు. కళ, సాహిత్య, విజ్ఞాన, క్రీడా రంగాలలో అత్యుత్తమ కృషి చేసిన వారిని గుర్తిస్తూ ఈ పురస్కారాన్ని ప్రదానం చేస్తారు. ఇప్పటివరకు నలభై మంది వరకు దీన్ని అందుకున్నారు. దీన్ని ప్రకటించే ముందు ఈ జాబితాను ప్రధానమంత్రి రాష్ట్రపతికి సిఫార్సు చేస్తారు. ఆ తర్వాత దీన్ని ప్రకటిస్తారు. ఈ పురస్కారంతో దేశంలో 7వ స్ధాయి గౌరవం లభిస్తుంది. అంటే దేశ ప్రధమ పౌరుడు రాష్ట్రపతి మొదలు, ఉపరాష్ట్రపతి, ప్రధానమంత్రి, రాష్ట్ర గవర్నర్లు, మాజీ రాష్ట్రపతులు, ఉపప్రధానమంత్రి, ప్రధాన న్యాయమూర్తుల తర్వాత భారతరత్న పురస్కారం పొందినవారు తగిన గౌరవం లభిస్తుంది.

Bharat Ratna for Pingali Venkayya demanded in Vijayawada, ఇదేనా దేశభక్తి..?  పింగళి వెంకయ్యకు “భారతరత్న” ఎందుకు ఇవ్వడం లేదు?

భారతరత్న పురస్కారాన్ని 1954 నాటి నిబంధనల ప్రకారం ఈ పురస్కారం కళలు, సాహిత్యం, విజ్ఞానం, ప్రజాసేవ రంగాలలో కృషి చేసినవారికి మాత్రేమే ఇచ్చేవారు. అయితే 2011, డిసెంబరులో ఈ నిబంధనలను మార్చి “మానవజాతి పాటుపడే ఈ రంగానికైనా” అనే పదాన్ని చేర్చడంతో అన్ని రంగాల వారికి దీన్ని ప్రదానం చేస్తున్నారు. అయితే మరణించినవారికి దీన్ని ప్రదానం చేసేవారు కాదు. అయితే 1955 జనవరిలో ఈ నిబంధనను సడలించారు. అలా పొందినవారిలో తొలి వ్యక్తి మాజీ ప్రధాని లాల్ బహదూర్ శాస్త్రి. ఒకే ఒక్క సందర్భంలో ఈ పురస్కారాన్ని వెనక్కి తీసుకున్నారు. అది కూడా స్వాతంత్ర సమరయోధుడు సుభాష్ చంద్రబోస్‌కు ప్రకటించి.. కొన్ని సాంకేతిక కారణాలతో వెనక్కి తీసుకున్నారు.

ఇతర దేశస్తులకు సైతం భారతరత్నను ప్రదానం చేసిన దాఖలాలున్నాయి. వీరిలో ఖాన్ అబ్దుల్ గఫార్‌ ఖాన్, నెల్సన్ మండేలా, మథర్ తెరిస్సా ఉన్నారు. ఇటీవల కాలంలో క్రీడల్లో సచిన్‌ టెండూల్కర్‌కు కూడా భారతరత్నతో సత్కరించారు. అలాగే మాజీ రాష్ట్రపతి ప్రణబ్‌ముఖర్జీకి సైతం అది దక్కింది.
ఇంతమందికి ఈ పురస్కారం లభించినా.. బ్రిటీష్ ప్రభుత్వాన్ని వణికించిన జెండా, జాతియోద్యమాన్ని కొత్తపుంతలు తొక్కించిన జెండా మన మూడు రంగుల జెండా. జమ్ము కశ్మీర్‌లో నిన్నమొన్నటి వరకు రెండు జెండాలు ఎగిరినా.. ఆర్టికల్ 370 రద్దు తర్వాత అక్కడ ప్రభుత్వ కార్యాలయాలపై రెపరెపలాడుతోంది మన జెండా. ప్రతి గుండెలో దేశభక్తిని నింపుతున్న త్రివర్ణ పతాక రూపశిల్పిని మర్చిపోవడం సహేతుకంగా అనిపించడం లేదనే విమర్శలు వస్తున్నాయి.

ఇప్పటికైనా జాతీయ జెండా రూపశిల్పి పింగళి వెంకయ్య సేవల్ని గుర్తించి భారతరత్న పురస్కారాన్ని ప్రకటించేలా ప్రభుత్వాలు కృషి చేయాల్సిన అవసరముందనే వాదన బలపడుతోంది.

Related Tags