Viral News: సీటులో కూర్చోమన్న తోటి ప్రయాణికులపై పోలీస్ కానిస్టేబుల్ వీరంగం.. కండక్టర్ ఏం చేశాడంటే!
ఒంటిపై ఖాకీ చొక్కా.. ఆపై ఒంట్లో మద్యం ఇంకెముంది.. ఓ పోలీసు కానిస్టేబుల్ బస్సులో వీరంగం సృష్టించాడు.
Chennai Cop attacks Commuters: ఒంటిపై ఖాకీ చొక్కా.. ఆపై ఒంట్లో మద్యం ఇంకెముంది.. ఓ పోలీసు కానిస్టేబుల్ బస్సులో వీరంగం సృష్టించాడు. సీటులో కూర్చోమ‌ని అడినందుకు కండ‌క్టర్‌పైనా దాడికి తెగబడ్డాడు ఓ పోలీసు కానిస్టేబుల్. అతనికి సర్దిచెప్పేందుకు ప్రయత్నించినందుకు తోటి ప్రయాణికులపైన కూడా దౌర్జనానికి తెగబడ్డాడు. ఈ ఘటన తమిళనాడు రాష్ట్రంలో వెలుగుచూసింది.
పోలీస్‌గా చెప్పుకుంటున్న ఆ వ్యక్తి త‌ప్పతాగి బస్సులో తోటి ప్రయాణీకులు, కండ‌క్టర్‌పై దాడి చేశాడు. ఈ ఘ‌ట‌నకు సంబంధించి వీడియో తీసి సోషల్ మీడియాలో పోస్ట్ చేయడంతో ఆయనగారి భాగోతం వెలుగులోకి వచ్చింది. చెన్నై న‌గ‌రంలోని వండ‌లూర్-కోయంబేడు మ‌ధ్య తిరిగే 70వీ సిటీబ‌స్‌లో ఈ ఘటన జ‌రిగింది. స‌ద‌రు వ్యక్తి తోటి ప్రయాణీకుడితో ఘ‌ర్షణ‌కు దిగ‌గా స‌ర్ధిచెప్పిన వారిపైనా దుర్భాష‌లాడాడు.
ఎంద‌రు వారించినా బ‌స్‌లో హంగామా చేస్తున్న వ్యక్తి తీరుతో స‌హ‌నం కోల్పోయిన ప్రయాణీకులు చివరికి బ‌ల‌వంతంగా అత‌డిని బస్సులో నుంచి కింద దింపివేశారు. ఈ వీడియో సోషల్ మీడియాలో వైర‌ల్ కావ‌డంతో నిందితుడిని గుర్తించి, చ‌ర్యలు చేప‌డ‌తామ‌ని చెన్నై పోలీసులు ఉన్నతాధికారులు వెల్లడించారు. కాగా, రాత్రివేళ ఫుల్‌గా మద్యం సేవించి వాహ‌నం న‌డుపుతున్న పోలీసును ప్రయాణీకులు ప‌ట్టుకున్న ఘటన ఈ ఏడాది సెప్టెంబ‌ర్‌లో చెన్నైలో వెలుగుచూసింది.
Read Also… Viral Video: అలియా లెహెంగాను కాలితో తన్నిన రణ్‌బీర్‌.. నెట్టింట్లో వైరల్‌గా మారిన వీడియో..