West Godavari Crime: పశ్చిమగోదావరి జిల్లాలో ఖతర్నాక్ దొంగలు.. ఏకంగా పోలీస్ స్టేషన్‌నే దోచేశారు

Looted Money From Ps

ప్రజల ఇళ్లల్లో దొంగతనాలు జరిగితే పోలీసులకు చెప్పుకుంటారు. అలాంటిది.. ఏకంగా పోలీస్ స్టేషన్ లోనే చోరీ జరిగితే..ఎవరికి చెప్పుకుంటారు..? కానీ, నిజంగానే…ఓ దొంగోడు ఏకంగా పోలీస్ స్టేషన్ కే కన్నం వేశాడు. పోలీసులకు మస్కా కొట్టి 8 లక్షలు కాజేశాడు.. దీంతో పోలీసులకు దిమ్మ తిరిగినట్లైంది.

పశ్చిమగోదావరి జిల్లాలోని వీరవాసరం పోలీస్ స్టేషన్ లో చోరీ జరిగింది. ఓ దొంగ ఏకంగా పోలీస్‌ స్టేషన్‌లోనే 8 లక్షలు దోచేశాడు. పోలీస్ స్టేషన్ లో ఇంత డబ్బు ఎక్కడిదంటే..గత కొన్ని రోజులుగా బ్యాంకులకు వరుస సెలువులు వచ్చాయి. దీంతో ఏపీలోని ప్రభుత్వ దుకాణాల్లో మద్యం అమ్మిన డబ్బును వీరవాసరంలోని పోలీస్ స్టేషన్ లో భద్రపరిచారు ఎక్సైజ్ సిబ్బంది. ఈ విషయం మరి ఆ దొంగకు ఎలా తెలిసిందో గానీ.. పోలీస్ స్టేషన్ పై గురి పెట్టి స్కెచ్ అమలుచేశాడు. రాత్రికి రాత్రి మొత్తం ఎక్సైజ్ శాఖకు చేరాల్సిన 8లక్షల సొమ్మును దొంగిలించి పారిపోయాడు.

ఈ నెల 15వ తేదీన నగదు మొత్తం లాకప్ లోని ఒక బాక్సులో ఉంచి తాళాలు వేసారు ఖాకీలు. తాళాలు బద్దలు కొట్టి నగదు అపహరించి మళ్ళీ తాళాలు వేసారు. దీంతో పోలీసులు ఈ దొంగతనంపై కేసు నమోదుచేసి సదరు దొంగ కోసం గాలింపు ముమ్మరం చేశారు. అయితే నగదు గురించి తెలిసినవారు ఎవరైనా, ఈ స్కెచ్ వేశారా అన్న కోణంలో కూడా పోలీసులు విచారణ జరుపుతున్నారు. ప్రస్తుతం ఈ విషయం స్థానికంగా చర్చనీయాంశమైంది.

Also Read:

BREAKING NEWS: వైసీపీ ఎమ్మెల్యే ఆళ్ల రామకృష్ణారెడ్డికి ఏపీ సీఐడీ నోటీసులు.. పూర్తి వివరాలు ఇవే

Vakeel Saab Review: సినిమా బ్లాక్ బస్టర్, పవన్ ఈజ్ బ్యాక్… ఫస్ట్ రివ్యూ చెప్పేసిన ఆ క్రిటిక్