కొద్దిసేప‌ట్లో పెళ్లి పీటల‌పై ఉండాల్సిన వరుడు.. ఉరితాడుకు వేలాడాడు.. ఏం జ‌రిగిందంటే
ఆ ఇళ్లంతా బంధువుల‌తో క‌ల‌క‌లాడుతోంది. పెళ్లి ప‌నుల్లో కుటుంబ స‌భ్యులు నిమ‌గ్న‌మ‌య్యారు. అదే సమయంలో షాకింగ్ ఘటన...
ఆ ఇళ్లంతా బంధువుల‌తో క‌ల‌క‌లాడుతోంది. పెళ్లి ప‌నుల్లో కుటుంబ స‌భ్యులు నిమ‌గ్న‌మ‌య్యారు. అదే సమయంలో షాకింగ్ ఘటన చోటుచేసుకుంది. తెల్లవారితే దాంప‌త్య జీవితంలోకి అడుగుపెట్టాల్సిన వరుడు ఉరేసుకుని త‌నువు చాలిం,ఆడే. దీంతో అందరూ ఒక్కసారిగా దిగ్భ్రాంతికి గురయ్యారు. వివ‌రాల్లోకి వెళ్తే.. రంగారెడ్డి జిల్లా తలకొండపల్లి మండలం మెదక్‌పల్లికి చెందిన పట్టెబర్ల యాదమ్మ, లింగయ్యల చిన్న కుమారుడు శ్రీకాంత్ గౌడ్‌(25)కు కందుకూర్‌ మండలంలోని ఓ గ్రామానికి చెందిన యువ‌తితో 4వ తేదీన పెళ్లి చేయడానికి పెద్ద‌లు ముహూర్తం నిశ్చయించారు. కొత్తగా క‌ట్టిన ఇంటి వద్ద కుటుంబసభ్యులు, ఆప్తులు, బంధువులు గురువారం తెల్లవారుజామున పెళ్లి పందిరి వేస్తున్నారు. పాత ఇంట్లో నిద్రిస్తున్న శ్రీకాంత్‌గౌడ్‌ దగ్గరికి అతని అన్న రాజు వెళ్లి పందిరి కొమ్మలు తీసుకురావడానికి వెళ్తున్నామని చెప్పాడు. రాజు తిరిగి వచ్చే సరికి ఇంట్లో శ్రీకాంత్ ఉరి వేసుకుని ఉండటంతో తల్లిదండ్రులతో పాటు బంధువులు షాక్‌కు గురయ్యారు. ఈ సంఘటనతో గ్రామంలో విషాదఛాయలు అలుముకున్నాయి. మృతుడి తల్లి కంప్లైంట్ మేరకు పోలీసులు కేసు నమోదు చేసుకొని దర్యాప్తు చేపట్టారు. శ్రీకాంత్ ఆత్మహత్యకు కారణాలపై వివిధ కోణాల్లో ఫోక‌స్ పెట్టారు.
Also Read: ఝార్ఖండ్ లో ఆ రాత్రి కనిపించిన అపర ‘ఏలియన్’ అసలు కథ ఇది ! ఓస్ ! ఇంతేనా …?