సంపత్ నంది దర్మకత్వంలో మాస్ హీరో గోపిచంద్ హీరోగా చేస్తున్న చిత్రం ‘సీటీమార్’. ఈ సినిమా కబడ్డీ నేపథ్యంలో తెరకెక్కుతోంది. ఈ మూవీలో గోపీచంద్ కబడ్డీ కోచ్గా కనిపించనున్నాడు. ఇక ఇందులో మిల్కీ బ్యూటీ తమన్నా హీరోయిన్గా నటిస్తోంది. కాగా ఎప్పటి నుంచో సరైన హిట్ కోసం ఎదురు చూస్తోన్న గోపిచంద్ ఆశలన్నీ ఈ సినిమాపైనే పెట్టుకున్నాడు. ‘సీటీమార్’ సినిమా తర్వాత.. గోపీచంద్ డైరెక్టర్ తేజ దర్శకత్వంలో ‘అలిమేలుమంగ వెంకటరమణ’ అనే చిత్రం చేయనున్న విషయం తెలిసిందే.
ఇందుకు సంబంధించి అటు తేజ, ఇటు గోపీచంద్ అధికారికంగా ప్రకటనలు కూడా చేశారు. కాగా ఇంకా అలిమేలు మంగ సినిమాలో హీరోయిన్ ఫిక్స్ కాలేదు. ఇప్పటికే చాలా హీరోయిన్ల పేర్లు వినిపిస్తున్నాయి. అయితే ఈ పాటికే సీటీమార్, అలిమేలుమంగ వెంకటరమణ చిత్రాల షూటింగులు అయిపోవాల్సి ఉండాలి. కానీ కరోనా వైరస్ కారణంగా ఈ సినిమాల షూటింగ్స్ వాయిదా పడ్డాయి. అయితే తాజా సమాచారం ప్రకారం ఈ ‘అలిమేలుమంగ వెంకటరమణ’ సినిమా షూటింగ్ డిసెంబర్ నుంచి మొదలు కాబోతుందని తెలుస్తోంది. అయితే ‘జయం, నిజం’ సినిమాలతో విలన్గా గోపీచంద్కు హిట్స్ ఇచ్చిన తేజ.. హీరోగా హిట్ ఇస్తాడో లేదో చూడాలి.
Read More:
వీధి వ్యాపారులకు ఊరట.. ఉదయం 10 నుంచి రాత్రి 8 వరకు పర్మిషన్..
ఏడో నిజాం కుమార్తె బషీరున్నిసా బేగం మృతి
రామ్ గోపాల్ వర్మకు షాక్.. రూ.4 వేల ఫైన్ విధించిన జీహెచ్ఎంసీ..