ప్రపంచవ్యాప్తంగా కరోనా కేసులు ఇలా..

కరోనా వైరస్ మహమ్మారి మరింత వికృత రూపం దాల్చింది. ఈ వైరస్ దెబ్బకు ఆర్థిక వ్యవస్థలన్నీ అతలాకుతలమయ్యాయి. రోజురోజుకీ కరోనా పాజిటివ్ కేసులు, మరణాలు పెరుగుతూనే ఉన్నాయి. ఈ వైరస్ ఎటు నుంచి ఎలా ఎటాక్ చేస్తుందో ఎవరికీ అర్థం కావట్లేదు. తాజాగా ప్రపంచవ్యాప్తంగా గురువారం లక్షకి పైగా కొత్త కేసులు నమోదవ్వగా.. మొత్తం కేసుల సంఖ్య 66,92,686కి చేరాయి. అలాగే నిన్న ఆరు వేల మందికి పైగా చనిపోవడంతో మొత్తం మరణాల సంఖ్య 3,92,286కి చేరింది. అలాగే ప్రస్తుతం 30,58,747 కేసులు యాక్టీవ్‌గా ఉన్నాయి. వీరిలో 55,461 పేషెంట్లు ఐసీయూలో ఉన్నారు.

ఇక అమెరికాలో మళ్లీ కరోనా జోరు కనిపిస్తుంది. గురువారం కొత్తగా 20,578 కేసులు నమోదవ్వగా.. మొత్తం కేసుల సంఖ్య 19,24,051కి చేరాయి. అలాగే మొత్తం మరణాల సంఖ్య 110173కి చేరింది. ఇక ఓవరాల్‌గా చూస్తే బ్రెజిల్, రష్యా, స్పెయిన్, ఇటలీ, ఫ్రాన్స్, జర్మనీ, బ్రిటన్, టర్కీ దేశాల్లో కరోనా పాజిటివ్ కేసులు మళ్లీ పెరుగుతున్నాయి.

అలాగే భారత్ విషయానికి వస్తే.. కరోనా పాజిటివ్ కేసుల సంఖ్య విపరీతంగా పెరిగిపోతూన్నాయి. నిన్న భారత్‌లో 9,034 కరోనా కేసులు నమోదవ్వగా.. దీంతో మొత్తం కోవిడ్ కేసుల సంఖ్య 2,16,919కి చేరింది. అలాగే మొత్తం ఇప్పటివరకూ 6,075 మంది మరణించారు. ప్రస్తుతం 106737 యాక్టీవ్ కేసులు ఉండగా, 1,04,107మంది కోవిడ్ నుంచి కోలుకుని డిశ్చార్జి అయ్యారు.