AP Corona Cases: ఏపీలో కొత్తగా 1,859 కరోనా కేసులు.. ఆ జిల్లాలో ప్రమాదకరంగా వైరస్ వ్యాప్తి

Ap Corona

ఏపీలో కరోనా తీవ్రత కొనసాగుతోంది. కొత్తగా 70,757 శాంపిల్స్ టెస్ట్ చేయగా 1,859 మందికి వైరస్ సోకినట్లు తేలింది. ఫలితంగా మొత్తం కేసుల సంఖ్య 1988910కు చేరింది. మరో 13 మంది మహమ్మారి కారణంగా ప్రాణాలు విడిచారు. దీంతో రాష్ట్రంలో మొత్తం మృతుల సంఖ్య 13595 కు చేరింది. గడచిన 24 గంటల్లో 1,575 మంది వ్యాధి బారి నుంచి కోలుకున్నారు. ఫలితంగా మొత్తం రికవరీల సంఖ్య 1956627కు చేరింది. ప్రస్తుతం రాష్ట్ర వ్యాప్తంగా 18688 యాక్టివ్ కేసులున్నాయి. కాగా ఇప్పటివరకు 2,54,53,520 శాంపిల్స్ టెస్ట్ చేసినట్టు వైద్యారోగ్య శాఖ వెల్లడించింది. కోవిడ్ వల్ల కొత్తగా చిత్తూర్ జిల్లాలో నలుగురు, కృష్ణా జిల్లాలో ముగ్గురు, తూర్పు గోదావరి జిల్లాలో ఇద్దరు, ప్రకాశం జిల్లాలో ఇద్దరు, నెల్లూరు జిల్లాలో ఒక్కరు,  విశాఖపట్నం జిల్లాలో ఒక్కరు మరణించారు. కొత్తగా నమోదైన కేసుల్లో అత్యధికంగా తూర్పు గోదావరి జిల్లాలో 402 కేసులు నమోదయ్యాయి. చిత్తూరు జిల్లాలో 233, నెల్లూరు జిల్లాలో 225 కేసులు వెలుగుచూశాయి.

జిల్లాలవారీగా కేసుల వివరాలను దిగువన చూడండి

Also Read: ఏపీలో స్కూల్స్ రీ ఓపెన్‌పై ట్విస్ట్.. హైకోర్టుకు వెళ్లిన వ్యవహారం