ఐపీఎల్ లో క్రిస్ గేల్ సరికొత్త రికార్డ్

మొహాలీ: ‘యూనివర్సల్ బాస్’ క్రిస్ గేల్ ఈ ఐపీఎల్ లో తనదైన శైలి దూకుడుతో ఆడుతున్నాడు. ఇక తాజాగా గేల్ ఖాతాలో మరో రికార్డు చేరింది. ఐపీఎల్ లో అత్యధిక సిక్స్‌లు కొట్టిన ఆటగాడిగా క్రిస్ గేల్ రికార్డు సృష్టించాడు. ఈ ఘనతను శనివారం ముంబై తో జరిగిన మ్యాచ్ లో అందుకున్నాడు క్రిస్ గేల్. ఇక ఇప్పటివరకూ గేల్  మొత్తం 114 ఇన్నింగ్స్ లో 300 సిక్స్‌లు కొట్టాడు. కాగా మొదట 100 సిక్స్‌లు 37 ఇన్నింగ్స్ లో, 200 సిక్స్‌లు 69 ఇన్నింగ్స్ లో, 300 సిక్స్‌లు 114 ఇన్నింగ్స్ లో కొట్టి ఈ ఫీట్ ను అందుకున్నాడు. ఇక 300 సిక్స్‌లు కొట్టడానికి అతడు 2719 బంతులు ఎదుర్కొన్నాడు.

మరోవైపు గేల్‌ తర్వాత 192 సిక్స్‌లతో ఏబీ డివిలియర్స్‌, ధోని 187 సిక్స్‌లతో రెండు, మూడు స్థానాల్లో ఉన్నారు. అయితే ఈ ఐపీఎల్  సీజన్ పూర్తయ్యేలోపు ఇద్దరూ కూడా 200 మార్క్ చేరుకుంటారని అభిమానులు భావిస్తున్నారు.