Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

దక్షిణాఫ్రికా టీ20 సిరీస్‌ నుండి కుల్దీప్, చాహల్‌ ఔట్… ఎందుకంటే?

Chief selector MSK Prasad explains why Chahal Kuldeep have not been picked in T20I squad, దక్షిణాఫ్రికా టీ20 సిరీస్‌ నుండి కుల్దీప్, చాహల్‌ ఔట్… ఎందుకంటే?

దక్షిణాఫ్రికాతో ఈనెల 15 నుంచి ప్రారంభంకానున్న మూడు టీ20ల సిరీస్‌ కోసం ఇటీవల జట్టుని ఎంపిక చేసిన భారత సెలక్టర్లు.. అగ్రశ్రేణి మణికట్టు స్పిన్నర్లు కుల్దీప్ యాదవ్, చాహల్‌‌లను పక్కన పెట్టారు. వచ్చే ఏడాది ఆస్ట్రేలియా వేదికగా టీ20 ప్రపంచకప్‌ జరగనున్న నేపథ్యంలో.. ఈ స్పిన్ ద్వయానికి ఎక్కువ అవకాశాలివ్వాల్సిందిపోయి ఇలా పక్కన పెట్టడమేంటి..? అని కొంత మంది ప్రశ్నలు లేవనెత్తారు. కుల్దీప్, చాహల్ స్థానంలో టీ20 జట్టులో‌కి దీపక్ చాహర్, కృనాల్‌ పాండ్య‌ ఎంపికైన విషయం తెలిసిందే.

కుల్దీప్ యాదవ్, చాహల్‌లను పక్కన పెట్టడానికి గల కారణాన్ని తాజాగా టీమిండియా చీఫ్ సెలక్టర్ ఎమ్మెస్కే ప్రసాద్ వెల్లడించారు. ‘భారత స్పిన్‌ విభాగంలో వెరైటీ కోసం ప్రయత్నిస్తున్నాం. అందుకే.. టీ20 ప్రపంచకప్‌లోపు యువ క్రికెటర్లకి అవకాశాలివ్వడం ద్వారా.. పరీక్షించనున్నాం. గత రెండేళ్లుగా టీ20, వన్డేల్లో కుల్దీప్, చాహల్ అద్భుతంగా రాణిస్తున్నారు. వారు ఇప్పటికీ రేసులో ముందున్నారు. కానీ.. ప్రస్తుతానికి కొంత మంది స్పిన్నర్ల‌కి అవకాశాలివ్వాలని నిర్ణయించాం’ అని స్పష్టం చేశారు.

దక్షిణాఫ్రికాతో ఆదివారం నుంచి మూడు టీ20ల సిరీస్‌ ఆడనున్న టీమిండియా.. ఆ తర్వాత అక్టోబరు 2 నుంచి మూడు టెస్టుల సిరీస్‌లో తలపడుతుంది. ఇటీవల ముగిసిన వెస్టిండీస్ పర్యటనలో కృనాల్‌ పాండ్య తన స్పిన్ బౌలింగ్‌తో టీ20ల్లో ఆకట్టుకున్న విషయం తెలిసిందే.