Breaking News
  • భారత్‌లో విజృంభిస్తోన్న కరోనా వైరస్‌.భారత్‌లో నిన్న 54,736 కరోనా కేసులు నమోదు, 853 మంది మృతి దేశవ్యాప్తంగా 17,50,724కు చేరిన పాజిటివ్‌ కేసులు.భారత్‌లో ఇప్పటి వరకు కరోనాతో 37,364 మంది మృతి.5,67,730 యాక్టివ్‌ కేసులు, ఇప్పటి వరకు 11,45,630 మంది డిశ్చార్జ్.
  • సుశాంత్ సింగ్ రాజ్ పుత్ ఆత్మహత్య కేసుపై షాకింగ్ నిజాలు అంటూ చెప్పిన డాక్టర్. సుశాంత్ ది ఆత్మహత్య కాదు.అతనిని కొట్టి చంపి .. ఆ తర్వాత ఆత్మహత్యగా చిత్రీకరించారని రక్షణ శాఖ ఆర్డినెన్స్ ఆసుపత్రిలో డాక్టర్ గా పనిచేస్తున్న మీనాక్షి మిత్రా సంచలన వ్యాఖ్యలు చేశారు . వీడియోలో మృతదేహంపై గాయాలు , పడి ఉన్న తీరును విశ్లేషించిన డాక్టర్. ట్విట్టర్ లో వీడియో ని చూపిస్తూ... చెప్పిన డాక్టర్.
  • చెన్నై: తమిళ సినీ నిర్మాతల మండలి కి వ్యతిరేకం గా భారతి రాజా సంచలన నిర్ణయం . నటుడు విశాల్ ని టార్గెట్ చేస్తూ దర్శకుడు భారతి రాజా ఆధ్వర్యం లో కొత్త నిర్మాతల మండలి ఏర్పాటు . ప్రస్తుత నిర్మాతల మండలి అధ్యక్షుడి గా ఉన్న నటుడు విశాల్ దాదాపు 7 కోట్లకు మేర అవినీతి కి పాల్పడట్టు భారతి రాజా వర్గం ఆరోపణ . తమిళ నిర్మాతలకు సంబంధిచి ఎటువంటి మంచి జరగడం లేదంటూ ,సినిమాలు నిర్మిస్తున్న నిర్మాతలను టార్గెట్ చేస్తూ దోచుకుంటున్నారని ఆరోపణలు.
  • టాలీవుడ్ దర్శకుడు తేజ కు కారోనా పాజిటివ్ గత వారం వెబ్ సిరీస్ షూటింగ్ డైరెక్ట్ చేసిన తేజ యూనిట్ సబ్యులకు, కుటుంబ సభ్యులకు కారోనా టెస్టులు, తేజకు తప్ప అందరికి నెగిటివ్.
  • చెన్నై: అయోధ్య లో రామమందిరం నిర్మాణం ఫై స్పందించిన కంచి పీఠాధిపతి స్వామి విజయేంద్ర సరస్వతి. ఆలయ నిర్మాణం ఫై 1986 నుండి నేటి వరకు ఎన్నో ఇబ్బందులను అధిగమించి నేడు భూమి పూజ నిర్వహించడం చాల శుభపరిణామం . ప్రజలందరూ కులమతాలకు అతీతం గా దేశ భక్తి ,దైవ భక్తి ప్రతిభింబించేలా రామమందిరం నిర్మాణానికి సహకరించాలి .
  • అమరావతి: 3 రాజధానుల బిల్లు ఆమోదంపై హైకోర్టులో మరో పిల్. హైకోర్టులో మూడు పిటిషన్లు దాఖలు చేసిన రాజధాని రైతులు శ్రీనివాసరావు, సాంబశివరావు. అధికార వికేంద్రీకరణ బిల్లుల ఆమోదం సవాలు చేస్తూ ఒక పిటిషన్. సీఆర్డీఏ రద్దు సవాలు చేస్తూ రెండో పిటిషన్. జేఎన్ రావు కమిటీ, హైపవర్ కమిటీ, బోస్టన్ స్. కన్సల్టెన్సీ నివేదికలు, కమిటీలను సవాలు చేస్తూ మూడో పిటిషన్ దాఖలు. రేపు విచారణకు వచ్చే అవకాశాలు. ఇప్పటికే పిటిషన్ దాఖలు చేసిన రాజధాని పరిరక్షణ సమితి.

చంద్రబాబులో సడన్ ఛేంజ్.. షాక్‌లో టిడిపి క్యాడర్ !

chandrababu changed attitude, చంద్రబాబులో సడన్ ఛేంజ్.. షాక్‌లో టిడిపి క్యాడర్ !

చంద్రబాబు మారారు? నిజమే మీరు చదివింది నిజమే.. టిడిపి అధినేత, మాజీ ముఖ్యమంత్రి చంద్రబాబునాయుడు మారిపోయారు. ఈ మాట అంటున్నది ఎవరో కాదు. టీడీపీ కార్యకర్తలే. మా బాబు ఇలా ఉంటే చాలు…పార్టీకి పునర్వైభవం ఖాయమన్న ధీమా వ్యక్తం చేస్తున్నారు తెలుగు తమ్ముళ్ళు. ఇంతకీ.. చంద్రబాబు ఏం మారారు? ఎలా మారిపోయారు ? అలా మారిపోయి కార్యకర్తలకు ఏం చెబుతున్నారు? పశ్చిమ గోదావరి జిల్లా సమీక్ష సమావేశంలో ఏం జరిగింది? రీడ్ దిస్ స్టోరీ.

టీడీపీ అధినేత చంద్రబాబు ప్రస్తుతం పశ్చిమగోదావరి జిల్లాలో పర్యటిస్తున్నారు. ఎన్నికల్లో ఓటమిపై సోమ, మంగళవారాల్లో సమీక్షలు జరిపారు. నియోజకవర్గంలో పరిస్థితులపై ఆరా తీస్తున్నారు. జిల్లాలో పార్టీ పరిస్థితి ఏంటి? అనేది తెలుసుకుంటున్నారు. పనిలో పనిగా తెలుగుదేశం పార్టీలో ఎవరు ఉంటారు? ఎవరు పోతారు అనే విషయంపై కూడా చంద్రబాబు ఫోకస్‌ పెట్టారట. సమీక్షలో భాగంగా చంద్రబాబు ఈ ఆపరేషన్‌ కూడా నిర్వహిస్తున్నారట.

ఇటీవల గన్నవరం ఎమ్మెల్యే వల్లభనేని వంశీ, టీడీపీ నేత దేవినేని అవినాష్‌ తెలుగుదేశం పార్టీకి గుడ్ బై చెప్పారు. దీంతో పార్టీకి ఏ ఏ నేతలు దూరంగా ఉంటున్నారు అనే వివరాలను చంద్రబాబు సేకరిస్తున్నారట. పశ్చిమగోదావరి జిల్లాలో మూడు రోజుల సమీక్ష సమావేశంలో కూడా చంద్రబాబు ఈ విషయంపై ఫోకస్‌ పెట్టారట. జిల్లాలో 15 అసెంబ్లీ సీట్లలో టీడీపీ కేవలం రెండు సీట్లు మాత్రమే గెలిచింది. 13 సీట్లు కోల్పోయింది. ఇక్కడ పార్టీని బలోపేతం చేసే పనిలో చంద్రబాబు ఉన్నారు. ఇక్కడ నాయకత్వం యాక్టివ్‌గా ఉందా? లేదా అనే విషయాన్ని ఆయన పరిశీలిస్తున్నారట.

మరోవైపు సమీక్ష సమావేశాల్లో చంద్రబాబు ధోరణిని చూసిన కార్యకర్తలు ఇప్పుడు ఓ విషయంలో తెగ సంబరపడిపోతున్నారు. ఇంతకుముందు చంద్రబాబు మీటింగ్‌ అంటేనే కార్యకర్తలు భయపడిపోయేవారట. సమీక్షల పేరిట ఆయన గంటలు గంటలు సాగదీసేవారని చెబుతుంటారు. మైకు అందుకున్నారంటే గంటన్నరకు పైగా మాట్లాడేవారని.. దాంతో చెప్పిందే చెప్పి చంద్రబాబు విసిగించేవారని కార్యకర్తలు విసిగిపోయేవారట. అయితే ఇప్పుడు చంద్రబాబు సమీక్షలు జరుపుతున్న తీరు చూసిన నేతలు, కార్యకర్తలు మాత్రం కొత్త విషయం చెబుతున్నారు.

చంద్రబాబు మారారు. గంటలు గంటలు మాట్లాడటం లేదు. కేవలం ఐదు నుంచి 10 నిమిషాలకు మాత్రమే పరిమితమవుతున్నారు. ఏదైనా విషయం సూటిగా సుత్తి లేకుండా చెబుతున్నారు. దీంతో మీటింగ్ అంటే భయపడే పరిస్థితి పోయిందని కార్యకర్తలు అంటున్నారు. మొత్తానికి చంద్రబాబు మారారని కార్యకర్తలు స్టాంప్‌ వేశారు. ఇక నేతలు ఏం చెబుతారో చూడాలి.

Related Tags