ONGC Recruitment 2022: నెలకు రూ.2 లక్షలకుపైగా జీతంతో ఆయిల్ అండ్ నేచురల్ గ్యాస్ కార్పొరేషన్లో ఉద్యోగాలు.. రాత పరీక్షలేకుండానే..
భారత ప్రభుత్వ పెట్రోలియం, నేచురల్ గ్యాస్ మంత్రిత్వ శాఖకు చెందిన డెహ్రాడూన్లోని ఆయిల్ అండ్ నేచురల్ గ్యాస్ కార్పొరేషన్ లిమిటెడ్.. 17 సీనియర్ మెడికల్ ఆఫీసర్, అసిస్టెంట్ చీఫ్ మెడికల్ ఆఫీసర్, చీఫ్ ఇంజనీర్ తదితర పోస్టుల..
భారత ప్రభుత్వ పెట్రోలియం, నేచురల్ గ్యాస్ మంత్రిత్వ శాఖకు చెందిన డెహ్రాడూన్లోని ఆయిల్ అండ్ నేచురల్ గ్యాస్ కార్పొరేషన్ లిమిటెడ్.. 17 సీనియర్ మెడికల్ ఆఫీసర్, అసిస్టెంట్ చీఫ్ మెడికల్ ఆఫీసర్, చీఫ్ ఇంజనీర్/పోర్ట్ క్యాప్టెయిన్ పోస్టుల భర్తీకి అర్హులైన అభ్యర్థుల నుంచి దరఖాస్తులను కోరుతూ నోటిఫికేషన్ విడుదల చేసింది. ఆప్తల్మాలజీ, అబ్స్టేట్రిక్స్ అండ్ గైనకాలజీ, అనెస్తీషియా, ఫీజీషియన్, డెర్మటాలజీ, చీఫ్ ఫీజీషియన్, హాస్పిటల్ అడ్మినిష్ట్రేషన్, చీఫ్ ఇంజనీర్ తదితర విభాగాల్లో ఖాళీగా ఉన్న పోస్టులను ఈ నోటిఫికేషన్ ద్వారా భర్తీ చేయనున్నారు.
ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ నుంచి ఎంబీబీఎస్తోపాటు సంబంధిత స్పెషలైజేషన్లో ఎండీ/ఎంఎస్/పీజీ డిప్లొమా, మోటర్ సర్టిఫికెట్ లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. దరఖాస్తుదారుల వయసు నవంబర్ 7, 2022వ తేదీనాటికి తప్పనిసరిగా 34 నుంచి 56 ఏళ్ల మధ్య ఉండాలి. ఈ అర్హతలున్న అభ్యర్ధులు ఆన్లైన్ విధానంలో నవంబర్ 8, 2022వ తేదీలోపు దరఖాస్తు చేసుకోవచ్చు. విద్యార్హతలు, అనుభవం, ఇంటర్వ్యూ ఆధారంగా అభ్యర్ధులను ఎంపిక చేస్తారు. ప్రతిభకనబరచిన అభ్యర్ధులకు నెలకు రూ.70,000ల నుంచి రూ.2,40,000ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్లో చెక్ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని కెరీర్ సంబంధిత వార్తల కోసం ఇక్కడ క్లిక్ చేయండి.