DRDO-CEPTAM Recruitment 2022: డీఆర్‌డీఓలో 1061 ఉద్యోగాలకు ఆన్‌లైన్‌ దరఖాస్తులు రేపట్నుంచి ప్రారంభం.. అర్హతలేవంటే..

DRDO Notification

భారత ప్రభుత్వ రక్షణ మంత్రిత్వ శాఖకు చెందిన డీఆర్‌డీఓ – సెంటర్‌ ఫర్‌ పర్సనల్‌ టాలెంట్‌ మేనేజ్‌మెంట్‌లో 1061 స్టినోగ్రాఫర్‌ గ్రేడ్-I, జూనియర్ ట్రాన్స్‌లేషన్ ఆఫీసర్, స్టెనోగ్రాఫర్ గ్రేడ్-II, అడ్మినిస్ట్రేటివ్ అసిస్టెంట్ తదితర పోస్టులకు ఆన్‌లైన్ దరఖాస్తు ప్రక్రియ రేపట్నుంచి (నవంబర్‌ 7) ప్రారంభమవుతుంది. ఆసక్తి కలిగిన అభ్యర్ధులు డీఆర్డీఓ అధికారిక వెబ్‌సైట్ నుంచి దరఖాస్తు చేసుకోవచ్చు. ఐతే ఈ ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి పోస్టును బట్టి పదో తరగతి, సంబంధిత స్పెషలైజేషన్‌లో ఇంటర్మీడియట్‌, అండర్‌ గ్రాడ్యుయేషన్‌ లేదా తత్సమాన కోర్సులో ఉత్తీర్ణత సాధించి ఉండాలి. ఇంగ్లీష్/హిందీ టైపింగ్‌ స్కిల్స్‌ అవసరం. అభ్యర్ధుల వయసు 18 నుంచి 30 యేళ్ల మధ్య ఉండాలి. ఈ అర్హతలున్న అభ్యర్ధులు ఎవరైనా ఆన్‌లైన్‌ విధానంలో డిసెంబర్‌ 7, 2022వ తేదీలోపు దరఖాస్తు చేసుకోవచ్చు. ఐతే జనరల్‌ అభ్యర్ధులు రూ.100లు అప్లికేషన్‌ ఫీజు చెల్లించవల్సి ఉంటుంది. ఎస్సీ/ఎస్టీ/పీడబ్ల్యూబీడీ/ఈఎస్‌ఎమ్‌/మహిళా అభ్యర్ధులకు ఫీజు మినహాయింపు వర్తిస్తుంది. రాత పరీక్ష ఆధారంగా తుది ఎంపిక ఉంటుంది. అర్హత సాధించిన వారికి నెలకు రూ.19,000ల నుంచి రూ.1,12,400ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.

పోస్టుల వివరాలు:

• జూనియర్ ట్రాన్స్‌లేషన్‌ ఆఫీసర్ పోస్టులు: 33
• స్టెనోగ్రాఫర్ గ్రేడ్-I పోస్టులు: 215
• స్టెనోగ్రాఫర్ గ్రేడ్-II పోస్టులు: 123
• అడ్మినిస్ట్రేటివ్ అసిస్టెంట్(ఇంగ్లీష్ టైపింగ్) పోస్టులు: 250
• అడ్మినిస్ట్రేటివ్ అసిస్టెంట్ (హిందీ టైపింగ్) పోస్టులు: 12
• స్టోర్ అసిస్టెంట్ (ఇంగ్లీష్ టైపింగ్) పోస్టులు: 134
• స్టోర్ అసిస్టెంట్ (హిందీ టైపింగ్) పోస్టులు: 4
• సెక్యూరిటీ అసిస్టెంట్ ‘A’ పోస్టులు: 41
• వెహికల్ ఆపరేటర్ పోస్టులు: 145
• ఫైర్ ఇంజన్ డ్రైవర్ పోస్టులు: 18
• ఫైర్ మ్యాన్ పోస్టులు: 86

పూర్తి సమాచారం కోసం క్లిక్ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.