Central Silk Board Jobs 2022: నెలకు రూ.లక్షన్నరకుపైగా జీతంతో సెంట్రల్‌ సిల్క్‌ బోర్డులో సైంటిస్ట్‌ ఉద్యోగాలు.. ఈ అర్హతలు అవసరం..
భారత ప్రభుత్వ జౌళి మంత్రిత్వశాఖకు చెందిన బెంగళూరులోని సెంట్రల్‌ సిల్క్‌ బోర్డు.. 66 సైంటిస్ట్‌ బి పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల..
భారత ప్రభుత్వ జౌళి మంత్రిత్వశాఖకు చెందిన బెంగళూరులోని సెంట్రల్‌ సిల్క్‌ బోర్డు.. 66 సైంటిస్ట్‌ బి పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. జనెటిక్స్‌ అండ్‌ ప్లాంట్‌ బ్రీడింగ్‌, ప్లాంట్‌ పాథాలజీ, సెరీ కల్చర్‌, మైక్రోబయాలజీ, ప్లాంట్‌ సైకాలజీ, యానిమల్‌ జెనెటిక్స్‌ అండ్‌ బ్రీడింగ్‌, యానిమల్‌ న్యూట్రీషన్‌, సాయిల్‌ సైన్సెస్‌, అగ్రికల్చరల్‌ ఎకనామిక్స్‌ తదితర విభాగాల్లో ఖాళీలున్నాయి.
ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి సంబంధిత స్పెషలైజేషన్‌లో ఎమ్మెస్సీ/అగ్రికల్చర్‌ సైన్స్‌ విభాగాల్లో పీజీ డిగ్రీ లేదా తత్సమాన కోర్సులో ఉత్తీర్ణత సాధించిన అభ్యర్ధులు ఎవరైనా ఈ పోస్టులకు దరఖాస్తు చేసుకోవచ్చు. సంబంధిత పనిలో అనుభవం కూడా ఉండాలి. అలాగే అభ్యర్ధుల వయసు 35 ఏళ్లకు మించరాదు. ఆసక్తి కలిగిన వారు నవంబర్‌ 17, 2022 వ తేదీలోపు ఆన్‌లైన్‌ విధానంలో దరఖాస్తు చేసుకోవచ్చు. దరఖాస్తు సమయంలో జనరల్/ఈడబ్ల్యూఎస్‌/ఓబీసీ/ఎక్స్‌ సర్వీస్‌మెన్‌ అభ్యర్ధులు రూ.1000లు అప్లికేషన్‌ ఫీజు చెల్లించవల్సి ఉంటుంది. ఎస్సీ/ఎస్టీ/పీడబ్ల్యూబీడీ/మహిళా అభ్యర్ధులకు ఫీజు మినహాయింపు వర్తిస్తుంది. ఐసీఎమ్‌ఆర్‌(పీహెచ్‌డీ) జేఆర్‌ఎఫ్‌/ఎస్‌ఆర్‌ఎఫ్‌-2022లో సాధించిన ర్యాంక్‌ ఆధారంగా తుది ఎంపిక ఉంటుంది. ఎంపికైన అభ్యర్ధులకు నెలకు 56,100ల నుంచి రూ.1,77,500ల వరకు జీతంగా చెల్లిస్తారు. ఇతర పూర్తి వివరాలకు అధికారిక వెబ్‌సైట్‌ను చెక్‌ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.