BSF Constable Jobs 2025: పదో తరగతి అర్హతతో బోర్డర్ సెక్యూరిటీ ఫోర్స్లో కానిస్టేబుల్ ఉద్యోగాలు.. రాత పరీక్ష లేదు
BSF Sports Quota constable GD Recruitment 2025: కేంద్ర ప్రభుత్వానికి చెందిన బోర్డర్ సెక్యూరిటీ ఫోర్స్ (BSF).. గ్రూప్ ‘సి’ నాన్-గెజిటెడ్, నాన్-మినిస్టీరియల్ కింద 2025వ సంవత్సరానికి స్పోర్ట్స్ కోటా కింద కానిస్టేబుల్ (జనరల్ డ్యూటీ) ఉద్యోగాల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ నోటిఫికేషన్ కింద..
కేంద్ర ప్రభుత్వానికి చెందిన బోర్డర్ సెక్యూరిటీ ఫోర్స్ (BSF).. గ్రూప్ ‘సి’ నాన్-గెజిటెడ్, నాన్-మినిస్టీరియల్ కింద 2025వ సంవత్సరానికి స్పోర్ట్స్ కోటా కింద కానిస్టేబుల్ (జనరల్ డ్యూటీ) ఉద్యోగాల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ నోటిఫికేషన్ కింద మొత్తం 549 స్పోర్ట్స్ కోటా కానిస్టేబుల్ (జనరల్ డ్యూటీ) పోస్టులను భర్తీ చేయనుంది. ఇందులో పురుషులకు 277 పోస్టులు, మహిళలకు 272 వరకు పోస్టులు ఉన్నాయి. అర్హులైన పురుషులు, మహిళా క్రీడాకారులు ఎవరైనా ఆన్లైన్ విధానంలో దరఖాస్తు చేసుకోవచ్చు. ఆన్లైన్ దరఖాస్తులు డిసెంబర్ 27, 2025వ తేదీ నుంచి ప్రారంభమవుతాయి. ఇతర వివరాలు ఈ కింద చెక్ చేసుకోవచ్చు..
ఈ పోస్టులకు దరఖాస్తు చేసుకునే అభ్యర్థులు పదో తరగతిలో అర్హతతోపాటు స్పోర్ట్స్లో అథ్లెటిక్స్, బాక్సింగ్, బాస్కెట్బాల్, హాకీ, ఫుట్బాల్, స్విమ్మింగ్, షూటింగ్, జూడో, కరాటే, రెజ్లింగ్, వెయిట్లిఫ్టింగ్, వాలీబాల్, హ్యాండ్బాల్, టేబుల్ టెన్నిస్, ఆర్చరీ, బ్యాడ్మింటన్, సైక్లింగ్ వంటి తదితర క్రీడా విభాగాల్లో ప్రావీణ్యం ఉండాలి. గత రెండేళ్లలో జాతీయ లేదా అంతర్జాతీయ స్థాయిలో పతకాలు సాధించి ఉండాలి. లేదా వీటిల్లో పాల్గొని ఉండాలి. అలాగే అభ్యర్ధుల వయోపరిమితి 18 నుంచి 23 ఏళ్ల మధ్య వయసు ఉండాలి. ఎస్సీ, ఎస్టీలకు ఐదేళ్లు, ఓబీసీలకు మూడేళ్ల వరకు వయోపరిమితిలో సడలింపు ఉంటుంది.
ఈ అర్హతలు ఉన్నవారు ఆన్లైన్ విధానంలో జనవరి 15, 2026వ తేదీ వరకు దరఖాస్తు చేసుకోవచ్చు. దరఖాస్తు ఫీజు కింద జనరల్, ఓబీసీ అభ్యర్ధులు రూ.159 చొప్పున చెల్లించవల్సి ఉంటుంది. ఎస్సీ, ఎస్టీ, మహిళలకు ఎలాంటి ఫీజు లేదు. ఎలాంటి రాత పరీక్ష లేకుండానే ఫిజికల్ స్టాండర్డ్ టెస్ట్ (పీఎస్టీ), మెరిట్ లిస్ట్ (స్పోర్ట్స్ ప్రదర్శన ఆధారంగా), ధ్రువపత్రాల పరిశీల, మెడికల్ ఎగ్జామినేషన్ ఆధారంగా తుది ఎంపిక ఉంటుంది. ఎంపికైన వారికి నెలకు రూ.21,700 నుంచి రూ.69,100 వరకు జీతంగా చెల్లిస్తారు. ఇతర వివరాలు ఈ కింది నోటిఫికేషన్లో చెక్ చేసుకోండి.
నోటిఫికేషన్ కోసం ఇక్కడ క్లిక్ చేయండి.
మరిన్ని విద్యా, ఉద్యోగ కథనాల కోసం క్లిక్ చేయండి.