BEL Recruitment: ఐటీఐ అర్హతతో కేంద్ర ప్రభుత్వ ఉద్యోగాలు.. నెలకు రూ. 90 వేల వరకు జీతం..

BEL Chennai Recruitment 2022

BEL Recruitment: భారత్‌ ఎలక్ట్రానిక్స్‌ లిమిటెడ్‌ పలు పోస్టుల భర్తీకి నోటిఫికేషన్‌ జారీ చేసింది. ఆంధ్రప్రదేశ్‌లో ఉన్న ఈ కేంద్ర ప్రభుత్వ రంగ సంస్థలో ఇంజినీరింగ్ అసిస్టెంట్, టెక్నీషియన్ పోస్టులను పర్మినెంట్ విధానంలో తీసుకోనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 21 ఖాళీలను భర్తీ చేయనున్నారు.

* ఎలక్ట్రానిక్స్‌ అండ్‌ కమ్యూనికేషన్‌, మెకానికల్‌ విభాగాల్లో ఇంజినీరింగ్ అసిస్టెంట్(ట్రైనీ) (04) పోస్టులను, మెషినిస్ట్‌, టర్నర్‌, ఎలక్ట్రానిక్స్‌ మెకానిక్‌ విభాగాల్లో 17 టెక్నీషియన్ పోస్టులను భర్తీ చేయనున్నారు.

* పైన తెలిపిన పోస్టులకు దరఖాస్తు చేసుకునే అభ్యర్థులు ఎస్‌ఎస్‌ఎల్‌సీ, ఐటీఐ, ఇంజినీరింగ్‌ డిప్లొమాలో ఉత్తీర్ణత సాధించి ఉండాలి.

* అభ్యర్థుల వయసు 01-06-2022 నాటికి 28 ఏళ్లు మించకూడదు.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను రాత పరీక్షలో చూపిన ప్రతిభ ఆధారంగా ఎంపిక చేస్తారు.

* ఇంజనీరింగ్ అసిస్టెంట్ పోస్టులకు ఎంపికైన వారికి నెలకు రూ.24,500 నుంచి రూ.90,000 వరకు, టెక్నీషియన్ పోస్టులకు రూ.21,500 నుంచి రూ.82,000 వరకు చెల్లిస్తారు.

* అభ్యర్థులు అప్లికేషన్‌ ఫీజుగా రూ. 295 చెల్లించాల్సి ఉంటుంది.

* ఆన్‌లైన్‌ దరఖాస్తుల స్వీకరణకు 23-09-2022ని చివరి తేదీగా నిర్ణయించారు.

* నోటిఫికేషన్‌ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..