AAI: బీటెక్‌ పాసైన వారికి గుడ్‌న్యూస్‌.. రూ.లక్షన్నర జీతంతో ఎయిర్‌పోర్ట్స్‌ అథారిటీ ఆఫ్‌ ఇండియాలో 596 ఉద్యోగాలు..

Airports Authority Of India

న్యూఢిల్లీలోని ఎయిర్‌పోర్ట్స్‌ అథారిటీ ఆఫ్‌ ఇండియా దేశ వ్యాప్తంగా.. 596 జూనియర్ ఎగ్జిక్యూటివ్ పోస్టుల భర్తీకి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు సివిల్/ ఎలక్ట్రికల్/ ఎలక్ట్రానిక్స్/ టెలికమ్యూనికేషన్స్/ ఆర్కిటెక్చర్ స్పెషలైజేషన్‌లో బీఈ, బీటెక్ లేదా తత్సమాన కోర్సులో కనీసం 60 శాతం మార్కులతో ఉత్తీర్ణత సాధించి ఉండాలి. గేట్ 2020/ గేట్ 2021/ గేట్ 2022 వ్యాలిడ్‌ స్కోరు ఉండాలి. జనవరి 21, 2023వ తేదీ నాటికి అభ్యర్ధుల వయసు 24 ఏళ్లకు మించకుండా ఉండాలి. ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, వికలాంగులకు పదేళ్ల వరకు వయోపరిమితిలో సడలింపు ఉంటుంది.

ఆసక్తి కలిగిన వారు ఆన్‌లైన్ విధానంలో జనవరి 21, 2023వ తేదీలోపు దరఖాస్తు చేసుకోవచ్చు. ఆన్‌లైన్‌ దరాఖాస్తులు డిసెంబర్‌ 22 నుంచి ప్రారంభమవుతాయి. జనరల్‌/ఓబీసీ కేటగిరీలకు చెందిన వారు రూ.300లు అప్లికేషన్‌ ఫీజు చెల్లించాలి. ఎస్సీ/ఎస్టీ/పీడబ్ల్యూబీడీ/ఎక్స్‌ సర్వీస్‌మెన్‌/ఈడబ్ల్యూఎస్‌/మహిళా అభ్యర్ధులు ఎటువంటి ఫీజు చెల్లించనవసరం లేదు. అకడమిక్‌ మెరిట్‌, గేట్ 2020/2021/2022 స్కోరు ఆధారంగా ఎంపిక చేస్తారు. ఎంపికైన వారికి నెలకు రూ.40,000ల నుంచి రూ.1,40,000ల వరకు జీతంగా చెల్లిస్తారు. ఇతర వివరాలకు అధికారిక నోటిఫికేషన్‌లో చెక్‌ చేసుకోవచ్చు.

ఖాళీల వివరాలు..

• జూనియర్ ఎగ్జిక్యూటివ్ (ఇంజినీరింగ్- సివిల్) పోస్టులు: 62
• జూనియర్ ఎగ్జిక్యూటివ్ (ఇంజినీరింగ్- ఎలక్ట్రికల్) పోస్టులు: 84
• జూనియర్ ఎగ్జిక్యూటివ్ (ఎలక్ట్రానిక్స్) పోస్టులు: 440
• జూనియర్ ఎగ్జిక్యూటివ్ (ఆర్కిటెక్చర్) పోస్టులు: 10

పూర్తి సమాచారం కోసం క్లిక్‌ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.