Upcoming Cars: వచ్చే వారం లాంచింగ్‌కు రెడీ అవుతున్న కార్లు ఇవే.. అదిరిపోయే లుక్.. సరసమైన ధర.. ఇందులో మీరు..

MG Comet EV

భారతీయ కార్ మార్కెట్‌కు ఏప్రిల్ 2023లో మూడో వారం చాలా ముఖ్యమైనది. వచ్చే వారం దేశంలో మూడు కొత్త కార్లు విడుదల కానున్నాయి. ఇందులో MG నుంచి కొత్త చిన్న ఎలక్ట్రిక్ కార్ కామెట్, మారుతి సుజుకి ఫ్రాంక్స్ కాంపాక్ట్ క్రాస్ఓవర్, సిట్రోయెన్  C3 ఎయిర్‌క్రాస్ కాంపాక్ట్ SUV ఉన్నాయి. ఈ కార్లలో ప్రత్యేకత ఏంటో తెలుసుకుందాం.

1. MG కామెట్ EV: ఎంజీ మోటార్స్ తన కొత్త కామెట్ ఈవీ ధరలను ఏప్రిల్ 26, 2023న తీసుకురాబోతోంది. ఇది 2-డోర్, 4-సీటర్ ఎలక్ట్రిక్ కారు, ఇది ఇండోనేషియాలో విక్రయించే వులింగ్ ఎయిర్ EV ఆధారంగా రూపొందించబడింది. ఈ కారు పొడవు 2974mm, వెడల్పు 1505mm, ఎత్తు 1631mm, 2010mm వీల్‌బేస్ కలిగి ఉంది. దేశంలోనే అతి చిన్న కారుగా ఇది నిలవబోతోంది. కారు దాని కాంపాక్ట్ సైజు, ఫ్యూచరిస్టిక్ డిజైన్, బాక్సీ లుక్స్ కారణంగా ప్రత్యేకంగా నిలుస్తుంది. ఇది స్మార్ట్‌ఫోన్ కనెక్టివిటీతో డ్యూయల్ 10.25-అంగుళాల ఇన్ఫోటైన్‌మెంట్ సిస్టమ్ , ఆపిల్ కార్ ప్లే వంటి నియంత్రణలతో టూ-స్పోక్ స్టీరింగ్ వీల్‌ను పొందుతుంది. ఈ కారు 20kWh బ్యాటరీ ప్యాక్‌ని పొందవచ్చని భావిస్తున్నారు. దీని వల్ల 200 కి.మీ కంటే ఎక్కువ దూరం వచ్చే అవకాశం ఉంది.
2. మారుతీ సుజుకి ఫ్రాంక్స్: మారుతి సుజుకి ఫ్రాంక్‌ల లాంచ్ తేదీ గురించి ఇంకా సమాచారం ఇవ్వబడలేదు. అయితే ఇది వచ్చే వారం దేశంలో ప్రారంభించబడుతుందని భావిస్తున్నారు. ఈ కాంపాక్ట్ క్రాస్ఓవర్ SUV దేశంలో సిగ్మా, డెల్టా, డెల్టా +, జీటా, ఆల్ఫా వంటి ట్రిమ్‌లలో వస్తుంది. ఇది 1.0 లీటర్ టర్బో పెట్రోల్, 1.2 లీటర్ పెట్రోల్ ఇంజన్ ఎంపికను పొందుతుంది. టర్బో పెట్రోల్ ఇంజన్ 100బిహెచ్‌పి పవర్, 147.6ఎన్ఎమ్ టార్క్ ఉత్పత్తి చేస్తుంది. పెట్రోల్ ఇంజన్ 90బిహెచ్‌పి పవర్, 113ఎన్ఎమ్ టార్క్ ఉత్పత్తి చేయగలదు. దీని టాప్-ఎండ్ ఆల్ఫా ట్రిమ్‌లో 16-అంగుళాల డైమండ్ కట్ అల్లాయ్ వీల్స్, 360 డిగ్రీ కెమెరా, క్రూయిజ్ కంట్రోల్, లెదర్ కవర్ స్టీరింగ్ వీల్, హెడ్-అప్ డిస్‌ప్లే, డ్యూయల్-టోన్ ఇంటీరియర్ కలర్స్ వంటి ఫీచర్లు ఉంటాయి. ఇది నెక్సా డీలర్‌షిప్‌ల ద్వారా విక్రయించబడుతుంది. దీని ఎక్స్-షోరూమ్ ధర రూ.8 లక్షల నుంచి ప్రారంభమయ్యే అవకాశం ఉంది.
3. సిట్రోయెన్ C3 ఎయిర్‌క్రాస్: ఫ్రెంచ్ వాహన తయారీ సంస్థ సిట్రోయెన్ తన కొత్త కాంపాక్ట్ SUV C3 ఎయిర్‌క్రాస్‌ను ఏప్రిల్ 27, 2023న పరిచయం చేయబోతోంది. ఈ కారు CMP మాడ్యులర్ ప్లాట్‌ఫారమ్‌లో రూపొందించబడింది. ఈ కారు హ్యుందాయ్ క్రెటా, కియా సెల్టోస్ , మారుతి సుజుకి గ్రాండ్ విటారా వంటి కార్లతో పోటీపడుతుంది. ఈ కారు పొడవు 4.2 మీటర్లు ఉంటుంది. దీని డిజైన్ C3 హ్యాచ్‌బ్యాక్‌ను పోలి ఉంటుంది. అలాగే, దీని ఇంటీరియర్ లేఅవుట్, ఫీచర్లు కూడా C3 హ్యాచ్‌బ్యాక్ మాదిరిగానే ఉంటాయి. ఇది 1.2 లీటర్ 3-సిలిండర్ టర్బో పెట్రోల్ ఇంజిన్‌ను పొందుతుంది, ఇది గరిష్టంగా 110bhp శక్తిని, 190Nm టార్క్‌ను ఉత్పత్తి చేయగలదు. ఇందులో మాన్యువల్ గేర్‌బాక్స్ ఆప్షన్ మాత్రమే అందుబాటులో ఉంటుంది.

మరిన్ని బిజినెస్ న్యూస్ కోసం