Personal Loan: ఎటువంటి పత్రాలు లేకుండా భారీ రుణం.. వడ్డీ కూడా తక్కువే.. ఈ బ్యాంకులు ట్రై చేయండి..
పెళ్లి వేడుకలు జరపడానికి లేదా అత్యవసరంగా విదేశీ పర్యటనకు వెళ్లడానికి, హాస్పిటల్ బిల్లులు కోసం తక్షణ నగదు అవసరం కోసం పర్సనల్ లోన్లు బాగా ఉపయోగపడతాయి. అయితే ఇవి అసురక్షిత రుణాలు. అంటే ఈ రుణాలపై ఎటువంటి తనఖా, షూరిటీలు ఉండవు. అందుకే ఇతర సురక్షిత లోన్లతో పోల్చితే బ్యాంకులు వీటిని మంజూరు చేసేందుకు అధిక వడ్డీని వసూలు చేస్తుంటాయి.
పరిస్థితులు ఎప్పుడూ ఒకేలా ఉండవు. అన్ని ఊహించినట్లు జరగవు. కొన్ని సార్లు పరిస్థితులు సవాళ్లు విసురుతాయి. ముఖ్యంగా ఆర్థిక సంబంధమైన విషయాల్లో.. అత్యవసరంగా నగదు అవసరం కావొచ్చు. అలాంటి సందర్భాల్లో మనకు ఉపయోగపడేవి బ్యాంకు రుణాలు. బ్యాంకుల్లో చాలా రకాల రుణాలు అందుబాటులో ఉంటాయి. కారు, గృహం, విద్య వంటి రుణ సదుపాయాలు ఉంటాయి. అయితే వీటికి ఆయా కారణాలను బట్టే రుణాలిస్తారు. ఇవి కాక బంగారంపై రుణాలు, పర్సనల్ లోన్లు కూడా ఉంటాయి. అయితే బంగారం అందరి వద్ద ఉండే అవకాశం ఉండదు. ఈ క్రమంలో అత్యవసర ఆర్థిక పరిస్థితుల్లో ఆదుకునేది పర్సనల్ లోన్. పెళ్లి వేడుకలు జరపడానికి లేదా అత్యవసరంగా విదేశీ పర్యటనకు వెళ్లడానికి, హాస్పిటల్ బిల్లులు కోసం తక్షణ నగదు అవసరం కోసం పర్సనల్ లోన్లు బాగా ఉపయోగపడతాయి. అయితే ఇవి అసురక్షిత రుణాలు. అంటే ఈ రుణాలపై ఎటువంటి తనఖా, షూరిటీలు ఉండవు. అందుకే ఇతర సురక్షిత లోన్లతో పోల్చితే బ్యాంకులు వీటిని మంజూరు చేసేందుకు అధిక వడ్డీని వసూలు చేస్తుంటాయి. ఉదాహరణకు, కరూర్ వైశ్యా బ్యాంక్ సెక్యూర్డ్ లోన్లపై సంవత్సరానికి 11 శాతం, అన్‌సెక్యూర్డ్ పర్సనల్ లోన్‌పై 13-14 శాతం వసూలు చేస్తుంది. అయితే అవి వసూలు చేసే రేటు దరఖాస్తుదారు క్రెడిట్ స్కోర్, బ్యాంక్‌తో సంబంధం, యజమాని వర్గం (ఎంఎన్సీ/ ప్రభుత్వం/ డిఫెన్స్ మొదలైనవి) వంటి అనేక అంశాలపై ఆధారపడి ఉంటుంది. ఈ నేపథ్యంలో ప్రధాన బ్యాంకులు తమ అధికారిక వెబ్‌సైట్‌లలో వెల్లడించిన వడ్డీ రేట్లను బట్టి పర్సనల్ లోన్లపై తక్కువ వడ్డీ రేట్లపై అందించే బ్యాంకుల వివరాలు మీకు అందిస్తున్నాం.
ఐసీఐసీఐ బ్యాంక్.. మన దేశంలోని రెండవ అతిపెద్ద ప్రైవేట్ రుణదాత ఈ బ్యాంక్ వ్యక్తిగత రుణాలపై సంవత్సరానికి 10.65 శాతం నుంచి 16 శాతం వరకు వసూలు చేస్తుంది. ఇక్కడ ప్రాసెసింగ్ ఛార్జీలు 2.50 శాతం వరకు ఉంటాయి.
హెచ్డీఎఫ్సీ బ్యాంక్.. దేశంలోని అతిపెద్ద ప్రైవేట్ బ్యాంక్ హెచ్డీఎఫ్సీ బ్యాంక్ , ప్రాసెసింగ్ ఛార్జీలు రూ. 4,999 అయితే వడ్డీ రేటుగా 10.5 నుంచి 24 శాతం వరకూ వసూలు చేస్తుంది.
స్టేట్ బ్యాంక్ ఆఫ్ ఇండియా (ఎస్బీఐ).. కార్పొరేట్ దరఖాస్తుదారులకు 12.30 నుంచి 14.30 శాతం వడ్డీ రేటు వసూలు చేస్తుంది. అయితే ఉద్యోగులు సీఎల్ఎసీఈలు, ప్రభుత్వ విభాగాలకు సంవత్సరానికి 11.30 నుంచి 13.80 శాతం వరకు వడ్డీ విధిస్తుంది. రక్షణ ఉద్యోగులకు సంవత్సరానికి 11.15 నుంచి 12.65 శాతం వరకు రాయితీపై వ్యక్తిగత రుణాలు అందిస్తుంది.
బ్యాంక్ ఆఫ్ బరోడా.. ప్రైవేట్ సెక్టార్ ఉద్యోగులకు (బ్యాంకుతో సంబంధం ఉన్న) వ్యక్తిగత రుణాలు సంవత్సరానికి 13.15 నుంచి 16.75 శాతం వరకు అందిస్తారు. అయితే ప్రభుత్వ ఉద్యోగులకు సంవత్సరానికి 12.40 నుంచి 16.75 శాతం రాయితీ రేటుతో రుణాలు అందిస్తుంది. బ్యాంకుతో ఎలాంటి సంబంధం లేని ప్రైవేట్ రంగ ఉద్యోగులకు ఏడాదికి 15.15 నుంచి 18.75 శాతం వడ్డీతో రుణం ఇస్తారు.
పంజాబ్ నేషనల్ బ్యాంక్.. రుణగ్రహీత క్రెడిట్ స్కోర్‌పై ఆధారపడి సంవత్సరానికి 13.75 నుంచి 17.25 శాతం మధ్య మారుతూ ఉంటుంది. అదే సమయంలో, ప్రభుత్వ ఉద్యోగులకు 12.75 శాతం నుంచి 15.25 శాతం మధ్య మారుతూ ఉండే రాయితీ వడ్డీ రేటును అందిస్తారు.
కోటక్ మహీంద్రా బ్యాంక్.. ఈ ప్రైవేట్ రుణదాత తన వ్యక్తిగత రుణాలపై సంవత్సరానికి కనీసం 10.99 శాతం వడ్డీ వసూలు చేస్తుంది. అయితే, లోన్ ప్రాసెసింగ్ ఛార్జీలు లోన్ మొత్తంలో 3 శాతం, ఇతర పన్నులు ఉంటాయి.
యాక్సిస్ బ్యాంక్.. ఈ బ్యాంక్ తన వ్యక్తిగత రుణాలపై సంవత్సరానికి 10.65 శాతం నుంచి 22 శాతం వరకు వడ్డీ రేటును వసూలు చేస్తుంది.
ఇండస్‌ఇండ్ బ్యాంక్.. ఈ బ్యాంక్ లో వడ్డీ రేటు 10.49 శాతం నుంచి ప్రారంభమవుతుంది. ప్రాసెసింగ్ ఛార్జీలు 3 శాతం వరకు ఉంటాయి. లోన్ మొత్తం రూ. 30,000 నుంచి రూ. 50 లక్షల మధ్య అందిస్తుంది.
కరూర్ వైశ్యా బ్యాంక్.. అన్‌సెక్యూర్డ్ పర్సనల్ లోన్లపై సంవత్సరానికి 13 శాతం నుంచి వడ్డీ రేట్లు ప్రారంభమవుతాయి. ఈ రేట్లు డిసెంబర్ 31, 2023 నుంచి అమలులోకి వచ్చాయి.
ఎస్ బ్యాంక్.. ఈ బ్యాంక్ సంవత్సరానికి 10.49 శాతంతో ప్రారంభమయ్యే వడ్డీ రేటును వసూలు చేస్తుంది. పదవీకాలం 72 నెలల వరకు ఉంటుంది. రుణగ్రహీత కొంత భాగాన్ని తిరిగి చెల్లించవచ్చు. రూ. 50 లక్షల వరకు రుణం మంజూరు చేస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..