SBI New FD: ఎస్బీఐ నుంచి మరో కొత్త ఎఫ్‌డీ స్కీమ్.. ఏకంగా 7.75 వడ్డీ రేటు.. త్వరపడండి..

Sbi

ఫిక్స్‌డ్ డిపాజిట్లకు మార్కెట్లో మంచి డిమాండే ఉంది. అత్యధిక శాతం మంది ప్రజలు వీటిల్లో పెట్టుబడులు పెడుతున్నారు. ముఖ్యంగా వృద్ధులకు ఇవి బెస్ట్ ఆప్షన్ గా ఉంటున్నాయి. అధిక వడ్డీతో పాటు కచ్చితమైన రాబడికి ఇవి హామీ ఇస్తుండటం, పన్ను ప్రయోజనాలు కూడా లభిస్తుండటంతో అందరూ వీటి వైపు మొగ్గుచూపుతున్నాయి. బ్యాంకులు, పలు ఆర్థిక సంస్థలు కూడా పోటాపోటీగా ఫిక్స్‌డ్ డిపాజిట్ పథకాలను తీసుకొస్తున్నాయి. మంచి వడ్డీ, ఇతర ప్రయోజనాలతో కూడిన ప్రత్యేక ఎఫ్డీ స్కీమ్‌లను ప్రారంభిస్తున్నాయి. ఈ క్రమంలో దేశంలోని ప్రముఖ రుణదాత అయిన స్టేట్ బ్యాంక్ ఆఫ్ ఇండియా ఓ ప్రత్యేకమైన ఫిక్స్‌డ్ డిపాజిట్ స్కీమ్ ను లాంచ్ చేసింది. దాని పేరు అమృత్ వృష్టి. దీనిలో సాధారణంగా అధిక వడ్డీ రేట్లు అందిస్తున్నట్లు బ్యాంక్ పేర్కొంది. ఇది కస్టమర్ సెంట్రిక్ గా ఉండే స్కీమ్ అని.. దేశంలోని పౌరులతో పాటు నాన్ రెసిడెంట్ ఇండియన్ వినియోగదారులకు కూడా అందుబాటులో ఉంటుందని వివరించింది. దీనికి సంబంధించిన పూర్తి వివరాలు ఇప్పుడు తెలుసుకుందాం..

అమృత్ వృష్టి ఎఫ్‌డీ..

ఎస్బీఐ అందిస్తున్న అమృత్ వృష్టి ఎఫ్‌డీ స్కీమ్ లో వడ్డీ రేటు 7.25శాతం ఉంటుంది. సీనియర్ సిటిజెన్స్ కు 0.50శాతం అదనంగా వడ్డీ రేటు వర్తిస్తుంది. దీనిలో కాల వ్యవధి 444 రోజులు. 2024, జూలై 15వ తేదీ నుంచి ఈ స్కీమ్ అమలులోకి వచ్చింది. దీనిలో మీరు పెట్టే పెట్టుబడులు 444 రోజుల వరకూ లాక్ అవుతాయి. మెచ్యూరిటీ సమయానికి అధిక రాబడిని అందిస్తాయి. ఈ ఖాతాను ప్రారంభించాలనుకునేవారు ఎస్బీఐ బ్రాంచ్ లు లేదా అధికారిక వెబ్ సైట్, యోనో ఎస్బీఐ యాప్, యోనో లైట్ యాప్ ద్వారా చేయొచ్చు. ఈ అమృత్ వృష్టి స్కీమ్ 2025, మార్చి 31 వరకూ మాత్రమే అందుబాటులో ఉంటుంది. దీనిలో పెట్టుబడులు పెట్టాలనుకునేవారు ఈ లోపే పెట్టాల్సి ఉంటుంది.

ఎస్బీఐ ఇతర ఎఫ్ డీ పథకాల్లో వడ్డీ రేట్లు ఇలా..

స్టేట్ బ్యాంక్ ఆఫ్ ఇండియా ఇప్పటికే అనేక రకాల ఎఫ్డీ స్కీమ్లను అమలు చేస్తోంది. ఎస్బీఐ అమృత్ కలష్, ఎస్బీఐ వీకేర్ వంటి టాప్ పథకాలు ఉన్నాయి. అయితే ఇప్పుడు తీసుకొచ్చిన ఎస్బీఐ అమృత్ వృష్టిలో అదనపు ప్రయోజనాలు కూడా ఉన్నాయి. ప్రస్తుతం ఎస్బీఐలో ఉన్న వివిధ పథకాల్లో వడ్డీ రేట్లు ఎలా ఉన్నాయో ఇప్పుడు తెలుసుకుందాం..ఇవి 2024, జూన్ 15 నుంచి అమలవుతున్న రేట్లు.

• 7 రోజుల నుంచి 45 రోజుల వరకూ ఉండే ఎఫ్డీపై జనరల్ పబ్లిక్ కు 3.50శాతం, సీనియర్ సిటిజెన్స్ కు 4శాతం వడ్డీ రేటు ఉంటుంది.
• 46 రోజుల నుంచి 179 రోజుల వరకూ ఉండే ఎఫ్డీపై జనరల్ పబ్లిక్ కు 5.50శాతం, సీనియర్ సిటిజెన్స్ కు 6శాతం వడ్డీ రేటు ఉంటుంది.
• 180 రోజుల నుంచి 210 రోజుల వరకూ ఉండే ఎఫ్డీపై జనరల్ పబ్లిక్ కు 6.25శాతం, సీనియర్ సిటిజెన్స్ కు 6.75శాతం వడ్డీ రేటు ఉంటుంది.
• 180 రోజుల నుంచి 210 రోజుల వరకూ ఉండే ఎఫ్డీపై జనరల్ పబ్లిక్ కు 6.25శాతం, సీనియర్ సిటిజెన్స్ కు 6.75శాతం వడ్డీ రేటు ఉంటుంది.
• 211 రోజుల నుంచి ఏడాది లోపు వరకూ ఉండే ఎఫ్డీపై జనరల్ పబ్లిక్ కు 6.50శాతం, సీనియర్ సిటిజెన్స్ కు 7శాతం వడ్డీ రేటు ఉంటుంది.
• ఒక సంవత్సరం నుంచి రెండేళ్ల లోపు వరకూ ఉండే ఎఫ్డీపై జనరల్ పబ్లిక్ కు 6.80శాతం, సీనియర్ సిటిజెన్స్ కు 7.30శాతం వడ్డీ రేటు ఉంటుంది.
• రెండేళ్ల నుంచి మూడేళ్ల లోపు వరకూ ఉండే ఎఫ్డీపై జనరల్ పబ్లిక్ కు 7శాతం, సీనియర్ సిటిజెన్స్ కు 7.50శాతం వడ్డీ రేటు ఉంటుంది.
• మూడేళ్ల నుంచి ఐదేళ్ల లోపు వరకూ ఉండే ఎఫ్డీపై జనరల్ పబ్లిక్ కు 6.75శాతం, సీనియర్ సిటిజెన్స్ కు 7.25శాతం వడ్డీ రేటు ఉంటుంది.
• ఐదేళ్ల నుంచి పదేళ్ల లోపు వరకూ ఉండే ఎఫ్డీపై జనరల్ పబ్లిక్ కు 6.50శాతం, సీనియర్ సిటిజెన్స్ కు 7.50శాతం వడ్డీ రేటు ఉంటుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..