Omicron Affect: క్రిస్మస్.. న్యూ ఇయర్ వేడుకలపై ఒమిక్రాన్ క్రీనీడ.. పర్యాటక రంగం పరిస్థితి గందరగోళం..

Omicron Affect On Tourism

Omicron Affect: కరోనా కొత్త వేరియంట్ ఒమిక్రాన్(Omicron) మరోసారి పర్యాటక రంగాన్ని ఇబ్బందుల్లోకి తెచ్చింది. ఈ నెలలో, క్రిస్మస్, నూతన సంవత్సర వేడుకలు కరోనా కొత్త వేరియంట్ భయంలో కొట్టుకుపోయేటట్టుగా కనిపిస్తోంది. అయితే, వివాహాలు మాత్రం ఎక్కువగానే జరిగే అవకాశాలు కొద్దిగా ఆశను నిలుపుతున్నాయి.

2020 సంవత్సరం మొత్తం కోవిడ్‌లో చిక్కుకుంది

లాక్‌డౌన్, ప్రయాణాలపై ఆంక్షల కారణంగా 2020 సంవత్సరం మొత్తం కోవిడ్ మహమ్మారి బారిన పడింది. ఇప్పుడు మరోసారి ఒమిక్రాన్(Omicron) రాకతో, పర్యాటక రంగం సంభావ్య సంక్షోభాన్ని ఎదుర్కొంటుంది. ప్రజలు ఇప్పుడు సెలవుల కోసం ప్లాన్ చేసిన ట్రిప్పులను రద్దు చేయడం ప్రారంభించారని టూర్ ఆపరేటర్లు అంటున్నారు.

మూడు రోజుల నుంచి రద్దు అవుతున్నాయి

చెన్నైలోని మధుర ట్రావెల్ సర్వీసెస్ మేనేజింగ్ డైరెక్టర్ శ్రీహరన్ బాలన్ మాట్లాడుతూ, గత మూడు రోజుల్లో దాదాపు 20% రద్దు అభ్యర్ధనలు ట్రావెల్ ఏజెన్సీలకు వచ్చాయని చెప్పారు. 2020లో సుదీర్ఘ లాక్‌డౌన్ తర్వాత, ఈ హాలిడే సీజన్‌లో, పర్యాటక రంగం దాని పూర్వ వైభవానికి తిరిగి వచ్చింది. ఇప్పుడు అయితే, క్రిస్మస్, నూతన సంవత్సర వేడుకలకు ముందు ఓమిక్రాన్ ముప్పు కారణంగా దుబాయ్, యూరప్, యుఎస్‌లకు అవుట్‌బౌండ్ బుకింగ్‌లు తగ్గుముఖం పట్టాయి.

ప్రజలు ప్రయాణ ప్రణాళికలను రద్దు చేస్తున్నారు

ఈ సీజన్‌లో ఈ ప్రదేశాలను సందర్శించాలని అనుకున్న చాలా మంది ప్రజలు రద్దు చేసుకుంటున్నారని బాలన్ చెప్పారు. మహారాష్ట్ర తాజా ప్రయాణ ఆంక్షలు ఇతర రాష్ట్రాలు అనుసరిస్తే దేశీయ పర్యాటకంపై కూడా ఇది తీవ్ర ప్రభావం చూపుతుందని ఆందోళన వ్యక్తం అవుతోంది. ఉదాహరణకు, మహమ్మారికి ముందు, 2019 డిసెంబర్-జనవరిలో ఐదు లక్షల మంది తమిళనాడు నుండి బయటకు వెళ్లారు. 2020లో అదే సీజన్‌లో మహమ్మారి కారణంగా అసలు ఎటువంటి కదలికలు లేవు.

ఒమిక్రాన్ ముప్పు తీవ్రంగా..

ఈ ఏడాది ఇదే కాలంలో ఓమిక్రాన్ ముప్పు మళ్లీ పరిశ్రమను తాకింది. ట్రావెల్ అండ్ టూరిజం రంగం ఇప్పుడిప్పుడే కోలుకోవడం ప్రారంభించింది. అనుకూలీకరించిన సేవలను అందించే సాంప్రదాయ ట్రావెల్ ఏజెన్సీలపై కస్టమర్‌లు ఆసక్తి చూపడం ప్రారంభించారు. అయితే ఇప్పుడు ఒమిక్రాన్ భయంతో ఎదురుదెబ్బ తగలబోతోందని భావిస్తున్నారు. దాదాపు 50% టూరిస్ట్ బుకింగ్స్ రద్దయినట్లు పరిశ్రమ నిపుణులు చెబుతున్నారు. హోటల్, ట్రావెల్ పరిశ్రమ 2020లో 20 నుండి 25 వేల కోట్ల నష్టాన్ని చవిచూసింది. దీని కారణంగా హాస్పిటాలిటీ రంగంలోని వ్యక్తుల జీతాల్లో 50% కోత పడింది.

వివాహాలు రద్దు కావడం లేదు..

అయితే, ప్రజలు వివాహాలపై చాలా ఆసక్తి చూపుతున్నారు. ఇప్పటి వరకు పెళ్లిళ్లకు చేసుకున్న బుకింగ్స్‌ ఒక్కటి కూడా రద్దు కాలేదని హోటల్‌ నిర్వాహకులు చెబుతున్నారు. ఈసారి పెళ్లిళ్లకు సంబంధించి వ్యాపారం బాగానే ఉందని, ఇప్పటి వరకు ఎలాంటి బుకింగ్‌లు రద్దు కాలేదని.. ఢిల్లీలోని లే మెరిడియన్ హోటల్‌లోనూ ఇదే పరిస్థితి నెలకొందని చెబుతున్నారు. ఇప్పటి వరకు ఇక్కడ బుకింగ్ రద్దు కేసులు లేవు. డిసెంబర్ అంటే ఖచ్చితంగా పెళ్లిళ్ల నెల. జనవరిలో కూడా ఇదే పరిస్థితి ఉంటుంది. నవంబర్‌లో ఢిల్లీలో ఒక్కరోజే 8 వేల వివాహాలు జరిగాయి. ఆ రోజు ఇక్కడ హోటల్స్ దొరకడం కష్టంగా మారింది.

గోవా, జైపూర్, హైదరాబాద్ బుకింగ్ జోరుగా సాగుతోంది

అకార్ అధికారి ప్రకారం, వారి ఆస్తులన్నీ 2022 మొదటి త్రైమాసికానికి గోవా, జైపూర్, ఉదయపూర్, ఢిల్లీతో పాటు హైదరాబాద్‌లో బుక్ అయ్యాయి. ఒమిక్రాన్(Omicron) ఆ బుకింగ్‌పై ప్రత్యక్ష ప్రభావాన్ని చూపదు. ఆన్‌లైన్ ట్రావెల్ ప్లాట్‌ఫారమ్ EasyMyTrip నవంబర్ 14, డిసెంబర్ 13 మధ్య ప్రయాణ బుకింగ్‌లలో 100% పెరిగింది. ముస్సోరీ, సిమ్లా, నైనిటాల్, గోవా, ఉదయపూర్, రిషికేశ్, పాట్ బ్లెయిర్ వివాహాలకు అత్యంత ప్రాధాన్య స్థలాలుగా ఉన్నాయి. కాగా, తాజ్ లేక్ ప్యాలెస్ ఉదయపూర్, ఐటీసీ గ్రాండ్ భారత్ గుర్గావ్, తాజ్ ఉమైద్ భవన్ జోధ్‌పూర్ మరియు లీలా ప్యాలెస్ జైపూర్ టాప్ 5 వెడ్డింగ్ హోటల్‌లు.

ఇవి కూడా చదవండి: Omicron Confusion: ప్రపంచ నిపుణులను తికమక పెడుతున్న ఒమిక్రాన్.. ఈ వేరియంట్ ప్రభావంపై విభిన్నఅంచనాలు.. మూడో వేవ్ తప్పదా?

Omicron Outbreak: వణికిస్తున్న ఒమిక్రాన్ విస్తరణ.. దేశవ్యాప్తంగా పలు రాష్ట్రాల్లో ఉనికి.. హాట్‌స్పాట్‌గా ఆ సిటీ!

Personal Loan: ఇన్‌కం ప్రూఫ్ లేకుండా పర్సనల్ లోన్ వస్తుందా? దీనికోసం ఏ పధ్ధతి అనుసరించాలి? తెలుసుకోండి!