LPG Rules: కేంద్రం సంచలన నిర్ణయం.. వీరికి ఎల్పీజీ కనెక్షన్ రద్దు.. జూన్ 1 నుంచి అమలు..!
LPG Gas Rules: గృహాలకు సంవత్సరానికి 12 సబ్సిడీ గృహ వినియోగ సిలిండర్లు మాత్రమే అందజేయడం కొనసాగుతుంది. అదనపు సిలిండర్లకు మార్కెట్ విలువ ప్రకారం ఛార్జీ విధిస్తారు. రెగ్యులేటర్, పైపు, ఇన్స్టాలేషన్ ఛార్జీలతో సహా సవరించిన డిపాజిట్, సెటప్ ఫీజులు ఇప్పుడు కొత్త ఎల్పిజి కనెక్షన్లకు వర్తిస్తాయి..
LPG Gas Rules: ఆసియా సంక్షోభం దృష్ట్యా ప్రజలు ఎలాంటి ఇబ్బందులు ఎదుర్కోకుండా ఉండేందుకు కొన్ని ముఖ్యమైన మార్పులు చేస్తోంది కేంద్ర ప్రభుత్వం. జూన్ 1వ తేదీ నుండి అమల్లోకి రానున్న ఈ మార్పులలో ఒకదాని వల్ల మీ వంటగ్యాస్ సిలిండర్ కనెక్షన్ రద్దు కావచ్చు. మరి అందుకు కారణాలు ఏంటో తెలుసుకోవడం చాలా ముఖ్యం.
దేశంలో పీఎన్జీ కనెక్షన్లు పెరుగుతున్నాయి. కానీ ప్రభుత్వ ఆదేశాలు ఉన్నప్పటికీ ఎల్పీజీ సిలిండర్ల వాడకంలో ఎలాంటి మార్పు లేదు. మార్చి నాటికి 6.5 లక్షల కొత్త పీఎన్జీ కనెక్షన్లు ఏర్పాటు చేసినప్పటికీ, సరఫరా 18 శాతం తక్కువగానే ఉంది.
PNG, LPG కనెక్షన్లు రెండూ ఉన్నవారు LPG కనెక్షన్ను వదులుకోవాలని ప్రభుత్వం ఆదేశించినప్పటికీ, చాలా కుటుంబాలు కనెక్షన్లు మార్చుకోకుండానే కొత్త కనెక్షన్లు తీసుకున్నాయని గుర్తించింది ప్రభుత్వం. అయినప్పటికీ ప్రజలు ఎల్పీజీ కనెక్షన్ను వదులుకోవడం లేదు. కానీ PNG కనెక్షన్లు తీసుకుంటున్నారు.
ఇది కూడా చదవండి: RBI: పెద్ద నోట్ల రద్దు తర్వాత 10 ఏళ్లకు ఆర్బీఐ మరో కీలక మార్పుకు సన్నాహాలు
గత దశాబ్దంలో ఎల్పిజి వినియోగదారుల సంఖ్య దాదాపు రెట్టింపు అయి 33.5 కోట్లకు చేరగా, పిఎన్జిలో వినియోగదారుల సంఖ్య 164 లక్షలుగానే ఉంది. ప్రభుత్వం ఈ పరిస్థితిని వీలైనంత త్వరగా మార్చాలని కోరుతోంది. జూన్ ప్రారంభానికి ముందే కఠినమైన నిబంధనలను అమలు చేయనుంది.
ప్రభుత్వం జారీ చేసిన కీలక పాయింట్స్:
- ఒకే వంటగది ఉన్న కుటుంబంలో (భర్త, భార్య, వివాహిత పిల్లలు, వారిపై ఆధారపడిన తల్లిదండ్రులు) ఒకే ఒక LPG కనెక్షన్ మాత్రమే చెల్లుబాటు అవుతుంది. అంటే ఒకే చిరునామాలో రెండు కనెక్షన్లు ఉండటం నిషేధం.
- అదనపు కనెక్షన్లను కొనసాగిస్తే గ్యాస్ సరఫరా నిలిపివేయవచ్చు. అన్ని అదనపు కనెక్షన్లను వదులుకున్నప్పుడు మాత్రమే సరఫరా పునరుద్ధరించనున్నారు.
- అదనపు కనెక్షన్ను వదులుకున్న తర్వాత ఒకే కనెక్షన్ మిగిలి ఉంటే, దానిని డబుల్ బాటిల్ కనెక్షన్ (DBC)గా మార్చవచ్చు.
- PNG కనెక్షన్లు ఉన్న వినియోగదారులు తమ LPG కనెక్షన్లను తక్షణమే వదులుకోవాల్సి ఉంటుంది.
- PNG కనెక్షన్ తీసుకున్న 30 రోజులలోపు LPG కనెక్షన్ను తిరిగి ఇవ్వాల్సి ఉంటుంది. లేదా మీరు బదిలీ వోచర్ను తీసుకోవచ్చు. తద్వారా భవిష్యత్తులో PNG అందుబాటులో లేని ప్రాంతంలో LPG కనెక్షన్ను పునరుద్ధరించుకోవచ్చు.
ఈ నిర్ణయం ఎందుకు తీసుకున్నారు?
- అవసరమైన కుటుంబాలకు కొత్త ఎల్పీజీ కనెక్షన్లు అందించడం.
- రాయితీ సిలిండర్ల దుర్వినియోగం, బ్లాక్ మార్కెటింగ్ను అరికట్టడానికి.
- పీఎన్జీ లాగా స్వచ్ఛమైన ఇంధనాన్ని ప్రోత్సహించడం.
చమురు కంపెనీలు వినియోగదారులను నియమాలను పాటించాలని, అదనపు కనెక్షన్ కోసం సరెండర్ ప్రక్రియను పూర్తి చేయడానికి వారి డిస్ట్రిబ్యూటర్ను సంప్రదించాలని కోరాయి. ఈ ప్రక్రియను ఆన్లైన్లో కూడా పూర్తి చేయవచ్చు.
జూన్ నుండి ఎల్పీజీ సిలిండర్లను రీఫిల్ చేయరు:
జూన్ నుండి పీఎన్జీ పైప్లైన్ల పరిధిలోని ప్రాంతాల్లో ఉన్న గృహాలు గృహ వినియోగ ఎల్పీజీ సిలిండర్లను బుక్ చేసుకోవడం లేదా రీఫిల్ చేసుకోవడం నిలిపివేసింది. నగర గ్యాస్ పంపిణీ సంస్థలు, ఓఎంసీలు ఇప్పుడు తమ డిజిటల్ డేటాబేస్లను పూర్తిగా ఏకీకృతం చేశాయి. పీఎన్జీ కనెక్షన్ పొడిగింపుల గడువును జూన్ 30 వరకు పొడిగించారు.
గ్యాస్ సిలిండర్ల బుకింగ్కు గడువు:
సరఫరా కొరత, దుర్వినియోగాన్ని నియంత్రించేందుకు ఎల్పిజి రీఫిల్ లాక్-ఇన్ వ్యవధిని పట్టణ వినియోగదారులకు 21 రోజుల నుండి 25 రోజులకు, గ్రామీణ వినియోగదారులకు 45 రోజులకు పెంచారు.
కనెక్షన్, సబ్సిడీ నిబంధనలు:
గృహాలకు సంవత్సరానికి 12 సబ్సిడీ గృహ వినియోగ సిలిండర్లు మాత్రమే అందజేయడం కొనసాగుతుంది. అదనపు సిలిండర్లకు మార్కెట్ విలువ ప్రకారం ఛార్జీ విధిస్తారు. రెగ్యులేటర్, పైపు, ఇన్స్టాలేషన్ ఛార్జీలతో సహా సవరించిన డిపాజిట్, సెటప్ ఫీజులు ఇప్పుడు కొత్త ఎల్పిజి కనెక్షన్లకు వర్తిస్తాయి.
ఇది కూడా చదవండి: Petrol, Diesel: కేంద్రం కీలక నిర్ణయం.. పెట్రోల్, డీజిల్పై భారీగా సుంకం తగ్గింపు..!
మరిన్ని బిజినెస్ వార్తల కోసం ఇక్కడ క్లిక్ చేయండి