Microsoft: ప్రపంచాన్నే ప్రభావితం చేసిన మైక్రోసాఫ్ట్.. ఎఫెక్ట్‌ మామూలుగా లేదుగా..!
మైక్రోసాఫ్ట్ సర్వర్లలో లోపం కారణంగా ప్రపంచం మొత్తం పెద్ద సాంకేతిక సంక్షోభాన్ని ఎదుర్కొంటోంది. ఢిల్లీ, ముంబై సహా విదేశాల్లో విమాన సర్వీసులు కూడా దెబ్బతిన్నాయి. ఈ సమస్య మొదట అమెరికాకు చెందిన ఫ్రాంటియర్ ఎయిర్‌లైన్స్‌లో సంభవించింది. క్రమంగా ఇది ప్రపంచమంతటా వ్యాపించింది. తాజా సమాచారం ప్రకారం.. మైక్రోసాఫ్ట్-అనుబంధ సైబర్ సెక్యూరిటీ సంస్థ క్లౌడ్ స్ట్రైక్ తన తప్పును అంగీకరించింది...
మైక్రోసాఫ్ట్ సర్వర్లలో లోపం కారణంగా ప్రపంచం మొత్తం పెద్ద సాంకేతిక సంక్షోభాన్ని ఎదుర్కొంటోంది. ఢిల్లీ, ముంబై సహా విదేశాల్లో విమాన సర్వీసులు కూడా దెబ్బతిన్నాయి. ఈ సమస్య మొదట అమెరికాకు చెందిన ఫ్రాంటియర్ ఎయిర్‌లైన్స్‌లో సంభవించింది. క్రమంగా ఇది ప్రపంచమంతటా వ్యాపించింది. తాజా సమాచారం ప్రకారం.. మైక్రోసాఫ్ట్-అనుబంధ సైబర్ సెక్యూరిటీ సంస్థ క్లౌడ్ స్ట్రైక్ తన తప్పును అంగీకరించింది. ఇది క్లౌడ్ స్ట్రైక్ యాంటీ-వైరస్‌ను అప్‌డేట్ చేయాల్సి వచ్చిందని, ఇది కంపెనీ సమయానికి చేయలేకపోయింది. దీని కారణంగా ప్రపంచం ఈ సమస్యను ఎదుర్కొంటోంది.
మైక్రోసాఫ్ట్ తన మొదటి ప్రకటనను విడుదల
మైక్రోసాఫ్ట్ ఈ మొత్తం సంక్షోభానికి సంబంధించి తన మొదటి ప్రకటనను విడుదల చేసింది. దీనిలో “మా నిపుణులు వీలైనంత త్వరగా సమస్యను పరిష్కరించడానికి ప్రయత్నిస్తున్నారు. త్వరలో మరిన్ని అప్‌డేట్‌లను అంఇస్తాము అని తెలిపింది.
ఢిల్లీ ఎయిర్‌పోర్ట్‌ కూడా సర్వర్‌ పనిచేయకపోవడంతో ప్రకటన విడుదల చేసింది. అంతర్జాతీయ ఐటీ సంక్షోభం కారణంగా విమాన సర్వీసులు దెబ్బతిన్నాయని, ప్రయాణికులకు కలుగుతున్న అసౌకర్యాలను తొలగించేందుకు ప్రయత్నాలు చేస్తున్నామని ఎయిర్‌పోర్టు యంత్రాంగం తెలిపింది.
ఏ సేవలు, ఏయే దేశాలు ప్రభావితం!
అనేక దేశాల్లో ఆన్‌లైన్ మాధ్యమం ద్వారా అందించబడే విమానయాన సంస్థలు, ఆసుపత్రులు, స్టాక్ ఎక్స్ఛేంజీలు, రైలు సేవలు, ప్రసార సేవలు మొదలైన అనేక రకాల అత్యవసర సేవలు ప్రభావితమయ్యాయి. సిడ్నీ, నెదర్లాండ్స్, దుబాయ్, బెర్లిన్ సహా పలు చోట్ల విమాన సర్వీసులు దెబ్బతిన్నాయి. వందలాది మంది ప్రయాణికులు అన్ని పెద్ద నగరాల్లోని విమానాశ్రయాలలో ఉన్నారు. అలాగే వారు విమానం గురించి ఎటువంటి సమాచారం పొందలేకపోయారు. ఈ ఐటీ సంక్షోభం కారణంగా టికెట్ బుకింగ్, చెకింగ్ జరగడం లేదు. బ్రిటన్‌లో స్కై న్యూస్ లైవ్ టెలికాస్ట్ ఆగిపోయింది. లండన్ స్టాక్ ఎక్స్ఛేంజ్, సెంట్రల్ బ్యాంక్ ఆఫ్ ఇజ్రాయెల్ కూడా ప్రభావితమయ్యాయి. మైక్రోసాఫ్ట్ సర్వర్‌లలోని లోపం ప్రభావం బ్రిటిష్ రైల్వేలు, యూకే రైలు సేవలపై కూడా కనిపించింది.
భారతదేశం గురించి మాట్లాడితే.. ఢిల్లీ, ముంబై, హైదరాబాద్‌తో సహా అనేక నగరాల్లో విమాన ట్రాఫిక్ ప్రభావితమైంది. అయితే ఇప్పుడు ఢిల్లీ, హైదరాబాద్ విమానాశ్రయాలలో ప్రయాణీకులకు మాన్యువల్ టిక్కెట్లు జారీ చేస్తున్నారు. సింగపూర్ విమానాశ్రయంలో మాన్యువల్ చెక్-ఇన్, బుకింగ్ కూడా ప్రారంభమైంది.
ఇది కూడా చదవండి: Microsoft: ప్రపంచవ్యాప్తంగా మైక్రోసాఫ్ట్ సర్వర్లలో అంతరాయం.. విమాన సంస్థలపై ప్రభావం
మరిన్ని బిజినెస్ వార్తల కోసం ఇక్కడ క్లిక్ చేయండి