LIC Policy Holders: ఎల్‌ఐసీలో అలాంటి పాలసీదారులకు గుడ్‌న్యూస్‌.. మార్చి 25 చివరి తేదీ
LIC Policy Holders:కొంత మంది ఇన్సూరెన్స్ పాలసీలు తీసుకుని మధ్యలో నిలిపివేస్తారు. ఆర్థిక ఇబ్బందుల కారణంగానే, మరెదైనా కారణంగానో..
LIC Policy Holders:కొంత మంది ఇన్సూరెన్స్ పాలసీలు తీసుకుని మధ్యలో నిలిపివేస్తారు. ఆర్థిక ఇబ్బందుల కారణంగానే, మరెదైనా కారణంగానో పాలసీలను మధ్యలోనే నిలిపివేస్తారు. అలాంటి వారికి లైఫ్ ఇన్సూరెన్స్ కార్పొరేషన్ (LIC) గుడ్‌న్యూస్‌ తెలిపింది. LIC ద్వారా తమ పాలసీని పునరుద్ధరించుకోవడానికి వినియోగదారులకు ఇదే చివరి అవకాశం. ఏ కారణం చేతనైనా ప్రీమియం చెల్లించలేకపోయిన, వారి పాలసీ ల్యాప్ (LIC Lapsed) అయిన వినియోగదారులకు ఇది గొప్ప అవకాశం. ల్యాప్ అయిన బీమా పాలసీ (Policy)ని చౌకగా పునరుద్ధరించేందుకు లైఫ్ ఇన్సూరెన్స్ కార్పొరేషన్ ఆఫ్ ఇండియా ప్రత్యేక ప్రచారాన్ని ప్రారంభించింది. LIC ఈ ప్రచారం ఫిబ్రవరి 7న ప్రారంభమైంది. ఇది మార్చి 25న ముగియనుంది. ఈ ప్రచారం LIC పాలసీదారులకు వారి పాలసీలను పునరుద్ధరించడానికి, జీవిత బీమాను పునరుద్ధరించడానికి, వారి కుటుంబాలకు ఆర్థిక భద్రతను నిర్ధారించడానికి ఒక అద్భుతమైన అవకాశం.
ప్రీమియం చెల్లింపు వ్యవధిలో ల్యాప్ అయిన, పాలసీ వ్యవధిని పూర్తి చేయని పాలసీలను మార్చి 25 వరకు పునరుద్ధరించవచ్చని ఎల్‌ఐసీ తెలిపింది. దీని కోసం ఆలస్య రుసుము చెల్లించాల్సి ఉంటుంది. తిరిగి పునరుద్దరించుకుంటే పాలసీ వెంటనే ప్రారంభమవుతుంది. దీని కోసం ఎల్‌ఐసి ప్రత్యేక ప్రచారాన్ని ఫిబ్రవరి 7 నుండి మార్చి 25 వరకు కొనసాగుతుంది. ఈ ప్రచారాన్ని సద్వినియోగం చేసుకోవాలనుకునే వారు మార్చి 25లోగా పెనాల్టీ చెల్లించి పాలసీని పునరుద్దరించుకోవాల్సి ఉంటుంది.
ప్రస్తుత పరిస్థితుల దృష్ట్యా, టర్మ్ ఇన్సూరెన్స్, చెల్లించిన మొత్తం ప్రీమియం ఆధారంగా అధిక-రిస్క్ ప్లాన్‌లు కాకుండా ఇతర వాటికి ఆలస్య రుసుములో రాయితీలు ఇస్తున్నట్లు బీమా సంస్థ తెలిపింది. అయితే టర్మ్ అస్సూరెన్స్ అండ్ మ‌ల్టీపుల్ రిస్క్ పాల‌సీల‌కు మాత్రం ఈ మినహాయింపులు వ‌ర్తించ‌వు. ఆరోగ్య బీమా, సూక్ష్మ బీమా పథకాలకు కూడా ఆలస్య రుసుములో రాయితీ ఇవ్వబడుతోంది. మైక్రో ఇన్సూరెన్స్ ప్లాన్‌లపై LIC ఆలస్య రుసుముపై పూర్తి రాయితీని అందిస్తోంది. అయితే అనివార్య ప‌రిస్థితుల్లో ప్రీమియం చెల్లించలేకపోయిన వారికి బెనిఫిట్ క‌ల్పించేందుకు ఈ పున‌రుద్ధ‌ర‌ణ సౌక‌ర్యం అందుబాటులోకి తెచ్చింది. ప్రస్తుత సంక్షోభ సమయంలో రిస్క్ క‌వ‌రేజీ కొన‌సాగేందుకు ల్యాప్స్ అయిన పాలసీలను పున‌రుద్ధ‌రించుకునేందుకు ప్రస్తుత ఆర్థిక సంవ‌త్స‌రంలో రెండోసారి పాలసీ దారుల‌కు అవకాశం క‌ల్పిస్తున్న‌ట్లు పేర్కొంది.
ఆలస్య రుసుములో మినహాయింపు:
రూ. 1 లక్ష పరిమితి వరకు LIC ప్రీమియం చెల్లింపు కోసం ఆలస్య రుసుములో 20 శాతం మినహాయింపు ఉంటుంది. అంటే గరిష్టంగా రూ. 2,000 రాయితీ ఉంటుంది. రూ. 1 లక్ష నుండి రూ. 3 లక్షల పరిధిలో ఎల్‌ఐసి ప్రీమియం చెల్లింపుపై ఆలస్య రుసుము 25 శాతం లేదా గరిష్టంగా రూ. 2,500 ఉంటుందని ఎల్‌ఐసీ తెలిపింది. LIC ప్రీమియం చెల్లింపు రూ. 3 లక్షల పరిమితిని మించి ఉంటే ఆలస్య రుసుముకి మినహాయింపు 30 శాతం లేదా గరిష్టంగా రూ. 3000 రాయితీ. కోవిడ్ పరిస్థితిని దృష్టిలో ఉంచుకుని LIC ఈ ప్రచారాన్ని ప్రారంభించింది. ఆర్థిక పరిస్థితి క్షీణించడంతో ప్రజలు ప్రీమియం చెల్లించడం మానేసినందున కోవిడ్ సమయంలో అనేక పాలసీ లోపాలు జరిగాయి.
ఇవి కూడా చదవండి: