Gold Capital of India: భారతదేశానికి బంగారు రాజధాని..! అత్యధిక ఉత్పత్తి, తయారీ ఇక్కడి నుంచే..
భారతదేశంలో బంగారం కేవలం ఒక ఆభరణం మాత్రమే కాదు. ప్రజల భావోద్వేగం, నమ్మకానికి చిహ్నం. వివాహాల నుండి పండుగల వరకు ప్రతి చోట ఎల్లప్పుడూ మన భారతీయుల హృదయాలలో ప్రత్యేక స్థానాన్ని కలిగి ఉంది బంగారం. అలాంటి పుత్తడికి మనదేశంలో అతిపెద్ద గోల్డ్ మార్కెట్ ముంబైలో ఉందని మనందరికీ తెలిసిందే. అందుకే ముంబైని మన దేశ వాణిజ్య రాజధానిగా పిలుస్తారు. కానీ, మన దేశంలోని ఒక ప్రాంతాన్ని బంగారు రాజధానిగా పిలుస్తారు. అదేంటో ఇక్కడ తెలుసుకుందాం...
Gold Capital of India: భారతదేశంలో అతిపెద్ద బంగారు మార్కెట్ ముంబై. ఇది ఆసియాలోనే అతిపెద్ద బంగారు మార్కెట్. ముంబైలోని జవేరి బజార్ను 1864లో త్రిభువన్దాస్ జవేరి ప్రారంభించారు. నేడు ఇది ఆసియాలో అతిపెద్ద టోకు బంగారు మార్కెట్గా గుర్తింపు పొందింది. ఇక్కడ ప్రతిరోజూ మిలియన్ల విలువైన లావాదేవీలు జరుగుతాయి.
160 ఏళ్ల నాటి సంప్రదాయం:
జవేరి బజార్ కేవలం కొనుగోలు, అమ్మకాలకు మాత్రమే కాదు. ఇది 160 ఏళ్ల నాటి సంప్రదాయానికి చిహ్నం. ఇక్కడ ప్రతి దుకాణం ఒక కథ చెబుతుంది. ఢిల్లీలోని చాందినీ చౌక్ లాగా, ముంబైలోని ఈ ప్రాంతం ఎల్లప్పుడూ రద్దీగా, సందడిగా ఉంటుంది.
హోల్సేల్ షాపింగ్ సెంటర్:
అయితే, ఇక్కడ బంగారం ఎల్లప్పుడూ చౌకగా లభిస్తుందని ఎవరైనా అనుకుంటే అది నిజం కాదు. ఇక్కడ ధరలు మార్కెట్ ధరల ప్రకారం నిర్ణయించబడతాయి. కానీ, హోల్సేల్ వ్యాపారం చేసే వ్యవస్థాపకులకు ఇది బంగారు గని. దేశవ్యాప్తంగా ఉన్న ఆభరణాల వ్యాపారులు తమ సామాగ్రిని ఇక్కడి నుంచే తీసుకుంటారు. జవేరి బజార్ బంగారానికి ప్రసిద్ధి చెందింది. ఇది వజ్రాలు, వెండి అమ్మకాలకు కూడా ఇది ప్రధాన కేంద్రం. అందుకే దీనిని భారతదేశ ఆభరణాల పరిశ్రమకు గుండెకాయ అని పిలుస్తారు.
భారతదేశ బంగారు రాజధాని:
కేరళలోని త్రిస్సూర్ నగరం దేశవ్యాప్తంగా ‘భారతదేశ బంగారు రాజధాని’గా ప్రసిద్ధి చెందింది. ఇక్కడ వేలాది మంది చేతివృత్తులవారు సాంప్రదాయ, ఆధునిక డిజైన్లలో బంగారు ఆభరణాలను తయారు చేస్తారు. దక్షిణ భారతదేశంలో అత్యధిక బంగారు వ్యాపారం ఇక్కడి నుండే జరుగుతుంది.
త్రిసూర్ నగల కర్మాగారాలు:
ఈ నగరంలో వందలాది బంగారు కర్మాగారాలు, వర్క్షాప్లు ఉన్నాయి. ప్రతి వీధి, సందులో చాలా మంది కళాకారులు బంగారాన్ని పాలిష్ చేయడంలో బిజీగా ఉంటారు. అందుకే త్రిసూర్ను బంగారం తయారీ కేంద్రం, బంగారు రాజధాని అని పిలుస్తారు.
బంగారు నగరం:
మహారాష్ట్రలోని జల్గావ్ ‘బంగారు నగరం’ అని పిలుస్తారు. ఇది బంగారు డిజైన్లకు ప్రసిద్ధి చెందింది. దాని ఆభరణాల మెరుపు దేశవ్యాప్తంగా ప్రసిద్ధి చెందింది. వివాహాల సీజన్లో, ఇక్కడి దుకాణాలు సంతలా ఉంటాయి.
రత్లం దాని ప్రత్యేకత:
మధ్యప్రదేశ్లోని రత్లం దాని ప్రత్యేక బంగారు మార్కెట్కు ప్రసిద్ధి చెందింది. స్థానిక స్పర్శ, సాంప్రదాయ డిజైన్ ఇప్పటికీ ఇక్కడి ఆభరణాలలో కనిపిస్తాయి. చిన్న నగరంగా ఉన్నప్పటికీ, దాని ముద్ర దేశవ్యాప్తంగా వ్యాపించింది.
ఢిల్లీ సరఫా బజార్:
పాత ఢిల్లీలోని చాందినీ చౌక్ సరఫా బజార్ కూడా దేశంలోని అతిపెద్ద బంగారు కేంద్రాలలో ఒకటి. ఇక్కడి ఇరుకైన వీధుల గుండా మీరు నడిచి వెళ్తుంటే వెంటనే పాత భవనాలు, బంగారు, వెండి దుకాణాల మాయాజాలం చూస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి