Foreign Trip: విదేశాలకు వెళ్తున్నారా? ఈ క్రెడిట్ కార్డులు ఉండాల్సిందే.. బోలెడన్ని డబ్బులు ఆదా..

Credit Card

విదేశాలకు వెళ్లే వారు తప్పనిసరిగా కొన్ని అంశాలపై అవగాహన కలిగి ఉండాలి. ముఖ్యంగా అక్కడి ఖర్చులు, ఆర్థిక లావాదేవీలు ఎలా చేయాలనే విషయాలను తెలుసుకోవాలి. సాధారణంగా ఇటువంటి సమయంలో క్రెడిట్ కార్డులు బాగా ఉపకరిస్తాయి. ఇటీవల కాలంలో విదేశాల్లో క్రెడిట్ కార్డు ఆధారిత లావాదేవీలు పెరుగుతున్నాయి. అయితే విదేశాల్లో క్రెడిట్ కార్డులతో లావాదేవీలు చేయాలంటే ప్రత్యేకమైన కార్డులు ఉంటాయి. పైగా అందుకోసం ప్రత్యేకమైన చార్జీలు వసూలు చేస్తాయి. వీటిని విదేశీ లావాదేవీల రుసుము లేదా ఫారెక్స్ మార్కప్ రుసుము అని పిలుస్తారు. విదేశాల్లో ఎటువంటి కొనుగోళ్లు చేసినా ఈ ఫీజులు వర్తిస్తాయి. అయితే ఈ ఫారెక్స్ ఫీజు లేకుండా కూడా మీరు లావాదేవీలు చేయొచ్చు. అందుకు మీకు మీ క్రెడిట్ కార్డులోని రివార్డులు ఉపకరిస్తాయి. రివార్డులు క్లయిమ్ చేసుకోవడం ద్వారా మార్కప్ ఫీజును లేకుండా చేసుకోవచ్చు. అలాగే కొన్ని బ్యాంకులు ఈ ఫారెక్స్ రుసుము లేకుండా కూడా విదేశాల్లో లావాదేవీలు చేసుకునే వెసులుబాటును కల్పిస్తున్నాయి. అలాంటి మూడు కార్డులను మీకు పరిచయం చేస్తున్నాం.

జీరో-ఫారెక్స్ క్రెడిట్ కార్డ్‌లు..

ఎక్కువ మంది పర్యాటకులకు రుసుము లేని ఫారెక్స్ క్రెడిట్ కార్డ్ లను గొప్ప ప్రత్యామ్నాయంగా భావిస్తున్నారు. ఈ కార్డ్‌లు విదేశీ కొనుగోళ్లపై ఫారెక్స్ ఫీజులను మాఫీ చేస్తుండటంతో వాటిని తీసుకునేందుకు మొగ్గుచూపుతున్నారు. అలాంటి మూడు క్రెడిట్ కార్డులను మీకు అందిస్తున్నాం.

ఆర్బీఎల్ వరల్డ్ సఫారి క్రెడిట్ కార్డ్..

ఆర్బీఎల్ వరల్డ్ సఫారి మొదటి సంవత్సరానికి ఉచిత సభ్యత్వాన్ని అందిస్తుంది. ఆ తర్వాత సంవత్సరానికి రూ. 3,540 (18 శాతం జీఎస్టీతో) వసూలు చేస్తుంది. ఉచిత విదేశీ ప్రయాణ బీమా, లాంజ్ యాక్సెస్, రీడీమ్ చేయగల గిఫ్ట్ వోచర్‌లను కలిగి ఉన్న కార్డ్ ఫీచర్‌లను అందిస్తుంది. దీని వల్ల మెంబర్ షిప్ ఫీజు వల్ల పెద్దగా ఇబ్బంది ఉండదు. ఈ ధరను తిరిగి పొందడం చాలా సులభం. కార్డ్‌లో కనీసం రెండు విదేశీ పర్యటనలకు చెల్లుబాటు అయ్యే కాంప్లిమెంటరీ మల్టీ-ట్రిప్ ట్రావెల్ ఇన్సూరెన్స్ ఉంటుంది. విదేశీ సెలవుల కోసం ప్రయాణ బీమా పాలసీకి రూ. 1,000 నుంచిరూ. 5,000 వరకు ఖర్చవుతుంది. అదనంగా, ఇది ప్రతి త్రైమాసికంలో రెండు డొమెస్టిక్ లాంజ్‌లకు, సంవత్సరానికి రెండు విదేశీ లాంజ్‌లకు యాక్సెస్‌ను అందిస్తుంది. ప్రయాణ బుకింగ్‌లపై కార్డ్ 1.25 శాతం రివార్డ్‌ను చెల్లిస్తుంది. అదనంగా మీరు ఏడాదిలో రూ. 2.5 లక్షలు ఖర్చు చేస్తే 10,000 రివార్డ్ పాయింట్లు అందిస్తుంది.

ఐడీఎఫ్సీ వావ్ క్రెడిట్ కార్డు..

ఈ కార్డ్ కోసం బ్యాంక్ ఫిక్స్‌డ్ డిపాజిట్ అవసరం. క్రెడిట్ పరిమితి మీరు చేసిన ఎఫ్డీ మొత్తానికి సమానంగా ఉంటుంది. క్రెడిట్ కార్డ్ వ్యక్తిగత ప్రమాద కవర్, లాస్ట్ లయబిలిటీ కవర్, రోడ్‌సైడ్ అసిస్టెన్స్‌ను అందిస్తుంది. కార్డ్ హోల్డర్‌లు ప్రతి రూ. 150 ఖర్చు, దాని గుణిజాలపై 1 రివార్డ్ పాయింట్‌ని పొందవచ్చు.

ఫెడరల్ బ్యాంక్ స్కాపియా క్రెడిట్ కార్డ్..

స్కాపియా కార్డు పైన పేర్కొన్న రెండు కార్డుల కన్నా అత్యధిక ప్రయోజనాలను అందిస్తుంది. స్కాపియా యాప్ ద్వారా చేసే ప్రయాణ బుకింగ్‌లపై 4 శాతం రివార్డ్ రేటు, ఇతర చోట్ల అర్హత కలిగిన కొనుగోళ్లపై 2 శాతం రివార్డులు అందిస్తుంది. అంతర్జాతీయ చెల్లింపులు చేస్తున్నప్పుడు పైన జాబితా చేయబడిన మూడు కార్డ్‌లు ఫారెక్స్ మార్పిడి రుసుములను మినహాయించాయి. ఇంకా, ఐడీఎఫ్సీ వావ్, స్కాపియా కార్డ్‌లు జీవితకాలం వ్యాలిడిటీని కలిగి ఉంటాయి.

మరిన్ని బిజినెస్ వార్తల కోసం ఇక్కడ క్లిక్ చేయండి..