Tax Saving Schemes: రూ. 1.5లక్షల వరకూ పన్ను ఆదా.. పైగా అధిక వడ్డీ.. ఈ పోస్ట్ ఆఫీస్ పథకాలను మిస్ చేసుకోవద్దు..
పోస్ట్ ఆఫీసుల్లో పెట్టుబడులు పెట్టేందుకు ప్రజలు అధికంగా మొగ్గుచూపుతారు. ఎందుకంటే కేంద్ర ప్రభుత్వ ఆధ్వర్యంలో నడుస్తుంది కాబట్టి భద్రత, భరోసా రెండు లభిస్తాయి. అలాగే పెట్టే పెట్టుబడిపై అధిక వడ్డీని కూడా అందిస్తాయి. అలాగే కొన్ని పథకాలు ఆదాయ పన్నును కూడా ఆదా చేస్తాయి.
పోస్ట్ ఆఫీసుల్లో పెట్టుబడులు పెట్టేందుకు ప్రజలు అధికంగా మొగ్గుచూపుతారు. ఎందుకంటే కేంద్ర ప్రభుత్వ ఆధ్వర్యంలో నడుస్తుంది కాబట్టి భద్రత, భరోసా రెండు లభిస్తాయి. అలాగే పెట్టే పెట్టుబడిపై అధిక వడ్డీని కూడా అందిస్తాయి. అలాగే కొన్ని పథకాలు పన్ను ను ఆదా కూడా చేస్తాయి. వాటిల్లో పెట్టుబడులు పెట్టడం ద్వారా దాదాపు రూ.1.5లక్షల వరకూ పన్ను రాయితీని పొందవచ్చు. అలాంటి పథకాలు పోస్ట్ ఆఫీసుల్లో చాలానే ఉన్నాయి. వాటిల్లో ఐదు బెస్ట్ పోస్ట్ ఆఫీసు స్కీమ్ లను మీకు పరిచయం చేస్తున్నాం. అవి పబ్లిక్ ప్రావిడెంట్ ఫండ్(పీపీఎఫ్), ఐదేళ్ల పోస్ట్ ఆఫీస్ డిపాజిట్ స్కీమ్, నేషనల్ సేవింగ్స్ సర్టిఫికెట్(ఎన్ఎస్సీ) సుకన్యా సమృద్ధి యోజన(ఎస్ఎస్వై) సీనియర్ సిటిజెన్ సేవింగ్స్ స్కీమ్(ఎస్సీఎస్ఎస్). వీటి గురించిన పూర్తి వివరాలు ఇప్పుడు చూద్దాం..
పబ్లిక్ ప్రావిడెంట్ ఫండ్(పీపీఎఫ్).. ప్రజలు అత్యధికంగా విశ్వసించే పథకం పీపీఎఫ్. దీనిలో 7.1 శాతం వార్షిక వడ్డీని పోస్ట్ ఆఫీసు అందిస్తుంది. ఆదాయపు పన్ను చట్టంలోని సెక్షన్ 80C కింద దీనిలో పెట్టే పెట్టుబడులు మినహాయింపునకు అర్హత పొందుతాయి. దీనిలో పెట్టుబడిదారులు రూ. 1.5 లక్షల వరకు పన్ను ప్రయోజనాన్ని పొందవచ్చు.
పోస్ట్ ఆఫీస్ టైమ్ డిపాజిట్ ఖాతా (టీడీ).. ఇండియా పోస్ట్ యొక్క అత్యంత ప్రసిద్ధ పెట్టుబడి పథకాలలో ఒకటి పోస్ట్ ఆఫీస్ టైమ్ డిపాజిట్ ఖాతా (టీడీ). ఈ పథకం అందరికీ అందుబాటులో ఉన్నప్పటికీ, దేశంలోని గ్రామీణ ,మారుమూల ప్రాంతాల్లో తక్కువ బ్యాంకులు ఉండే ప్రదేశాల్లో ఇది బాగా ప్రాచుర్యం పొందిన పథకం. ఈ పథకం కింద కనీస మొత్తం రూ. 1000 పెట్టుబడి పెట్టొచ్చు. మరియు గరిష్ట పరిమితి లేదు. రూ. 100 గుణిజాలలో ఎంతైనా పెట్టుబడి పెట్టొచ్చు. ఈ పథకాన్ని ఎంచుకునే వ్యక్తులు కూడా ఆదాయపు పన్ను సెక్షన్ 80సీ కింద పన్ను మినహాయింపును కూడా పొందవచ్చు.
సుకన్య సమృద్ధి యోజన (ఎస్ఎస్వై).. సుకన్య సమృద్ధి యోజన అనేది ఆడపిల్లల ప్రయోజనం కోసం ప్రభుత్వ మద్దతుతో కూడిన చిన్న పొదుపు పథకం. సుకన్య సమృద్ధి యోజన ఖాతాను పదేళ్లలోపు ఆడపిల్లల పేరిట తెరవవచ్చు. అమ్మాయికి 18 ఏళ్లు వచ్చినప్పుడు, ఆమె ఖాతా యజమాని అవుతుంది. ఈ ప్లాన్‌పై ప్రస్తుతం 7.6 శాతం వడ్డీ రేటు ఉంది. పథకంలో చేరడానికి, కనీసం రూ. 250 ప్రారంభ డిపాజిట్ అవసరం. గరిష్టంగా ఏడాదికి రూ. 1,50,000 వరకూ డిపాజిట్ చేయవచ్చు. ఇది కూడా 1961 ఆదాయపు పన్ను చట్టంలోని సెక్షన్ 80సీ కింద పన్ను మినహాయింపును అందిస్తుంది.
సీనియర్ సిటిజన్ సేవింగ్స్ స్కీమ్ (ఎస్సీఎస్ఎస్).. ఈ ప్లాన్ 60 ఏళ్లు పైబడిన వారికి అందుబాటులో ఉంటుంది. కనీసం రూ. 1,000తో ఖాతా ప్రారంభించవచ్చు. గరిష్టంగా రూ. 15 లక్షల వరకూ పెట్టుబడి పెట్టొచ్చు. సీనియర్ సిటిజన్ సేవింగ్స్ స్కీమ్ జనవరి, డిసెంబర్ మధ్య చేసిన డిపాజిట్లపై వార్షిక వడ్డీ రేటు 7.6 శాతం చెల్లిస్తుంది. సీనియర్ సిటిజన్లు ఆదాయపు పన్ను చట్టం, 1961లోని సెక్షన్ 80సీ కింద పెట్టుబడులకు పన్ను మినహాయింపును క్లెయిమ్ చేయవచ్చు.
నేషనల్ సేవింగ్స్ సర్టిఫికెట్ (ఎన్ఎస్సీ).. నేషనల్ సేవింగ్స్ సర్టిఫికెట్ అనేది ఇండియా పోస్ట్ అందించే స్థిర-ఆదాయ పెట్టుబడి పథకం. ఈ పథకానికి భారత ప్రభుత్వం మద్దతు ఇస్తుంది. మెచ్యూరిటీ వ్యవధి 5 సంవత్సరాలు. పెట్టుబడికి గరిష్ట పరిమితి లేదు; 100 రూపాయల ప్రారంభ పెట్టుబడిని చేయవచ్చు. పన్ను చెల్లింపుదారులు 1961 ఆదాయపు పన్ను చట్టంలోని 80సీ కింద పన్ను ప్రయోజనాలను పొందవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..