HDFC: హెచ్‌డీఎఫ్‌సీ కస్టమర్లకు భారీ గుడ్‌న్యూస్‌.. ఏంటో తెలిస్తే ఎగిరిగంతులేస్తారు!

మీరు HDFC బ్యాంక్ నుండి గృహ రుణం తీసుకుంటే మీకో గుడ్‌న్యూస్‌. దేశంలోని అతిపెద్ద ప్రైవేట్ బ్యాంకులలో ఒకటైన హెచ్‌డీఎఫ్‌సీ బ్యాంక్ తన MCLR (మార్జినల్ కాస్ట్ ఆఫ్ ఫండ్స్-బేస్డ్ లెండింగ్ రేట్)ను తగ్గించింది. ఈ బెంచ్‌మార్క్‌తో అనుసంధానించిన రుణాలు ఉన్న కస్టమర్లపై ఇది ప్రత్యక్ష ప్రభావాన్ని చూపుతుంది. కొత్త రేట్లు నవంబర్ 7, 2025 నుండి అమలులోకి వస్తాయి. అలాగే బ్యాంక్ కొన్ని కాలపరిమితులకు రేటును 10 బేసిస్ పాయింట్లు (bps) వరకు తగ్గించింది.

ఇది కూడా చదవండి: School Holidays: విద్యార్థులకు గుడ్‌న్యూస్‌.. 10, 11న పాఠశాలలకు సెలవు!

ఏ రుణ కాలపరిమితిపై వడ్డీ తగ్గుతుంది?

హెచ్‌డీఎఫ్‌సీ బ్యాంక్ వివిధ కాలపరిమితి గల రుణాలకు MCLR రేట్లను స్వల్పంగా తగ్గించింది. బ్యాంక్ ఎంసీఎల్‌ఆర్‌ రేట్లు ఇప్పుడు 8.35% నుండి 8.60% వరకు ఉన్నాయి. గతంలో ఈ రేట్లు 8.45%, 8.65% మధ్య ఉండేవి.

కొత్త వడ్డీ రేట్లు:

•  ఓవర్‌నైట్ MCLR: 8.45% నుండి 8.35%కి తగ్గింది
• 1-నెల MCLR: 8.40% నుండి 8.35%కి తగ్గింది
• 3-నెల MCLR: 8.45% నుండి 8.40%కి తగ్గింది
• 6-నెల MCLR: 8.55% నుండి 8.45%కి తగ్గింది
• 1-సంవత్సరం MCLR: 8.55% నుండి 8.50%కి తగ్గింది
• 2-సంవత్సరాల MCLR: 8.60% నుండి 8.55%కి తగ్గింది
• 3-సంవత్సరాల MCLR: 8.65% నుండి 8.60%కి తగ్గింది

MCLR అంటే ఏమిటి?

MCLR (మార్జినల్ కాస్ట్ ఆఫ్ ఫండ్స్-బేస్డ్ లెండింగ్ రేట్). ఒక బ్యాంక్ కస్టమర్‌కు రుణం ఇవ్వగల కనీస వడ్డీ రేటు. సరళంగా చెప్పాలంటే రుణంపై వసూలు చేసే వడ్డీ రేటును నిర్ణయించేది బ్యాంక్ ‘బేస్ రేటు’. మరింత పారదర్శకంగా, మార్కెట్-లింక్డ్ లోన్ వడ్డీ రేట్లను నిర్ధారించడానికి ఆర్బీఐ (RBI) 2016లో ఈ వ్యవస్థను ప్రవేశపెట్టింది. ఆర్బీఐ రెపో రేటు పెరిగినా లేదా తగ్గినా, ఎంసీఎల్‌ఆర్‌ కూడా మారుస్తుంది. ఇది మీ EMIని నేరుగా ప్రభావితం చేస్తుంది.

ఇది కూడా చదవండి: Petrol Pump: పెట్రోల్ పంపు యజమాని ఎంత సంపాదిస్తాడు? లీటరుకు ఎంత కమీషన్‌? నెలవారీ ఆదాయం!

గృహ రుణం తీసుకున్న వారికి ఎలాంటి ప్రయోజనం ఉంటుంది?

హెచ్‌డీఎఫ్‌సీ బ్యాంక్ గృహ రుణ రేట్లు ప్రస్తుతం రెపో రేటుకు అనుసంధానించబడి ఉన్నాయి. కానీ చాలా పాత రుణాలు ఇప్పటికీ ఎంసీఎల్‌ఆర్‌కి అనుసంధానించి ఉన్నాయి. ఈ తగ్గింపు వల్ల ఈ కస్టమర్లు వెంటనే ప్రయోజనం పొందుతారు. హెచ్‌డీఎఫ్‌సీ బ్యాంక్ వెబ్‌సైట్ ప్రకారం, గృహ రుణ వడ్డీ రేట్లు ప్రస్తుతం 7.90% నుండి 13.20% వరకు ఉంటాయి. ఇది కస్టమర్ క్రెడిట్ ప్రొఫైల్, రుణ రకాన్ని బట్టి ఉంటుంది. దీని అర్థం మీరు హెచ్‌డీఎఫ్‌సీ బ్యాంక్ నుండి గృహ రుణం కలిగి ఉంటే కొత్త రేట్ల ఆధారంగా మీ EMIని కొన్ని వందల నుండి కొన్ని వేల రూపాయల వరకు తగ్గించవచ్చు.

ఇది కూడా చదవండి: Jio Plans: జియోలో కేవలం రూ.150లోపే అద్భుతమైన ప్లాన్స్‌.. 28 రోజుల వ్యాలిడిటీ!

ఈ ఉపశమనం ఎందుకు?

హెచ్‌డిఎఫ్‌సి బ్యాంక్ ఈ చర్యకు స్థిరమైన రెపో రేట్లు,పెరిగిన లిక్విడిటీ కారణమని బ్యాంకింగ్ నిపుణులు భావిస్తున్నారు. మార్కెట్లో రుణాలు చౌకగా మారుతున్నాయి. రిటైల్ కస్టమర్లను ఆకర్షించడానికి బ్యాంకుల మధ్య పోటీ పెరిగింది. అందువల్ల క్రెడిట్ మార్కెట్ వృద్ధిని వేగవంతం చేయడానికి, గృహ రుణాలకు డిమాండ్‌ను కొనసాగించడానికి బ్యాంకులు ఇప్పుడు కొత్త కస్టమర్లకు తక్కువ వడ్డీ రేట్లకు రుణాలను అందిస్తున్నాయి.

ఇది కూడా చదవండి: Fact Check: టాటా నుంచి బైక్‌లు.. ధర కేవలం రూ.55,999లకే.. మైలేజీ 100కి.మీ.. నిజమేనా?

మరిన్ని బిజినెస్ వార్తల కోసం ఇక్కడ క్లిక్ చేయండి