పన్ను చెల్లింపుదారులకు శుభవార్త..ఐటీ రిటర్నులకు గడువు పెంపు

కేంద్ర ప్రభుత్వం మరో కీలక నిర్ణయం తీసుకుంది. పన్ను చెల్లింపుదారులకు మోదీ ప్రభుత్వం తీపికబురు అందించింది. 2018-19 ఆర్థిక సంవత్సరానికి సంబంధించిన ఆదాయ పన్ను రిటర్నుల దాఖలు గడువును ప్రభుత్వం మరోసారి పొడిగించింది. 2018–19, 2019–20 ఫైనాన్షియల్​ ఇయర్స్ కు సంబంధించి డెడ్​లైన్​ ను జులై 31 వరకు పెంచింది. ఈ మేరకు సెంట్రల్​ బోర్డ్​ ఆఫ్​ డైరెక్ట్​ టాక్సెస్ (సీబీడీటీ) బుధవారం ప్రెస్​నోట్​ రిలీజ్ ​చేసింది. దీంతో పన్ను చెల్లింపుదారులకు ఊరట కలగనుంది.

2018–19 ఏడాదికి గాను రివైజ్డ్​ రిటర్న్స్ ఫైల్​ చేయడానికి డెడ్​లైన్ ఈ నెలాఖరుతో ముగియనుండగా.. దాన్ని జులై 31 కి పెంచిన కేంద్రం మరోవైపు, పాన్ కార్డు, ఆధార్ కార్డులను లింకు చేసుకునే గడువును కేంద్రం మరోసారి పొడిగించింది. ఇది వరకు ప్రకటించిన డెడ్‌లైన్ ఈ నెలాఖరుతో ముగియనుండగా, కరోనా, లాక్‌డౌన్ నేపథ్యంలో గడువును వచ్చే ఏడాది మార్చి వరకు పెంచుతూ నిర్ణయం తీసుకుంది. 2021 మార్చి 31లో ఈ రెండు కార్డులను లింక్ చేసుకోవాలని, లేకపోత రూ. 10వేల జరిమానా పడుతుందని ప్రభుత్వం తెలిపింది.