Amazon jobs: 2025 నాటికి 20 లక్షల ఉద్యోగాలు కల్పిస్తామంటున్న అమెజాన్.. వాటిపైనే ఫోకస్..
Amazon jobs: దేశంలో ఇప్పటివరకు 11.6 లక్షల ఉద్యోగ అవకాశాలను కల్పించామని ప్రముఖ ఈ-కామర్స్ సంస్థ అమెజాన్ ఇండియా వెల్లడించింది. ఎగుమతుల విలువను 5 బిలియన్ డాలర్లకు పెంచడం సహా 40 లక్షలకుపైగా ఎమ్ఎస్ఎంఈలను డిజిటలైజ్ చేశామని పేర్కొంది.
Amazon jobs: దేశంలో ఇప్పటివరకు 11.6 లక్షల ఉద్యోగ అవకాశాలను కల్పించామని ప్రముఖ ఈ-కామర్స్ సంస్థ అమెజాన్ ఇండియా వెల్లడించింది. ఎగుమతుల విలువను 5 బిలియన్ డాలర్లకు పెంచడం సహా 40 లక్షలకుపైగా ఎమ్ఎస్ఎంఈలను డిజిటలైజ్ చేశామని పేర్కొంది. అమెజాన్ సంభవ్ పేరుతో 2020 జనవరిలో జరిగిన వార్షికోత్సవంలో.. ‘2025 నాటికి దేశంలో 20 లక్షల ఉద్యోగాలను కల్పిస్తాము. అంతేకాదు ఎగుమతులను 10 బిలియన్ డాలర్లకు, కోటికిపైగా ఎమ్ఎస్ఎంఈలను డిజిటలైజ్ చేస్తామని అమెజాన్ వాగ్దానం చేసింది.
ఈ క్రమంలో ఆ ప్రకటనకు సంబంధించి ఇప్పటివరకు తాము చేపట్టిన చర్యలపై అమెజాన్ ఆదివారం వివరాలను వెల్లడించింది. అమెజాన్ పేర్కొంటున్న 11.6 లక్షల ఉద్యోగాల్లో కొన్ని నేరుగా సంస్థలో పనిచేసేవి కాగా మరికొన్ని దానికి అనుబంధంగా ఉండే రంగాలకు చెందినవి. డెలివరీ, లాజిస్టిక్స్, రవాణా, ప్యాకేజింగ్ మొదలైనవి ఈ కోవకు చెందినవే. గతేడాది జరిగిన వార్షికోత్సవంలో అమెజాన్ సంభవ్ వెంచర్ పేరుతో వెంచర్ క్యాపిటల్ను కూడా ప్రారంభించింది. సాంకేతిక అభివృద్ధిపై దృష్టి సారించే స్టార్టప్స్లో పెట్టుబడులు పెడతామని పేర్కొంది. ఇప్పటికే మైగ్లామ్, ఎం1ఎక్స్ఛేంజ్, స్మాల్ కేస్ మొదలైన సంస్థల్లో పెట్టుబడి పెట్టింది. దేశవ్యాప్తంగా ఉన్న ఎంఎస్ఎంఈలతో కలిసి పనిచేస్తున్నాము. కాబట్టి భారత్లో వ్యాపార రంగం వృద్ధి చెందడంలో కీలక పాత్ర పోషించే టెక్నాలజీ, టూల్స్ వంటివి అందుబాటులోకి తెచ్చేందుకు కట్టుబడి ఉన్నామని అమెజాన్ ప్రతినిధి పేర్కొన్నారు. కేవలం గతేడాదిలో అమెజాన్.. ఐటీ, ఈ-కామర్స్, లాజిస్టిక్స్, తయారీ, కంటెంట్ క్రియేషన్, స్కిల్ డెవలప్మెంట్ వంటి రంగాల్లో 1,35,000 లక్షల ఉద్యోగాలను సృష్టించింది.
ఇవీ చదవండి..