Single Premium: ఇన్సూరెన్స్‌లో సింగిల్ ప్రీమియం పాలసీ ఎవరికి ఉపయోగం?

Single Premium Life Insurance

మీరట్‌కు చెందిన 40 ఏళ్ల మహావీర్ చెరకు అమ్మకం ద్వారా ఏకంగా రూ.20 లక్షలు అందుకున్నాడు. ఈ మొత్తంతో సింగిల్ ప్రీమియం పాలసీని కొనుగోలు చేయమని బీమా ఏజెంట్ అతనికి సలహా ఇచ్చాడు. ఇటువంటి పెట్టుబడి వల్ల అనేక ప్రయోజనాలను ఉన్నాయని చెప్పాడు. కానీ మహావీర్‌కు ఈ పాలసీ గురించి ఏమీ తెలియదు. సింగిల్ ప్రీమియం జీవిత బీమా పాలసీ ఎలా పని చేస్తుంది? ఈ పాలసీని ఎవరు కొనుగోలు చేయాలి? ఇటువంటి పాలసీల ప్రయోజనాలు, లోపాలు ఏమిటి ?

చాలా కాలంగా, దేశ ప్రైవేట్ రంగం ఎక్కువకాలం పాటు స్థిరంగా ఉండే ఉద్యోగాల విషయంలో తగ్గుదలని చూస్తోంది. అలాగే, మీరు స్వంత వ్యాపారాన్ని చేస్తున్నా.. అందులో రెగ్యులర్ ఆదాయానికి ఎటువంటి హామీ లేదు. వాస్తవానికి అటువంటి వ్యాపారాన్ని చేసే వ్యక్తులు అనిశ్చితితోనే ఉంటారు. వారి దగ్గర క్రమం తప్పకుండా ప్రీమియం చెల్లించడానికి అవసరమైన నిధులు ఉన్నాయో లేవో చెప్పలేం. అలాంటి వ్యక్తులు సింగిల్ ప్రీమియం పాలసీలను కొనుగోలు చేయడానికి ఇష్టపడతారు. అందుకే బీమా పరిశ్రమ సింగిల్ ప్రీమియం బీమా పాలసీల డిమాండ్‌లో స్థిరమైన వృద్ధిని చూస్తోంది. అందుకే జీవిత బీమా కంపెనీలు ఈ పాలసీల గురించి దూకుడుగా ప్రచారం చేస్తున్నాయి.

ఫైనాన్సియల్‌ ఇయర్‌ 2023-24కి సంబంధించి.. బీమా నియంత్రణ సంస్థ IRDA డేటా ప్రకారం.. జీవిత బీమా కంపెనీలు 2023 ఏప్రిల్, సెప్టెంబర్ మధ్య రూ. 1.58 లక్షల కోట్లను ప్రీమియమ్‌గా పొందాయి. వీటిలో సింగిల్ ప్రీమియం పాలసీల వాటా రూ.1.09 లక్షల కోట్లుగా ఉంది. ఈ విధంగా, మొత్తం జీవిత బీమా వ్యాపారంలో సింగిల్ ప్రీమియం పాలసీల వాటా 70%. ఇందులో లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) ముందుంది.

దేశంలోని అతిపెద్ద జీవిత బీమా కంపెనీ 2023లో మొదటి 6 నెలల్లో రూ. 92,642 కోట్లను ప్రీమియంగా సేకరించింది. వీటిలో సింగిల్ ప్రీమియం పాలసీల వాటా 82% లేదా రూ.75,858 కోట్ల మొత్తానికి సమానం. జీవిత బీమా విషయానికి వస్తే, సాధారణ పాలసీల మాదిరిగానే సింగిల్ ప్రీమియం ప్లాన్‌లు కూడా పని చేస్తాయి. అయితే ఒకే తేడా ఏమిటంటే, మీరు రెగ్యులర్ వ్యవధిలో ప్రీమియంలు చెల్లించాల్సిన అవసరం లేదు. 10-20 సంవత్సరాల కాల వ్యవధి కలిగిన పాలసీ కోసం, మీరు ఒకేసారి ఈ చెల్లింపు చేయడం ద్వారా వార్షిక, అర్ధ-వార్షిక లేదా త్రైమాసిక ప్రీమియం చెల్లింపుల సమస్య నుంచి బయటపడవచ్చు. అందువల్ల, మీరు ఈ పాలసీ మెరుగైనదని అనుకోవచ్చు. అయితే అందరికీ ఇది ఉపయోగపడుతుంది అని చెప్పలేం. సాధారణంగా, బీమా ఏజెంట్లు సింగిల్ ప్రీమియం పాలసీని స్పెషల్ ప్రోడక్ట్ గా చెబుతారు. కానీ, ఇది ఏ విధంగానూ ప్రత్యేక బీమా పాలసీ కాదు. ఇది కేవలం ఒకేసారి ప్రీమియంల మొత్తం చెల్లించడానికి ఉపయోగపడుతుంది. సింగిల్ ప్రీమియం పాలసీ.. పాలసీదారుని నుంచి ఒకేసారి మొత్తాన్ని ప్రీమియంగా తీసుకుని.. దీర్ఘకాలిక బీమా కవరేజీని అందిస్తుంది.

సింగిల్ ప్రీమియం పాలసీ కింద ఏకమొత్తంగా చెల్లించిన ప్రీమియం, క్రమంగా చెల్లించే ప్రీమియంల మొత్తంతో పోలిస్తే తక్కువగానే ఉంటుంది. సింగిల్ ప్రీమియం పాలసీ వల్ల కలిగే ఒక ప్రయోజనం ఏమిటంటే, దాని ప్రీమియం చెల్లింపు సమయంతో పాటు పెరగదని ట్యాక్స్ అండ్ ఇన్వెస్ట్ మెంట్ నిపుణుడు బల్వంత్ జైన్ అంటున్నారు. జీతం మీద ఆధారపడే వ్యక్తులు.. ఒకేసారి ఇంత మొత్తాన్ని సేకరించడం వారికి సవాలుగా ఉంటుందన్నారు. వారికి సాధారణ, కాలానుగుణ ప్రీమియం చెల్లింపులు ఉత్తమ మార్గమన్నారు.

ఒకేసారి పెద్ద మొత్తాన్ని పెట్టగల సామర్థ్యమున్న వ్యక్తులు ఈ సింగిల్ ప్రీమియం పాలసీలు ఉపయోగకరంగా ఉంటాయి. సాధారణంగా, అటువంటి పాలసీలను.. ఒకేసారి పెద్ద మొత్తంలో డబ్బును పొందే వ్యక్తులు కొనుగోలు చేస్తారు. బీమా ఏజెంట్లు సాధారణంగా సింగిల్ ప్రీమియం పాలసీలను.. ఇన్వెస్ట్ మెంట్ ఆప్షన్ గా చెబుతారని బల్వంత్ జైన్ అన్నారు. అయితే ఇది బలమైన పెట్టుబడి మార్గం కాదు. మీరు దీర్ఘకాలికంగా పెట్టుబడి పెట్టాలనుకుంటే, మ్యూచువల్ ఫండ్స్ మంచి ఆప్షన్ అని చెప్పవచ్చు. ఇందులో, మీరు ఈక్విటీ లేదా హైబ్రిడ్ మ్యూచువల్ ఫండ్‌లను ఎంచుకోవచ్చు. పన్నుల విషయానికి వస్తే, సింగిల్ ప్రీమియం జీవిత బీమా పాలసీలు సబ్-ఆప్టిమల్ ప్రోడక్ట్ గా ప్రూవ్ చేసుకోవాలి.

IT చట్టంలోని సెక్షన్ 80C కింద, జీవిత బీమా ప్రీమియంలలో రూ. 1.5 లక్షల వరకు పెట్టుబడికి పన్ను మినహాయింపు ఉంది. IT చట్టంలోని సెక్షన్ 10D కింద, మెచ్యూరిటీపై వచ్చే మొత్తంపైనా పన్ను ఉండదు. అయితే, దీనిపై చాలా జాగ్రత్తగా ఓ కన్నేసి ఉంచాలి. ఎందుకంటే ఈ మినహాయింపు అనేక షరతులతో పాటు వస్తుంది.

చెల్లించిన మొత్తం ప్రీమియం.. బీమా కవరేజీలో 10%కు మించనప్పుడు.. మీరు జీవిత బీమాపై మినహాయింపులను పొందుతారు. ఇది సింగిల్ ప్రీమియం పాలసీకి కూడా వర్తిస్తుంది. ఇది మాత్రమే కాదు, ఒక ఆర్థిక సంవత్సరంలో మీ జీవిత బీమా పాలసీ ప్రీమియం రూ.5 లక్షలు దాటితే, మీరు ఈ ప్రయోజనాన్ని పొందలేరు. అందుకే మహావీర్ లాగా, మీరు కూడా సింగిల్ ప్రీమియం ప్లాన్‌ను కొనుగోలు చేయాలని ఆలోచిస్తున్నట్లయితే, మళ్లీ ఒకసారి ఆలోచించండి. పెట్టుబడి కోణంలో చూస్తే.. జీవిత బీమా పాలసీలు మంచి ఆప్షన్ కాదు. ఇన్సూరెన్స్, ఇన్వెస్ట్‌మెంట్‌లను విడిగా ఉంచడమే ఎప్పటికీ మంచిది.

మీరు టర్మ్ ప్లాన్ కొనుగోలు చేసి మీ బీమా అవసరాలను తీర్చుకోవచ్చు. పెట్టుబడులకు, మ్యూచువల్ ఫండ్స్ మంచి ఆప్షన్ అని చెప్పచ్చు. మ్యూచువల్ ఫండ్స్ గురించి మీకు పెద్దగా తెలియకపోతే, మీరు ఫైనాన్షియల్ ప్లానర్‌ని సంప్రదించండి.

మరిన్ని బిజినెస్ వార్తల కోసం ఇక్కడ క్లిక్ చేయండి