మయసభను తలపించబోతున్న యాపిల్‌ స్టోర్‌!
కొత్త వర్షన్‌ ఐఫోన్‌ వస్తుందంటే చాలు షాపుల ముందు జనం క్యూ కడతారు.. ఆ కంపెనీ ఫోన్‌లే కాదు.. ఆ కంపెనీ స్టోర్‌లు కూడా ఆకట్టుకునేట్టు ఉంటాయి.. ఇప్పుడు సింగపూర్‌లోని మరీనా బే శాండ్స్‌ రిసార్ట్‌ దగ్గర కట్టబోయే కొత్త స్టోర్‌ కూడా వింతగా.. విచిత్రంగా ఉండబోతున్నది.
యాపిల్‌ ఏం చేసినా వెరైటీగా ఉంటుంది.. అందుకే ఆ కంపెనీ తయారు చేసే స్మార్ట్‌ఫోన్‌లకు అంత క్రేజు.. అంత మోజు! ఆ కంపెనీ నుంచి కొత్త వర్షన్‌ ఐఫోన్‌ వస్తుందంటే చాలు షాపుల ముందు జనం క్యూ కడతారు.. ఆ కంపెనీ ఫోన్‌లే కాదు.. ఆ కంపెనీ స్టోర్‌లు కూడా ఆకట్టుకునేట్టు ఉంటాయి.. ఇప్పుడు సింగపూర్‌లోని మరీనా బే శాండ్స్‌ రిసార్ట్‌ దగ్గర కట్టబోయే కొత్త స్టోర్‌ కూడా వింతగా.. విచిత్రంగా ఉండబోతున్నది.. చూసేందుకు గ్లోబ్‌ ఆకారంలో ఉండే ఈ స్టోరు మొత్తం నీటిలో తేలుతూ ఉంటుంది.. ప్రపంచంలో నీటిపై తేలియాడే యాపిల్‌ రిటైల్ స్టోరీ ఇదే! పూర్తిగా క్రిస్టల్‌తో నిర్మిస్తున్న ఈ స్టోర్‌ ఎప్పుడు రెడీ అవుతుందా అని జనం ఎదురుచూస్తున్నారు.. డే టైమ్‌లో స్పెస్‌ షిప్‌లా కనిపించే ఈ స్టోర్‌ రాత్రి సమయంలో అందమైన భవంతిలా ఉంటుందట! అన్నట్టు ఇంతకు ముందు ఈ ప్లేస్‌లో ఓ లగ్జరీ హోటల్‌, నైట్‌ క్లబ్‌ ఉండేవి.. వాటిని తొలగించి ఈ స్టోర్‌ నిర్మిస్తున్నారు.. ఇంకో న్యూసేమిటంటే ఇండియాలో కూడా యాపిల్‌ సంస్థ త్వరలో ఆన్‌లైన్‌ స్టోర్‌ను లాంచ్‌ చేయబోతున్నది..
We’re excited to share that Apple Marina Bay Sands will open soon! Stay tuned for updates: https://t.co/RPrRlBIMV4#applemarinabaysands #marinabaysands #theshoppesmbs pic.twitter.com/aNbXBu9VMg
— Marina Bay Sands (@marinabaysands) August 24, 2020
