టెక్నాలజీ వినియోగంలో ఏపీ పోలీస్ శాఖకు అవార్డుల పంట.. ఏకంగా

AP Police Department: టెక్నాలజీ వినియోగంలో ఏపీ పోలీస్ శాఖకు అవార్డుల పంట పండింది. సాంకేతిక పరిజ్ఞాన వినియోగంలో జాతీయ స్థాయిలో పోలీస్ శాఖకు పది అవార్డులు వచ్చాయి. ఈ ఏడాది పలు విభాగాల్లో పోలీస్ శాఖకు ఇప్పటికే 26 అవార్డులు రాగా.. తాజాగా మరో పది అవార్డులను సొంతం చేసుకుంది. టెక్నికల్ విభాగంలో 7 అవార్డులు, అనంతపురం జిల్లాకు 2, సీఐడీ 4S 4U విభాగానికి 1 అవార్డు లభించింది. ఏడాది వ్యవధిలో రికార్డు స్థాయిలో 36 అవార్డులను దక్కించుకొన్న ఏకైక ప్రభుత్వ విభాగం పోలీస్ శాఖనే కావడం విశేషం.

ఇక ఈ అవార్డులను వెబినార్ ద్వారా ఏపీ డీజీపీ గౌతమ్ సవాంగ్ అందుకున్నారు. ఈ సందర్భంగా ఆయన మాట్లాడుతూ.. సీఎం జగన్ మోహన్ రెడ్డి పోలీస్ శాఖకు ఇస్తోన్న ప్రాముఖ్యతతోనే సత్ఫలితాలను సాధిస్తున్నామని అన్నారు. ఈ కార్యక్రమంలో పాల్గొన్న అడిషనల్ డీజీ హరీష్ కుమార్ గుప్త, ఐ.జి పర్సనల్ మహేష్ చంద్ర లడ్డా, ఐ. జి. పి అండ్ ఎల్ నాగేంద్ర కుమార్, టెక్నికల్ డి.ఐ.జీ పాలరాజు, డి.ఐ.జీ రాజశేఖర్ బాబు తదితరులు పాల్గొన్నారు.

Read More:

అలా చేశారో కఠిన చర్యలు తప్పవు.. ఆసుపత్రులకు జగన్‌ హెచ్చరిక

సినిమా పాటలకు వచ్చే ఆదరణ మంచి వీడియోలకు రావు: ఏపీ సీఐడీ ఏడీజీ