SP Siddharth Kaushal: కృష్ణా జిల్లా ఎస్పీ సిద్ధార్థ్ కౌశల్ బుల్లెట్ రైడ్.. సిబ్బందికి కీలక సూచనలు
సిద్ధార్థ్ కౌశల్.. ఏపీ పోలీసుల్లో ఈ పేరు తెలియని వారుండరు. ఆయన పనితీరు అలా ఉంటుంది మరి. సిద్ధార్థ్ కౌశల్ కృష్ణా జిల్లా ఎస్పీగా ఛార్జ్...
సిద్ధార్థ్ కౌశల్.. ఏపీ పోలీసుల్లో ఈ పేరు తెలియని వారుండరు. ఆయన పనితీరు అలా ఉంటుంది మరి. సిద్ధార్థ్ కౌశల్ కృష్ణా జిల్లా ఎస్పీగా ఛార్జ్ తీసుకొని 4 రోజులు గడవక ముందే, ఆయన బుల్లెట్పై రైడ్ చేసి ప్రజల సమస్యలు తెలుకున్నారు. మచీలీపట్నంలో బైక్ ర్యాలీ నిర్వహించి, పట్టణంలో నెలకొన్న ట్రాఫిక్ సమస్యల గురించి తెలుసుకున్నారు. ఎక్కువ ప్రమాదాలు జరిగే ప్రాంతాలను గుర్తించి, నివారణ చర్యలు చేపట్టాలని ఆదేశించారు. ఆర్పేట ఠాణాను తనిఖీ చేసి, సిబ్బంది పనితీరుపై సంతృప్తి వ్యక్తం చేశారు. ప్రజా సమస్యలు సచివాలయ స్థాయిలో మహిళా పోలీసు వద్దే పరిష్కారం అయితే, ప్రభుత లక్ష్యం నెరవేరినట్టేనని కామెంట్ చేశారు ఎస్పీ సిద్ధార్థ్ కౌశల్. ఫ్రెండ్లీ పోలీసింగ్తో ప్రజా సమస్యలు పరిష్కరించాలని సిబ్బందిని ఆదేశించారు. తమపై జరుగుతున్న దాడుల గురించి మహిళలు నిర్భయంగా ముందుకొచ్చి చెప్పుకునేందుకు వీలుగా.. దిశ, స్పందన పోలీసు విభాగాలు ఏర్పాటు చేసినట్టు ఎస్పీ వివరించారు.
సమస్యల పరిష్కారానికి మహిళల కోసం ఏర్పాటు చేసిన ప్రత్యేక విభాగాల్లో సంప్రదించాలని సూచించారు. పోలీస్స్టేషన్లకు వచ్చే వారితో మర్యాదగా మాట్లాడి వారి సమస్యలు తెలుసుకోవాలని, ఈ విషయంలో ఎలాంటి ఫిర్యాదు వచ్చినా చర్యలు తప్పవని సిబ్బందిని హెచ్చరించారు.
Also Read:వాగులో వెలసిన గంగమ్మ ! నట్టనడి ప్రవాహంలో అద్భుత దృశ్యం