Cyclone Alert: ఏపీకి పొంచిఉన్న తుఫాన్ గండం.. అప్రమత్తమైన అధికారులు.. జాలర్లు వేటకు వెళ్లొద్దని హెచ్చరిక
అయితే గతంలో నవంబర్ లో వచ్చిన తుఫాన్ ప్రభావాన్ని దృష్టిలో పెట్టుకుని.. సిత్రాంగ్ హెచ్చరికల నేపథ్యంలో ఏపీ ప్రభుత్వం, అధికారులు ముందస్తు చర్యలు చేపట్టారు. తుఫాన్ ప్రభావం పడనున్న దాదాపు 105 మండలాల్లోని ప్రజలు
ఓ వైపు దీపావళి పండగ సంబరాల కోసం దేశ వ్యాప్తంగా ప్రజలు రెడీ అవుతుంటే.. ఏపీలోని సముద్ర తీర ప్రాంత ప్రజలు మాత్రం తుఫాన్ గండం ఈ ఏడాది అయినా లేకుండా చూడు దేవుడా అని కోరుకుంటారు. గత కొన్నేళ్లుగా నవంబర్ నెలలో లేదా దీపావళికి తుఫాన్ ప్రభావం చవిచూస్తున్నారు.. ఏపీలోని సముద్ర తీర ప్రాంత ప్రజలు. అయితే తాజాగా ఏపీ ప్రజలకు భారత వాతావరణ సంస్థ హెచ్చరిక జారీ చేసింది. తాజాగా బంగాళాఖాతంలో ఏర్పడిన అల్పపీడనం సోమవారం నాటికి తుపానుగా మారే అవకాశం ఉన్నట్టు ఐఎండీ వెల్లడించింది. ఈ తుఫాన్ కు సిత్రాంగ్ తుపాను గా నామకరణం చేశారు. సిత్రాంగ్ తుపాను ఈశాన్య దిశగా పయనిస్తూ, ఒడిశా తీరాన్ని దాటి, పశ్చిమ బెంగాల్, బంగ్లాదేశ్ తీరాలను సమీపిస్తుందని వివరించింది. అయితే ఈ అల్పపీడన ప్రభావం ఆంధ్రప్రదేశ్ లోని కొన్ని ప్రాంతాలపైనే చూపనున్నదని.. అది కూడా స్వల్ప ప్రభావం ఉండనున్నదని పేర్కొంది.
అయితే గతంలో నవంబర్ లో వచ్చిన తుఫాన్ ప్రభావాన్ని దృష్టిలో పెట్టుకుని.. సిత్రాంగ్ హెచ్చరికల నేపథ్యంలో ఏపీ ప్రభుత్వం, అధికారులు ముందస్తు చర్యలు చేపట్టారు. తుఫాన్ ప్రభావం పడనున్న దాదాపు 105 మండలాల్లోని ప్రజలు అప్రమత్తంగా ఉండాలని హెచ్చరికలు జారీ చేశారు.. అంతేకాదు ఇప్పటికే ఆయా మండలాల్లోని అధికార యంత్రాంగం అప్రమత్తమైంది.. అన్ని రకాలుగా తుఫాన్ ను ఎదుర్కోవడానికి తాము సంసిద్ధంగా ఉన్నామని ఏపీ విపత్తుల నిర్వహణ సంస్థ ఎండీ అంబేద్కర్ తెలిపారు.
అంతేకాదు.. బంగాళాఖాతంలో తుఫాన్ ఏర్పడనున్న నేపథ్యంలో మత్య్సకారులు సముద్రంలో వేటకు రానున్న బుధవారం (అక్టోబర్ 26వ తేదీ వరకూ వెళ్లవద్దంటూ హెచ్చరికలు జారీ చేసినట్లు చెప్పారు.
అత్యవసర సహాయార్ధం ఇప్పటికే కంట్రోల్ రూమ్ ఏర్పాటు ఏర్పాటు చేసినట్లు చెప్పారు. ఎవరికైనా తుఫాన్ గురించి సమాచారం.. కావాలంటే.. 1070, 1800 4250101, 0863 2377118 నెంబర్లకు ఫోన్ చేయాల్సిందిగా సూచించారు. ఈ హెల్ప్ లైన్ 24 గంటలు పనిచేస్తుందని తెలిపారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
