AP EAPCET 2026 కౌన్సెలింగ్ షెడ్యూల్ విడుదల.. వెబ్ ఆప్షన్లు ఎప్పటి నుంచి? సీట్ల కేటాయింపు ఎప్పుడంటే?

Ap Eapcet Counselling 2026

ఇంజినీరింగ్, వ్యవసాయం, ఫార్మసీ కోర్సుల్లో ప్రవేశాల కోసం నిర్వహించే ఏపీ ఈఏపీ-సెట్ (AP EAPCET) 2026 కౌన్సెలింగ్ ప్రక్రియలో భాగంగా ఉన్నత విద్యామండలి కీలక షెడ్యూల్‌ను విడుదల చేసింది. అభ్యర్థులు ఆన్‌లైన్‌లో వెబ్ ఆప్షన్లు నమోదు చేసుకునేందుకు జూలై 20 నుంచి 29 వరకు అవకాశం కల్పించింది. ఈ గడువులో తమకు నచ్చిన కళాశాలలు, కోర్సులను ప్రాధాన్యత క్రమంలో ఎంపిక చేసుకోవాలని అధికారులు సూచించారు.

ఈ షెడ్యూల్‌ను తప్పకుండా తెలుసుకోండి

• జూలై 22 నుంచి 31 వరకు విద్యార్థులు అప్‌లోడ్ చేసిన సర్టిఫికెట్ల వెరిఫికేషన్ నిర్వహించనున్నారు.
• జూలై 25 నుంచి 31 వరకు వెబ్ ఆప్షన్ల నమోదు ప్రక్రియ కొనసాగుతుంది.
• ఆగస్టు 1 నుంచి నమోదు చేసిన వెబ్ ఆప్షన్లలో మార్పులు, చేర్పులు చేసుకునేందుకు అవకాశం ఉంటుంది.
• ఆగస్టు 6న తొలి విడత సీట్ల కేటాయింపు (Seat Allotment) ఫలితాలు విడుదల చేయనున్నారు.
• సీటు పొందిన అభ్యర్థులు ఆగస్టు 7 నుంచి 13 వరకు కేటాయించిన కళాశాలలో స్వయంగా లేదా ఆన్‌లైన్ ద్వారా రిపోర్టింగ్ పూర్తి చేయాలి.
• అనంతరంఆగస్టు 10 నుంచి రాష్ట్రంలోని ఇంజినీరింగ్, అగ్రికల్చర్, ఫార్మసీ కళాశాలల్లో మొదటి సంవత్సరం తరగతులు ప్రారంభం కానున్నాయి.

అభ్యర్థులకు సూచనలు

• వెబ్ ఆప్షన్లు నమోదు చేసే ముందు కళాశాలల వివరాలు, గత ఏడాది కట్‌ఆఫ్‌లు, బ్రాంచ్‌ల లభ్యత వంటి అంశాలను పరిశీలించడం మంచిది.
• సర్టిఫికెట్ వెరిఫికేషన్‌కు అవసరమైన అన్ని ఒరిజినల్ డాక్యుమెంట్లతో పాటు ఫోటోకాపీలను సిద్ధంగా ఉంచుకోవాలి.
• వెబ్ ఆప్షన్లు నమోదు చేసిన తర్వాత వాటిని తప్పనిసరిగా సేవ్ చేసి ప్రింట్ తీసుకోవాలి.
• సీట్ల కేటాయింపు అనంతరం నిర్ణీత గడువులో కళాశాలకు రిపోర్ట్ చేయకపోతే కేటాయించిన సీటు రద్దయ్యే అవకాశం ఉంటుంది. ఈ షెడ్యూల్‌ను దృష్టిలో ఉంచుకుని అభ్యర్థులు ప్రతి దశను నిర్ణీత తేదీల్లో పూర్తి చేస్తే ప్రవేశ ప్రక్రియ సాఫీగా పూర్తవుతుంది.