CM Jagan Birthday: ఈరోజు సీఎం జగన్ పుట్టినరోజు.. రాష్ట్ర వ్యాప్తంగా మొక్కలు నాటే కార్యక్రమం చేపట్టిన పార్టీ శ్రేణులు..

Ap Cm Birthday

CM Jagan Birthday: ఈరోజు ఆంధ్రప్రదేశ్ ముఖ్యమంత్రి జగన్ మోహన్ రెడ్డి పుట్టినరోజు. తమ ప్రియతమ నేత సీఎం జగన్ పుట్టిన రోజు వేడుకలను వైసీపీ నేతలు, కార్యకర్తలు, అభిమానులు రాష్ట్ర వ్యాప్తంగా ఘనంగా నిర్వహిస్తున్నారు. ఇప్పటికే రాష్ట్రంలో అనేక ప్రాంతాల్లో రక్తదాన శిబిరాలను ఏర్పాటు చేశారు. అయితే ఈ ఏడాది జగన్ పుట్టిన రోజు వేడుకల్లో భాగంగా పర్యావరణ పరిరక్షణకు ప్రాధాన్యత ఇచ్చేలా అనేక కార్యక్రమాలను చేపట్టారు.

రాష్ట్రవ్యాప్తంగా పెద్ద ఎత్తున మొక్కలను నాటే కార్యక్రమం చేపట్టారు. ఈ నేపథ్యంలో వైసీపీ పార్టీ శ్రేణులు సీఎం జగన్ పుట్టిన రోజు వేడుక పార్టీ నేతలే కాదు ప్రజలందరికీ పర్వదినం వంటిదని చెప్పారు. అందుకనే జగన్ పుట్టిన రోజున రాష్ట్ర వ్యాప్తంగా పలు సేవాకార్యక్రమాలు చేపట్టినట్లు.. ప్రత్యేక కార్యక్రమాలతో పాటు.. ప్రజల్లో అవగాహన పెంచే విధంగా ఏదో ఒక కార్యక్రమానికి శ్రీకారం చుడుతున్నామని చెప్పారు. ఈరోజు వైసీపీ పార్టీ కేంద్ర కార్యాలయం వద్ద మొక్కలు నాటడం, రక్తదానం, పేదలకు దుస్తులు, దుప్పట్లు, నిత్యావసరాల పంపిణీ, అన్నదానం తదితర కార్యక్రమాలను చేపడుతున్నారు.

Also Read:  నేడు సీఎం జగన్ పుట్టిన రోజు.. ఆర్గానిక్ ఆర్ట్‌తో శుభాకాంక్షలు చెప్పిన ఎమ్మెల్యే చెవిరెడ్డి..