Krishna District: పేరుకే బ్యూటీషియన్.. ఆమె ఇంట్లోని ఫ్రిజ్‌లో కనిపించింది చూసి పోలీసులు షాక్

Ap Crime News

ఆమె బ్యూటీషియన్.. భర్తను వదిలేసి ప్రియుడితో డేటింగ్ చేస్తుంది. అయితే అనూహ్యంగా ఆమెను పోలీసులు అరెస్ట్ చేయడంతో.. స్థానికులంతా షాక్ అయ్యారు. అరెస్ట్ చేసింది డేటింగ్‌లో ఉన్నందుకు కాదండోయ్… అసలు వివరాలు తెలుసుకుందాం పదండి. కృష్ణాజిల్లా  గుడ్లవల్లేరు( gudlavalleru) సంత రోడ్డులో నివాసం ఉంటున్న బ్యూటీషియన్ హాలీ మున్నీసా బేగం ఇంట్లో పోలీసులు తనిఖీలు నిర్వహించారు. బ్యూటీషియన్​ ముసుగులో ఆమె గంజాయి వ్యాపారం చేస్తున్నట్టు పోలీసులకు ఉప్పు అందింది. దీంతో ఇరుగుపొరుగు వారిని ఎంక్వైరీ చేయగా అలాంటిది ఏం లేదనే సమాధానం వచ్చింది. అయినా కానీ డ్యూటీలో భాగంగా పోలీసులు తనిఖీలు చేసేందుకు ఆమె ఇంటికి వెళ్లారు. ఇళ్లంతా జల్లెడ పట్టినా ఏం దొరకలేదు. పాపం అనవసరంగా ఆవిడను అనుమానించాం.. అని అనుకుంటుండగా అసలు నిజం బయటపడింది. వంటింట్లోని ఫ్రిడ్జ్​ డోరు తీస్తే గానీ.. అస్సలు బాగోతం వెలుగుచూసింది. ఈ సోదాల్లో ఫ్రిడ్జ్​లో దాచిన 550 గ్రాముల గంజాయిని స్వాధీనం చేసుకుని, ఆమెను అదుపులోకి తీసుకున్నారు. దీంతో బ్యూటీషియన్ ముసుగులో మహిళ చేస్తున్న గంజాయి దందా గురించి తెలిసి చుట్టుపక్కల ఇళ్ల వారు కంగుతిన్నారు. భర్తతో విడిపోయిన బ్యూటీషియన్.. సాధిక్ అనే వ్యక్తితో సహజీవనం(Dating) చేస్తోంది. ఇటీవలే ఆమె ప్రియుడు సాధిక్ గంజాయి కేసులో పోలీసులకు అడ్డంగా దొరికిపోయాడు. సాధిక్​ను పోలీసులు విజయవాడ జైలుకు తరలించారు. ఎంక్వైరీలో అతడు కీలక విషయాలు వెల్లడించాడు. సాధిక్ తెలిపిన వివరాల ప్రకారం బ్యూటీషియన్ హాలిమున్నీసా బేగం ఇంట్లో తనిఖీలు చేయగా, ఫ్రిడ్జ్​లో దాచి ఉంచిన 550 గ్రాముల గంజాయి(Cannabis) దొరికింది. దీంతో పోలీసులు ఆమెను అరెస్టు చేశారు.