Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

‘ఆర్ఆర్ఆర్‌’లో అజయ్ నిడివి ఎంతంటే..!

, ‘ఆర్ఆర్ఆర్‌’లో అజయ్ నిడివి ఎంతంటే..!

రాజమౌళి తెరకెక్కిస్తోన్న బిగ్ మల్టీస్టారర్‌ ‘ఆర్ఆర్ఆర్‌’లో బాలీవుడ్ నటుడు అజయ్ దేవగన్ నటిస్తోన్న విషయం తెలిసిందే. ఫ్యాష్‌బ్యాగ్ ఎపిసోడ్‌లో ఓ కీలక పాత్రలో అజయ్ కనిపించనున్నాడనని రాజమౌళి స్పష్టం చేశాడు. దీంతో ఈ మూవీలో అజయ్ ఎంతసేపు కనిపించనున్నాడని హాట్ టాపిక్‌గా మారింది. కాగా తాజా సమాచారం ప్రకారం సెకండాఫ్‌లో ఫ్యాష్‌బ్యాగ్ ఎపిసోడ్ 40నిమిషాలు ఉండనుందట. అందులో 30నిమిషాలు అజయ్ కనిపించనున్నాడని తెలుస్తోంది.

కాగా ప్రస్తుతం ఈ మూవీ షూటింగ్ అల్యూమినియం ఫ్యాక్టరీలో జరుగుతుండగా.. యాక్షన్ సన్నివేశాలలో ఎన్టీఆర్ నటిస్తున్నాడు. ఈ మూవీ షూటింగ్‌కు కాస్త బ్రేక్ ఇచ్చిన రామ్ చరణ్ త్వరలో మొదలకానున్న తదుపరి షెడ్యూల్‌లో పాల్గొననున్నాడు. ఈ షెడ్యూల్‌ను అహ్మదాబాద్‌లో ప్లాన్ చేశారు. ఇక ఈ చిత్రంలో చెర్రీ సరసన అలియా భట్, ఎన్టీఆర్ సరసన డైసీ ఎడ్గర్ జోన్స్ నటిస్తుండగా.. సముద్రఖని మరో కీలక పాత్రలో కనిపించనున్నాడు. డీవీవీ దానయ్య నిర్మిస్తోన్న ఈ చిత్రానికి కీరవాణి సంగీతం అందిస్తుండగా.. వచ్చే ఏడాది జూలై 30న ప్రేక్షకుల ముందుకు రానుంది.