Russia Ukraine War: ఉక్రెయిన్‌లో హఠాత్తుగా ప్రత్యక్షమైన బ్రిటన్‌ ప్రధాని.. కీవ్ వీధుల్లో జెలెన్‌స్కీతో కలిసి జాన్సన్‌ అడుగులు

Boris Johnson Walking On Street

Russia Ukraine Crisis: బ్రిటన్ ప్రధాని బోరిస్ జాన్సన్ ఉక్రెయిన్ చేరుకున్నారు. ఉక్రెయిన్ అధ్యక్షుడు వోలోడిమిర్ జెలెన్‌స్కీతో కలిసి రాజధాని కీవ్ వీధుల్లో తిరుగుతూ కనిపించారు. ఇందుకు సంబంధించి ఉక్రెయిన్ ప్రభుత్వం రెండు నిమిషాల నిడివిగల వీడియోను షేర్ చేసింది. ఇందులో ఇద్దరు నాయకులను కీవ్‌లోని ఖాళీ సిటీ సెంటర్‌లో నడుచుకుంటూ వెళ్తున్న దృశ్యాలు వెలుగులోకి వచ్చింది. ఈ సమయంలో స్నిపర్లు, ఇతర భద్రతా ఏజెన్సీలు వారి భద్రత కోసం భార ఏర్పాట్లు చేశారు. అదే సమయంలో సిటీ సెంటర్ గుండా వెళుతున్న అనేక మంది బాటసారులకు జాన్సన్, జెలెన్‌స్కీ శుభాకాంక్షలు తెలిపారు. ఇద్దరు నాయకులు మైడెన్ చౌక్‌కు వెళ్లే ప్రధాన క్రేష్‌చాటిక్ రహదారిపై కాలి నడక వెళ్లడం ప్రపంచ వ్యాప్తంగా చర్చనీయాంశంగా మారింది.

సిటీ సెంటర్ గుండా వెళుతున్న ఒక బాటసారి ఉక్రెయిన్ రాజధానిలో బ్రిటీష్ ప్రధానిని చూసిన తర్వాత భావోద్వేగానికి గురయ్యాడు. అతను ప్రధాని జాన్సన్‌తో, ‘మాకు నువ్వు కావాలి’ అని కోరారు. ఇది విన్న జాన్సన్, ‘మిమ్మల్ని కలవడం ఆనందంగా ఉంది. మీకు సహాయం చేయడానికి మేము సంతోషిస్తున్నాము. జెలెన్‌స్కీలో మీకు మంచి అధ్యక్షుడు ఉన్నారు. ఫిబ్రవరి 24న ఉక్రెయిన్‌పై రష్యా దాడి చేసిన తర్వాత ఏ G 7 దేశాధినేత ఉక్రెయిన్‌కు వెళ్లడం ఇదే తొలిసారి. రష్యా దాడిని అమెరికా, కెనడా సహా పలు దేశాలు ఖండించాయి. రష్యాపై ఒత్తిడి తెచ్చేందుకు దానిపై ఆంక్షల వర్షం కురిపించారు. రష్యాపై బ్రిటన్ కూడా కఠిన ఆంక్షలు విధించింది.

యుద్ధ కల్లోలిత ఉక్రెయిన్‌లోకి బ్రిటన్‌ ప్రధాని బోరిస్‌ జాన్సన్‌ శనివారం హఠాత్తుగా వచ్చారు. రష్యా సేనలు పెద్దఎత్తున దాడులకు పాల్పడుతున్న తరుణంలో.. ఎలాంటి ముందస్తు ప్రకటన లేకుండా నేరుగా ఆయన కీవ్‌ చేరుకున్నారు. రష్యాపై పోరుకు మరిన్ని ఆయుధాలిస్తామని బ్రిటన్‌ తరఫున భరోసా ఇచ్చారు. అధ్యక్షుడు జెలెన్‌స్కీకి సంఘీభావం ప్రకటించడానికి ఆయన ఈ ఆకస్మిక పర్యటన చేపట్టారు. సైనిక, ఆర్థికపరమైన సాయాన్ని అందించి, ఉక్రెయిన్‌కు తమ దీర్ఘకాల మద్దతును కొనసాగించనున్నట్లు చెప్పడం ఈ పర్యటన ఉద్దేశం.

బ్రిటిష్ ప్రధాని జాన్సన్ ఉక్రెయిన్‌కు 120 సాయుధ వాహనాలు, కొత్త యాంటీ షిప్ క్షిపణి వ్యవస్థను అందించేందుకు హామీ ఇచ్చారు. ఇది మరో 100 మిలియన్ పౌండ్ల సహాయం, ఇది ఉక్రేనియన్ సైన్యానికి ఇవ్వనుంది. ప్రపంచ బ్యాంకు ద్వారా 500 మిలియన్ డాలర్ల సహాయాన్ని కూడా ఆయన ధృవీకరించారు. ఈ విధంగా బ్రిటన్ ఉక్రెయిన్‌కు ఒక బిలియన్ డాలర్లకు పైగా ఇవ్వనుంది. ఉక్రెయిన్‌పై యుద్ధం ప్రారంభమైనప్పటి నుండి, మిలియన్ల మంది ఉక్రేనియన్లు దేశం విడిచి వెళ్ళవలసి వచ్చింది. ఈ వ్యక్తులు పొరుగు దేశాలలో ఆశ్రయం పొందారు. పోలాండ్, రొమేనియా వంటి దేశాలకు వెళ్లి చాలా మంది ప్రాణాలు కాపాడుకున్నారు.

ఉక్రెయిన్ రష్యా సైన్యాన్ని కైవ్ తలుపుల నుండి వెనక్కి నెట్టిందని బోరిస్ జాన్సన్ అన్నారు. ఇది 21వ శతాబ్దపు అత్యుత్తమ విజయం. రష్యా అధ్యక్షుడు వ్లాదిమిర్ పుతిన్ లక్ష్యాన్ని అడ్డుకున్నందుకు జెలెన్‌స్కీ దృఢమైన నాయకత్వం, ఉక్రెయిన్ ప్రజల తిరుగులేని పరాక్రమం మరియు ధైర్యాన్ని ఆయన ప్రశంసించారు. రష్యా ఉక్రెయిన్ కంటే ఎక్కువ సైనిక శక్తిని కలిగి ఉండవచ్చు. అయితే రష్యా సైన్యానికి ఉక్రెయిన్ సైన్యం గట్టి పోటీ ఇచ్చింది. ఇటీవలి రోజుల్లో, ఉక్రేనియన్ సైన్యం దేశంలోని అనేక నగరాలను రష్యన్ ఆక్రమణ నుండి విముక్తి చేసింది.